3 Yohane 1
1
Smbeyax Kari
1Yaku ga ngalan rudan mpqlahang we, matis ku patis Gaios sgaalu mu, kiya ka bale pneyah lhebun sgaalu mu. 2Sgaalu mu, tai su so malu kana, mbeyax ka heyi su, mntena ga mtbale riyung ka lhebun su. 3Mqaras ku riyung, niqan ka mtswai ta meyah yaku hini. Wada pgkela thei su kari bale ba ma, muyu su kari bale ba mepah uri. 4Mnbahang ku ga muyu meepah kari bale ba ka lqlaqi de, uka ka mgkala hiya dungal pqaras kenan.
Msuupu ma Hmetur
5Sgaalu mu, quri ndaan su mtswai, kiya ka noda namu quri mtswai tnooda we, bale ba pneyah lhebun su. 6Spgkela daha berah pssliyan ka gnaalu su. Nasi su mndungus lnglungan Utux Baro smraki su posa so nii seediq we kika malu. 7Ririh ngayan Kiristo ka stnooda daha nganguc. Dheya uri we ini angal dnayo pneyah seediq ini snhii. 8Maanu so kiya de, asi ta ka dyagan smterung ka seediq so nii. So ta maha msuupu meepah dheya meniq kari bale ba.
9Wada mu sbege pssliyan ka duma pnatis mu. Kiya ka ckceka daha ini psteme menan ka Diotrepes pdudul pssliyan. 10Quri so nii, pgkela ku noda na. Kiya ka heya we ini knttuku ka doi na kari naqah smngayan yami ma, betaq ini psteme mtswai ka heya nanak. Kmpsteme mtswai ka duma na we, ini na srwai ma, hteran na. Kiya ka seediq psteme dheya we lwaqun na peeyah pssliyan.
11Sgaalu mu, iya pyugi ka naqah, wano puyu malu noda. Seediq meepah malu noda we nuUtux Baro kiya. Seediq meepah naqah we uxe qmnita Utux Baro. 12Meepah malu noda ka Demetrios we, ga pgkela ka duma seediq. Pgkela heya ka kari bale ba uri. Ani so yami we pgkela nami heya uri. Ida su klaun pnugkela nami we ida bale ba.
Smbeyax Kari
13Egu ka ppatis mu sunan. Kiya de ini ku sruwa dmoi ppatis ma geluq ppatis. 14Smatang ku qqita nhari sunan, pprengo ta dqeras. 15Tai su so mtbale lhebun! Ga rmengo malu su mesa sunan ka ddangi su. Braho misu, pdai txtaxa ngayan pririh kenan ooda rmengo malu namu ka dheya.
Currently Selected:
3 Yohane 1: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020