2 Samuel 23
23
Kari hniti Dawid
1So nii ka nhdean kari Dawid:
“Kari Dawid laqi Yisay,
ma mangal ppbaro ba tluungan,
hnrigan abura Utux Baro nuYakobu,
kiya ka seediq mpatis uyas kuxul riyung Israel.
2Bgihur Utux Tmninun we spooda na kenan rmengo,
kari na we nii pdahung mu.
3Rmengo ka Utux Baro nuIsrael,
rmnengo kenan ka pusu btunux Israel,
‘Mooda knsderux noda qmlahang seediq,
mooda kniicu na Utux Baro qmlahang,
4heya we, mntena so ledax hido pledax mgrebu,
mntena so hido mgrebu uka qnyean plabu,
mntena so knledax bobo qnuyux,
meeniq bobo speriq.’
5Meeniq berah Utux Baro ka sapah mu we, uxe so kiya peni?
Utux Baro we psdehu kenan betaq ani knuwan,
pnsdehu nii we mttuku ma mgdehu riyung.
Kana mdoi baga kenan ma kana kmddaun mu,
uxe mpttuku ka heya peni?
6Kiya de dseediq uka dungus we maha mntena pako qnada.
Uxe daha dooyun baga mangal.
7Asi ka dmoi xiluy ma smbrangan tmelung dheya,
qhdeun psqama puniq hiya ka dheya.”
Dmnpahung Supi Dawid
(1 No 11:10-47)
8So dnii ka ngayan dmpahung supi Dawid: Yoseb Basebet laqi Taxkemon we tgberah ba ckceka 3 dmpahung supi. Texal phuqil smbrangan ka heya we 8'00 heyi ka phqilun na.
9Bobo ckceka 3 dmpahung supi smnegul Dawid hiya we, Elajar laqi Dodo seediq Axoxi. Cuuxal msseli mpccebu ka seediq Peliset, dheya ka mseang mccebu quri seediq Peliset. Mosa mccebu ka seediq Israel ciida, 10heya ka mtutuy phuqil seediq Peliset betaq muuwic ka baga na ma, seedal hlmadac ini pkaangal ka baga na. Wada mbeyax riyung ka Utux Tmninun ali ciida, kiya we dseediq smnegul bukuy Elajar we, wano moda gmeeluk nanak qyqeya hiya.
11Bobo na we, Sama laqi Age seediq Harar. Niqan texal, mnsseli Lixiy hiya ka seediq Peliset. Meeniq qnpahan malu ba gnhei na layan mtanah hiya, qnduriq peeyah berah seediq Peliset ka dseediq. 12Kiya de we, Sama ge, ida mheyu ckceka qnpahan ka heya ma qmlahang qnpahan kiya ma, betaq na wada ini baka ka dseediq Peliset. Wada mbeyax riyung ka Utux Tmninun.
13Prading qmburung ciida, hmeruc betaq beling lhengo Adulam mosa Dawid hiya ka 3 mpqlahang supi. Dsupi Peliset we pkobu ayu Ripayim hiya. 14Meniq qbrangan na ka Dawid ge, dsupi seediq Peliset we meeniq Betlexem. 15Mhqeni riyung ma lmngelung ka Dawid: “Tai so maha niqan seediq piimah qsiya bnbulan na hghugan gaga ssiyo rhengun alang Betlexem!” 16Kiya de mosa hmrinas pkobu seediq Peliset ka 3 mnpahung supi nii ma, bubul qsiya peeyah ssiyo rhengun alang Betlexem ma, desun daha piimah Dawid. Kiya we, ini sruwa miimah ka heya ma, scuwaq na berah Utux Tmninun ka qsiya. 17Rmengo: “Utux Tmninun! Uxe ku mooda noda nii! Snmayan pnooda knuudus 3 heyi nii we, uxe dara daha ka nii da peni?” Kiya de ini sruwa miimah qsiya nii ka Dawid. So nii ka paru qneepah 3 mnpahung supi nii.
18Abisay mtswai Yoab laqi Ceruyah we qbsuran ckceka 3 mnpahung supi nii. Dmoi smbrangan wada phuqil 3'00 heyi ka heya, kiya ka niqan ngayan ckceka 3 mnpahung supi nii. 19Niqan riyung ngayan ckceka 3 mnpahung supi nii ka heya, kiya ka gaga ngalun mpdudul. Kiya de ida ini pgkala 3 mnpahung supi tgberah ka heya.
20Benayahu mnpahung supi laqi Yehoyada pneeyah Qabceel we egu ba qneepah na. Wada phuqil 2 laqi Ariyel seediq Moab ma pkelu ali qhdean ciida, hmeruc mosa beling lhengo phuqil tnarux rkelic rudu. 21Dungal we wada phuqil mbeyax ba seediq Micrayim. Dmoi smbrangan ka seediq Micrayim, wano ba qreti dooyun na mosa hiya ka Benayahu ma, wada na glekun peeyah baga na ka smbrangan ma, dmoi smbrangan nii phuqil heya. 22So nii ka qneepah Benayahu laqi Yehoyada, kiya ka dehuk mangal ngayan ckceka 3 mnpahung supi. 23Mnkala 30 mnpahung supi niqan ngayan ka heya. Kiya we ida ini pgkala 3 mnpahung supi tgberah ka heya. Dawid we ngalan na qbsuran supi mpqlahang sapah qbsuran paru ka heya.
2430 mnpahung supi we niqan Asahel mtswai Yoab, Elxanan laqi Dodo pneyah Betlexem, 25Samah ma Eliqa seediq Haror, 26Xelec seediq Paltiy, Ira laqi Iqes pneyah Teqoa, 27Abiejer pneyah Anatot, Mebunay seediq Xusat, 28Calmon seediq Axoxi, Mahray seediq Natopat, 29Xeleb laqi Baanah seediq Natopat, Itay laqi Ribay seediq Gibeah pnswayan rudan Binyamin, 30Benayahu seediq Piraton, Hiday seediq Yayung Gaas, 31Abialbon seediq Arbat, Ajmawet seediq Bhuring, 32Elyaxba seediq Sarbun, Yehonatan laqi Yasan, 33Samah seediq Harar, Axiam laqi Sarar seediq Harar, 34Elipelet laqi Axasbay seediq Maakah, Eliam laqi Axitopel seediq Giloh, 35Xecray seediq Karmel, Paaray seediq Arbi, 36Yigal laqi Natan seediq Cobah, Bani seediq Gad, 37Celeq seediq Amon, Naxray seediq Beerot mdoi qyqeya mccebu Yoab laqi Ceruyah, 38Ira seediq Eter ma, Gareb seediq Eter. 39Uriyah seediq Xet. Msuupu kana we 37 heyi.
Currently Selected:
2 Samuel 23: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
