2 Samuel 21
21
Phqilun ka Lqlaqi Laqi Soro
13 knkawas msgeegul krayan ka qbsranan Dawid ciida. Dawid we smiling Utux Tmninun. Rmengo ka Utux Tmninun: “Soro ma tnsapah na we niqan qnquwan noda daha psdara seediq. Ado pnhuqil seediq Gibon ka heya.” 2Mlawa seediq Gibon ka Dawid qbsuran paru. Uxe seediq Israel ka seediq Gibon. Dheya we mntngari pneeyah seediq Amori ka dheya. Mnoda psdehu dheya ka seediq Israel. Kiya de Soro ge, sgcuqi ka llngelung na quri seediq Israel ma Yehudah de, satang na phqilun ka seediq Gibon saun na smdurak. 3Rmengo seediq Gibon ka Dawid: “Maanu ka ddaun mu sunan ho? So maanu ka spririh qnquwan noda nii, kiya de so namu maha smbleyaq pusu dnoi Utux Tmninun ho?” 4Rmengo heya ka seediq Gibon: “Uxe quri pila ka pusu pnugluban miyan Soro ma tnsapah na. Iya bale pooda so yami, pphuqil su ani ima dseediq Israel uri.” Rmengo ka Dawid: “Maanu ka rnengo namu de, ida kiya ka daun mu sunan.” 5Cmiyuk qbsuran paru ka dheya: “So dseediq kmphuqil, kmpkuuka menan ma, dseediq ini kmpeeniq dxeral Israel, 67 heyi lqlaqi na we biqi miyan hiya. Pqyaun miyan qhuni phuqil berah Utux Tmninun alang Gibeah. Kiya ka nniqan Soro gneegan Utux Tmninun.” Rmengo ka qbsuran paru: “Bege mu yamu ka dheya.”
7Krwahun qbsuran paru ka Mepiboset laqi Yehonatan lqlaqi laqi Soro. Ado smndehu Utux Tmninun ka Yehonatan laqi Soro daha ka Dawid han. 8Dawid we qrapun na ka Armoni ma Mepiboset 2 laqi rseno Soro. Dheya nii we mntuting peeyah Recpah laqi Ayah. Dungal we qmerac 5 laqi rseno Merab weewa Soro. Dheya nii we mntuting peeyah Adriel laqi rseno Barjilay seediq Mexolat. 9Dawid we sbege na baga seediq Gibon. Seediq Gibon de spqeya daha qhuni phuqil berah Utux Tmninun bobo dgiyaq hiya ka dheya. Wada asi sxali phuqil ka 7 heyi nii. Phuqil dheya ciida we pkelu prading kmetuy mugi paru.
10Recpah laqi Ayah we lmhelah lukus mbasi ma ssapo na bobo tasil smalu behing hiya. Peeyah prading kmetuy betaq qyexan ka bqerus nii ge, diyan we qmlahang qbheni peeyah baro uxe staril bqerus, keeman we uxe eyah mekan camac bbuyu qmlahang dheya. 11Ndaan Recpah laqi Ayah mqedil Soro we saan daha pgkela ka Dawid. 12Dawid we mosa mangal buuc bqerus Soro ma Yehonatan laqi na Yabes gaga Gilad hiya. Buuc bqerus nii we snipaq seediq Peliset Gilboa hiya ka Soro ali ciida ma, qnyaanan daha nganguc pssliyan Bet San, bobo na de wada saun gmeeguy seediq Yabes Gilad di. 13Desun Dawid peeyah hiya ka buuc bqerus Soro ma Yehonatan laqi na ma pssliun dseediq ka buuc de 7 heyi wada pqhdeun phuqil snii uri. 14Kiya de spuun daha smeku habung Qis tama Soro gaga Cela dxeral Binyamin hiya ka buuc Soro ma Yehonatan. Dheya we muyu kana kari tnugesa qbsuran paru. Bobo na de, Utux Baro we mbahang dnurun quri dxeral kiya ka heya.
Mccebu Seediq Peliset
(1 No 20:4-8)
15Mccebu ka seediq Peliset ma Israel. Dawid we dmudul tnqliyan na mosa mccebu seediq Peliset. Kiya de muuwic ka heya di. 16Yisbi Benob 1 laqi mslutuc seediq paru we kmphuqil Dawid. 3'00 sneengan knchdilan ka smbrangan limuk na ma, hwinuk na we hmabik bgurah hlmadac uri. 17Kiya de dmayo Dawid mosa mccebu seediq Peliset ka Abisay laqi Ceruyah ma, wada na phqilun ka seediq nii. Ali ciida, smdehu rmengo quri Dawid ka dseediq Dawid: “Iya theyaq menan mosa mccebu ka isu, so su uxe phengun ka camo Israel.”
18Bobo na nii, mccebu seediq Peliset meniq Gob dungal. Ciida, Sibkay seediq Xusat ka wada phuqil Sap laqi mslutuc seediq paru. 19Dungal we mccebu seediq Peliset meniq Gob ka dheya. Elxanan laqi Yarey seediq Betlexem we wada phuqil Golyat seediq Gat. Smbrangan na we kiya ba daus ware tinun. 20Bobo na dungal, mccebu Gat hiya. Niqan 1 paru seediq. Tluding baga ma papak na we pn6 ma msuupu de 24. Dheya nii we laqi mslutuc seediq paru. 21Meyah tmheri seediq Israel ka heya. Yehonatan laqi Simea qbsuran mtswai Dawid ka wada smipaq heya. 22Lqlaqi mslutuc Gat seediq paru ka 4 heyi nii we, wada mtakur baga Dawid ma tnqliyan na ka dheya.
Currently Selected:
2 Samuel 21: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
