2 Tesaloniki 1
1
Smbeyax Kari
1Meeniq nami Utux Baro Tama ta ma pssliyan Yesu Kiristo Bukung, yaku Poro, Siloanos ma Timoteos we matis patis Tesaloniki. 2Tai so meeniq yamu ka huwe ma msbleyaq pneyah Utux Baro Tama ta ma Yesu Kiristo Bukung!
Psgeegan Eeyah Kiristo
3Mtswai, mpqaras miyan Utux Baro yamu klaali, nii we mnlengu kiya. Ado mrana knkilan ka snhiyan namu. Lhebun namu mggalu we ga mrana riyung uri. 4Maanu so kiya de, yami we stndahu miyan kana pssliyan nuUtux Baro ka yamu. Ado yamu we meniq namu ckceka pnqraqil we ida namu knremun bale ma niqan bale snhiyan.
5Nii we kiya ka truura pnkela pnsgeegan msderux noda Utux Baro. So namu maha mdungus mangal qnlhangan na. Qnlhangan nii ka sooda namu mqraqil. 6Msderux noda ka Utux Baro de, ida maha prana mciyuk pqraqil seediq mege mqraqil yamu. 7-8So yamu nii moda mqraqil uri we maha namu mtheyaq yami mangal mtbale lhebun. Ciida de, Yesu we mptheyaq snkgulan baro niqan beyax ma mptuura pqita ckceka tahuc puniq pneeyah karac baro. Mosa cmiyuk ini kela Utux Baro ma dseediq ini qbahang malu kari Yesu Bukung ta. 9Dheya we pkdraun, ani betaq knuwan maha mpgedang. Psteqan dqeras Bukung ma knledax beyax na ka dheya. 10Kiya ka nii eeyah Bukung, sptuura na bobo heyi mrtaso tnugsaan na. So maha mklui ali ciida ka kana seediq snhii Heya. Ado snhiyun namu riyung ka pnugkela miyan dyamu. 11So ooda nii we, dmurun miyan yamu klaali. Tai so mndungus riyung qntaan Utux Baro ma pnlawa na yamu. Kiya uri we mdoi paru beyax mpttuku kana malu lnglungan ma kana qneepah pnooda snhiyan namu. 12Ngayan Yesu Bukung ta we, mpuyu Utux Baro ta ma huwe Yesu Kiristo Bukung ta, maangal knledax peeyah heyi namu. Yamu uri we maangal namu knledax peeyah heyi na uri.
Currently Selected:
2 Tesaloniki 1: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020