2 Samuel 8
8
Dnugdyalan Mccebu Dawid
(1 No 18:1-17)
1Bobo na de, Dawid we mosa mccebu seediq Peliset, wada na ini baka ka dheya. Dawid we wada na ngalun peeyah baga seediq Peliset ka beyax qqlahang lualang.
2Dungal we mosa mccebu seediq Moab ma betaq mksaro dxeral ka dheya. Seengun negul we, wada mhuqil ka snengan 2 snuyuk. Sneengan 1 snuyuk we gaga muudus. Kiya de mbahang Dawid ka seediq Moab ma, mbege qyqeya ddooyun Dawid ka dheya.
3Hadadejer laqi Rexob qbsuran paru Cobah we mquri yayung Euhrates kmberih mangal beyax qlhangan na. Meyah mccebu heya ka Dawid. 4Qrapi na peeyah dheya ka 17'00 heyi supi paapa dapa dmay ma, 2 mang supi mnkesa. Dawid we wada na sqetun kana urac papak dapa dmay ma, rngiyan na 10'00 bale ka rulu mccebu. 5Mneyah dmayo Hadadejer qbsuran paru Cobah ka seediq Aram gaga Darmeseq we, 2 mang 20'00 heyi wada phqilun Dawid ka seediq Aram. 6Kiya de pkobu supi meniq Aram dxeral Darmeseq hiya ka Dawid. Kiya de thei Dawid ka seediq Aram ma, mege pila heya ka dheya. Dawid we ani mquri inu, Utux Tmninun ge, biqan na mbeyax mccebu ka Dawid. 7Dawid we glekun na mangal ka qqeerung heyi snmalu king Hadadejer, desun na Yerusalem. 8Dungal we Dawid qbsuran paru we egu bale limuk nangal na peeyah alang Bitah ma Berotay gaga Hadadejer hiya.
9Toiy qbsuran paru Xamat we, mnbahang wada ini baka Dawid ka Hadadejer. 10Kiya de skgulan na Dawid qbsuran paru hiya ka laqi na Yoram ma pqrasun na prengo ma smbleyaq heya. Ado mnccebu Hadadejer ka heya ma, wada na ini baka. Ado ciida mccebu riyung Hadadejer ka Toiy. Baga Yoram we madis qyqeya snmalu king, ging ma, xiluy limuk. 11Dawid ge, psnakan na prtaso ka qyqeya nii. Kana king ma ging nangal mccebu dqlhangan we, sbege na Utux Tmninun. 12Kiya ka qyqeya gnlekan na pneeyah seediq Aram, Moab, Amon, Peliset, Amaleq ma, Hadadejer laqi Rexob qbsuran paru Cobah.
13Niqan ngayan ka Dawid. Mbrinah meyah ciida, moda phuqil 1 mang 80'00 heyi dseediq Edom meniq ayu Timu ka heya. 14Pkobu Edom hiya ka Dawid. Pkobu kana dxeral Edom hiya ka heya. Kiya de mbahang heya ka seediq Edom. Mquri ani inu ka Dawid, Utux Tmninun ge, biqan na mbeyax mccebu ka Dawid.
15Mqbsuran paru kana Israel ka Dawid, dungal we msderux oda na quri seediq. 16Yoab laqi Ceruyah ka ngalan qbsuran supi ma, Yehosapat laqi Axilud ka ngalan mpatis ndaan. 17Cadoq laqi Axitub ma, Aximelek laqi Ebyatar ka ngalan msapuh. Serayah we ngalan mpatis sapah qbsuran paru. 18Benayahu laqi Yehoyada ka qmlahang seediq Keretiy ma Peleti. Lqlaqi Dawid we ngalan msapuh.
Currently Selected:
2 Samuel 8: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
