2 Qbsuran Paru 7
7
1Rmengo ka Elisa: “Qbahang kari Utux Tmninun. Rmengo so nii ka Utux Tmninun: Pkelu so nii kusun, mpbaruy namu wano ba 1 skere ka 1 sea nemu mugi meniq rhengun Samareia ma, ida 1 ba skere ka 2 sea mugi paru uri.” 2Cmiyuk rmengo seediq Utux ka 1 qbsuran mdayo ssiyo qbsuran paru: “Qtai! Ani rmaguh beling karac baro ka Utux Tmninun we, uxe ba meeniq ka oda nii.” Rmengo ka Elisa: “Mqita su bale doriq, kiya we uxe su mekan ani manu meniq hiya.”
Wada Malix ka Supi Aram
3Niqan 4 seediq mnarux msburo heyi gaga meniq rhengun alang, mpprengo ka dheya: “Ma ta nii tleung hini tmara hhuqil ho? 4Nasi ta rmengo, mpremux ta alang we, gaga daan ure ka hiya, kiya de mphuqil ta hiya. Nasi ta ini klgelu hini we, ida ta mphuqil uri. Saya, Aguh! Asi ta osa pheyu baga dsupi Aram. Nasi ta na pkdusun we, mpkuudus ta. Nasi ta na phqilun we, uqu ta nak huqil da!” 5Prading smreesa, mtutuy ma mosa mquri kobu supi seediq Aram ka dheya. Dehuk ssiyo kobu supi de, qtai! Uka ani 1 seediq ka hiya. 6Ado Bukung we, pqbhangun na hrenang rulu mccebu, rengac dapa dmay ma, diras hbaro supi ka dsupi seediq Aram de, mpprengo ka dheya: “Tai! Ida ba smadu dqbsuran paru seediq Xet ma dqbsuran paru Micrayim ka qbsuran paru Israel ma, meeyah kmremux ita.” 7Kiya de mpsreesa ciida, wada mtutuy ma qduriq ka dheya. Htiyan daha malix ka kobu, dapa dmay ma, dapa roba. Ida gaga hiya ka kobu supi. Ini daha lnglungi ma asi qduriq. 8Dehuk ssiyo kobu ka dseediq mnarux sburo heyi de, mremux 1 kobu ma, mnekan ma mnimah de, desun daha ka king, ging ma, lingun daha ka lukus. Mbrinah dungal ka dheya ma, mosa mremux icil kobu. Wada daha desun ma lmeing ka qyqeya nangal daha.
9Ciida, mpprengo ka dheya: “Uxe malu ka ndaan ta! Niqan knmalu utux ka ali saya we, ini ta squwaq ka ita! Nasi ta traan betaq kusun de, maha ta niqan qnquwan noda ta da. Aguh, sae ta pqbahang ka tnsapah qbsuran paru ta!” 10Kiya de mosa mlawa dseediq mpqlahang rhengun ka dheya ma, rmengo dheya: “Mnosa miyan kobu supi seediq Aram. Qtai! Uka ani 1 ka meniq hiya ma, uka seediq squwaq uri. Wano ba dapa dmay ma dapa roba ka gaga seegul ma gaga daha rngiun kobu hiya.” 11Kiya de mddiras ka dmpqlahang rhengun ma, saan daha rmengo ka dseediq qbsuran paru. 12Mtutuy keeman ka qbsuran paru ma, rmengo tnqliyan na: “Rngage maku hmuwa mesa ndaan na ita ka seediq Aram. Dheya we mkela gisu ta muure, kiya ka mlatac kobu ma, gaga mosa kmburang breenux, mprengo: ‘Mlatac alang ka seediq Israel de, sae ta qmerac ma ngalo ta ka alang.’” 13Rmengo ka 1 qbsuran mdayo: “Geegi 5 peeyah nii mnsngari dapa dmay, qtai! Ddapa dmay nii we, mntena kana seediq Israel so mphuqil. Skgule ta seediq psae ta kmuuruy!” 14Kiya de gmao 2 rulu mccebu ma dapa dmay, qbsuran paru we skgulan na mosa smdurak supi seediq Aram, rmengo: “Sai kmuuruy yamu!” 15Dheya we mosa smdurak seediq Aram betaq yayung Yarden. Qtai! Kana luelu we gisu stenge lukus ma qyqeya mccebu pntgyexan daha hmiti qmada ma qduriq. Kiya de mosa mbrinah rmengo qbsuran paru ka snkgulan.
16Kiya de mlatac peeyah alang ka dseediq mosa gmeeluk kobu supi seediq Aram. Bale ba so rnengo Utux Tmninun, bbrigun daha 1 skere ba ka 1 sea nemu mugi. 17Smkagul qbsuran mdayo ssiyo na mosa dmayo rhengun alang. Kiya we wada phqilun qmleqah seediq rhengun alang hiya ka heya. Ida so rnengo seediq Utux pkelu mnosa hiya ciida ka qbsuran paru. 18Rmnengo qbsuran paru ka seediq Utux: “Pkelu so nii kusun, mpbaruy namu wano ba 1 skere ka 1 sea nemu mugi ma, ida 1 ba skere ka 2 sea mugi paru uri meniq rhengun Samareia.” 19Cmiyuk rmengo seediq Utux ka 1 qbsuran mdayo ssiyo qbsuran paru: “Qtai! Ani rmaguh beling karac baro ka Utux Tmninun we, uxe ba meeniq ka oda nii.” Rmengo ka Elisa: “Mqita su bale doriq, kiya we uxe su mekan ani manu meeniq hiya.” 20Bale ba moda heyi na ka kari nii. Ado wada phqilun qmleqah seediq rhengun alang ka heya.
Currently Selected:
2 Qbsuran Paru 7: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
