2 Qbsuran Paru 24
24
1Qlhangan Yehoyaqim ciida, meyah tgbaro ka Nebukadnecar qbsuran paru Babirun. 3 knkawas ptqliun na heya ka Yehoyaqim ma, bobo na de, tbrinah heya dungal. 2Utux Tmninun we, smkagul supi Krdiya, Aram, Moab ma Amon meyah cmebu Yehoyaqim. Smkagul dheya meyah cmebu ma pkuuka Yehudah ka Utux Tmninun. Mntena so kari Utux Tmninun pnooda na dmpgeela kari rmengo. 3Meyah Yehudah ka oda nii, ida bale ba pneeyah pnoda kari Utux Tmninun, lwaqun na nganguc peeyah berah na ka Yehudah. So nii we ririh ba qnquwan noda Menaseh, 4dungal we ririh pnsdara na dseediq uka qnquwan ma, qhdeun na pstenge dara dseediq uka qnquwan ka Yerusalem. Kiya de ini sruwa so nii ka Utux Tmninun. 5Duma noda Yehoyaqim, kana noda na we, uxe gaga spatis ‘Patis ndaan Dqbsuran Paru Yehudah’ hiya peni? 6Msuupu pusu rudan na mtaqi ka Yehoyaqim. Yehoyakin laqi na ka lmutuc heya mqbsuran paru. 7Ini npusal peeyah supi qlhangan na ka qbsuran paru Micrayim. Ado kana dxeral qnlhangan qbsuran paru Micrayim peeyah ayu Micrayim betaq yayung Euhrates we, wada ngalun qbsuran paru Babirun kana da.
Yehoyakin Qbsuran Paru Yehudah
(2 No 36:9-10)
818 knkawas na mqbsuran paru ka Yehoyakin ma, 3 idas qnbsranun na Yerusalem hiya. Nexusta ka ngayan bubu na ma weewa Elnatan pneeyah Yerusalem. 9Ini pndungus doriq Utux Tmninun ka noda Yehoyakin, muyu kana noda tama na ka heya.
10Ciida, meyah tmlibu mccebu Yerusalem ka dqbsuran supi Nebukadnecar qbsuran paru Babirun. 11Nii tmlibu alang ka dqbsuran supi na ciida, meyah betaq Yerusalem hiya uri ka Nebukadnecar qbsuran paru Babirun. 12Yehoyakin qbsuran paru Yehudah ge, msuupu bubu na, dqbsuran mdayo, lqlaqi rseno qbsuran paru ma, dqbsuran mdudul mosa nganguc smterung qbsuran paru Babirun. Qrapun ka heya. Ciida we tg8 knkawas qlhangan qbsuran paru Babirun. 13Qbsuran paru Babirun we, wada na ngalun kana ka qyqeya sapah thmkuwan Utux Tmninun ma, sapah qbsuran paru hiya. Dungal we wada na gremun kana ka qyqeya king snmalu Selomoh qbsuran paru Israel pnsaan sapah thmkuwan Utux Tmninun. Mntena so rmengo Utux Tmninun. 14Wada na qrapun madis ka kana qbsuran mdudul Yerusalem, mbbeyax supi, kana heyi we 1 mang. Gaga spuun qmerac madis ka kana seediq mkela smalu qhuni ma mtuting xiluy. Wano qrinuc ba seediq dxeral hiya nanak ka rngiyan na. 15Qrapun na madis Babirun peeyah Yerusalem ka Yehoyakin, bubu na, dmqedil na, dqbsuran mdayo ma, kana dniqan ngayan seediq. 16Dungal we 70'00 heyi ka mbbeyax supi, 10'00 heyi ka mkela smalu qhuni ma tmuting xiluy. Kana nii we mkela mccebu, wada qrapun madis Babirun kana da. 17Qbsuran paru Babirun we spririh na Yehoyakin ngalan na qbsuran paru ka Matanyah mtswai tama na ma, Cidqiyahu kesun na marah tmngayan ka heya.
Cidqiyahu Qbsuran Paru Yehudah
(2 No 36:11-12. Yir 52:1-3)
1821 knkawas na mqbsuran paru ka Cidqiyahu ma, 11 knkawas qbsranun na Yerusalem hiya. Xamutal ka ngayan bubu na ma weewa Yirimiya pneeyah Libnah. 19Ini pndungus doriq Utux Tmninun ka noda Cidqiyahu. Mntena so kana noda Yehoyaqim. 20So kiya de, mseang paru mquri Yerusalem ma Yehudah ka Utux Tmninun. Kiya ka betaq na lwaqun peeyah berah na ka dheya.
Ini Baka ka Yerusalem
(2 No 36:13-21. Yir 52:3-11)
Tbrinah qbsuran paru Babirun ka Cidqiyahu.
Currently Selected:
2 Qbsuran Paru 24: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
