1 Tesaloniki 5
5
1Mtswai, quri so knuwan ma ali nii de, ani ini patis yamu ka seediq. 2Ado ida namu klaun nanak, ali eeyah Bukung we mntena so mpgeeguy asi eyah ceka rabi. 3Hani ta nii rmengo msbleyaq ciida de, asi eyah ka mqraqil. Mntena so mqedil gisu hlidan mptuting laqi, uka na qdriqun. 4Mtswai, uxe namu ga meniq mnkuung, ali nii we uxe maha so mpgeeguy asi eyah yamu hiya. 5Yamu we laqi namu ledax. To so namu laqi diyan ka yamu. Ita we uxe ta nkeeman ma, uxe ta mnkuung uri. 6Maanu so kiya de, iya ta sgcuqi mtaqi, mntena so icil seediq. Kiiyo ta qmlahang. 7Ado keeman ka tqiyan seediq wada mtaqi. Bsukan keeman ka seediq mpbsukan. 8Kiya de ndiyan ta ka ita de, na ta qmlahang. Ngale ta gagi qqeerung berah ta ka snhiyan ma gnaalu. Ngale ta bunuh kbnuhun ka sntangan ddoi baga. 9Ado sneengan Utux Baro we uxe mpkseang ita. Mooda Yesu Kiristo Bukung mdoi baga ka pnsrmalan na duita. 10Ita ka wada na spririh mhuqil, kiya de ani ta miiyo ma mtaqi de, ida ta mtheyaq Heya muudus. 11Maanu so kiya de, pddudul ka yamu, pddayo uri, mntena so ndaan nami yamu klaali.
Nhdean Dmudul ma Smbleyaq
12Mtswai, mdudul ku yamu sprui bale mita ka ga mdrumuc meepah ckceka namu. Kiya ka meniq ckceka Bukung gisu tmgesa yamu, ga mdakar yamu. 13Ado qneepah daha we pdai gnaalu sprui bale mita ka dheya, yamu uri we psbale. 14Mtswai, mdudul ku yamu. Qlhangi bale ka seediq uka gaya, psbyaxi ka seediq ga muuwic lhebun, dyagi ka seediq ga muuwic, pniqi knremun namu meepah seediq. 15Qlahang ka yamu, ani ima we iya bale pcciyuk naqah. Ckceka namu ma kana thbaro seediq bhragi ka malu ooda.
16Qqaras klaali. 17Iya psetuq dmurun. 18Ani maanu we qrasi Utux Baro. Ado so nii we lnglungan dngesan na yamu meeniq ckceka Kiristo Yesu ka Utux Baro. 19Iya hteri ka Bgihur Utux. 20Iya tiiyax gnarang mpgeela kari. 21Ani maanu we dai sseengan: Nasi malu na we doi bale. 22Hteri bale ka naqah ooda.
23Tai so Utux Baro mbege msbale lhebun we maha mpttuku prtaso yamu! Tai so bgihur, utux, heyi namu we ga qlhangun bale. Maha uka bale ttiyuun meniq Yesu Kiristo Bukung ta eeyah na ciida. 24Bale ba stmaan ka mnlawa yamu, Heya nanak ka mpptuku ooda nii.
25Mtswai, braho namu druni nami ka yami uri.
26Pdaun pntnguhan mrtaso pquri mtswai mppsbiyax. 27Spooda mu Bukung mpdudul ku yamu, patis nii ge spui pqbhangi kana mtswai.
28Tai so mptheyaq yamu ka huwe Yesu Kiristo Bukung ta!
Currently Selected:
1 Tesaloniki 5: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
