2 Samuel 9
9
Dawid ma Mepiboset
1Rmengo ka Dawid: “Niqan msrangi seediq ka tnsapah Soro ho? Ririh Yehonatan sblequn mu ka heyi.” 2Niqan 1 tnqliyan sapah Soro, Ciba ka ngayan na. Snkagul seediq ka heya ma meyah Dawid hiya. Rmengo heya ka qbsuran paru: “Isu ka Ciba ho?” Rmengo ka heya: “Un, tnqliyan su.” 3Rmengo ka qbsuran paru: “Ya niqan mntngari ka tnsapah Soro ho? Mpuyu ku gnaalu Utux Baro mpgaalu ku heya.” Rmengo qbsuran paru ka Ciba: “Niqan ka 1 laqi rseno Yehonatan. Mpika ka papak na.” 4Rmengo heya ka qbsuran paru: “Gaga inu ka heya?” Rmengo qbsuran paru ka Ciba: “Qtai! Gaga sapah Makir laqi Amiel alang Lo Debar hiya ka heya.” 5Kiya de smkagul seediq adis na heya peeyah sapah Makir laqi Amiel gaga Lo Debar ka Dawid. 6Meyah Dawid hiya ma tgtemaq dqeras na thmuku Dawid ka Mepiboset lqlaqi laqi Soro ma, laqi Yehonatan. Rmengo heya ka Dawid: “Mepiboset!” Rmengo ka Mepiboset: “Qtai! Gisu nii ka tnqliyan.” 7Rmengo heya ka Dawid: “Iya kiicu. Ririh Yehonatan tama su, mpsbleyaq ku isu ka yaku. Pbrnahun mu mege isu kana ka dxeral Soro baki su. Isu we, maha su mtheyaq mekan uqun yaku klaali uri.” 8Thmuku rmengo ka Mepiboset: “So ba maanu ka tnqliyan su? Mntena ku so huling ma, betaq su so nii smbleyaq!”
9Mlawa Ciba ntnqliyan Soro ka qbsuran paru. Rmengo heya: “Wada mu sbege laqi tnpusu sapah su ka kana nSoro ma kana pusu dnoi tnsapah na. 10Isu ma psuupu kana laqi su ma dtnqliyan su we, mqeepah namu dxeral laqi pusu tnsapah su. Nngalan namu we bbege namu heya. Mepiboset laqi tnpusu sapah su we, mptheyaq yaku mekan klaali ka heya.” Niqan 15 heyi laqi na rseno ma 20 heyi tnqliyan na ka Ciba. 11Rmengo qbsuran paru ka Ciba: “Kana rnengo pusu tnsapah mu ma, qbsuran paru mu we, ida mpuyu kana ka tnqliyan.” Kiya de Mepiboset we mntena so laqi qbsuran paru msuupu mekan hnpure qbsuran paru. 12Niqan 1 laqi na rseno Mikah kesun ka Mepiboset. Kana dseediq meeniq sapah Ciba we, mtnqliyan Mepiboset kana. 13Meeniq Yerusalem ka Mepiboset. Ida msuupu mekan hnpure qbsuran paru klaali ka heya. 2 papak na we mpika kana.
Currently Selected:
2 Samuel 9: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
