Amos 1
1
1Mqbsuran paru Yehudah ka Ujiyah mqbsuran paru Israel ka Yarabeam laqi Yehoas ciida, kiya de berah 2 knkawas paru runu, qnita Amos mtabu miric pneeyah Teqoa, kari na quri Israel.
2Rmengo ka heya. “Tddiras peeyah dgiyaq Sion ka Utux Tmninun,
mplawa peeyah Yerusalem.
Mdengu ka speriq tbugan,
mdengu ka dgiyaq Karmel.”
Psgao Dqlhangan Ssiyo Israel ka Utux Baro
Aram
3Rmengo so nii ka Utux Tmninun:
“Asi knteetu niqan qnquwan noda ka Darmeseq,
dmoi xiluy kikai mptnemu mugi beebu Gilad,
uxe mu lixun ka pkdira mu heya.
4Mpeeyah ku rana puniq sapah qbsuran paru Xajael,
psqmaun mu ka sapah qbsuran paru Ben Hadad.
5Gremun mu ka ruhu rhengun Darmeseq,
mseqic ku dseediq Awen gaga meeniq brenux ma,
dseediq gaga dmoi beyax mpqlahang Bet Eden,
seediq Aram we qrapun desun Qir.”
Rnengo Utux Tmninun ka nii.
Quri Peliset
6Rmengo ka Utux Tmninun:
“Asi knteetu niqan qnquwan noda Ajah,
qmerac kana seediq sbege na Edom,
uxe mu lixun ka pkdira mu heya.
7Mpeeyah ku rana puniq ckceka alang Ajah,
mpkuuka ku sapah qbsuran paru na.
8Sqetun mu ka dseediq Asdod ma,
dseediq niqan beyax mpqlahang Asqelon,
mpquri ku bukuy mcebu Eqron,
ida mphuqil kana ka Peliset msngari.”
Rnengo Utux Tmninun Bukung ka nii.
Quri Cor
9Rmnengo so nii ka Utux Tmninun:
“Asi knteetu niqan qnquwan noda ka Cor,
wada na sbege Edom ka kana seediq,
ini lngelung pnsdhegan mtswai,
uxe mu lixun ka pkdira mu heya.
10Kiya de mptuting ku tahuc ckceka alang Cor,
hrahun mu ka sapah thmkuwan”.
Quri Edom
11Rmnengo so nii ka Utux Tmninun:
“Asi knteetu niqan qnquwan noda ka Edom,
ini bale sange ka seang, ida niqan klaai ka tmraqil,
dmoi hlmadac mhero mtswai, ini bale gaalu,
uxe mu lixun ka pkdira mu heya.
12Mpeeyah ku rana puniq Teyman,
mpkuuka ku sapah qbsuran paru Bacrah.”
Quri Amon
13Rmnengo so nii ka Utux Tmninun:
“Asi knteetu niqan qnquwan noda ka Amon,
muyak nbuyas dmqedil mchedil Gilad,
prana ayus qnlhangan na,
uxe mu lixun ka pkdira mu heya.
14Meeniq ku ali mccebu mdiras ciida,
meeniq ku bgihur mspgeriq ciida,
mpeeyah ku rana puniq ckceka alang Rabah,
mpkuuka ku sapah qbsuran paru na.
15Mpsuupu qrapun ka qbsuran paru ma dqbsuran mdudul daha.”
Rnengo Utux Tmninun ka nii.
Currently Selected:
Amos 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
