2 Qbsuran Paru 21
21
Menaseh Qbsuran Paru Yehudah
(2 No 33:1-20)
112 knkawas na mqbsuran paru Yehudah ka Menaseh ma, 55 knkawas qbsranun na Yerusalem hiya. Xepciybah ka ngayan bubu na. 2Ini pndungus Utux Tmninun ka noda na ka Menaseh. Muyu pqnqihun ba gaya noda seediq icil qlhangan lniwaq Utux Tmninun peeyah Israel. 3Tgruun na smalu dungal ka sapah tikung bungu dgiyaq hnurah Xijqiyahu tama na ma, smalu spuhan Baal, pheyu Aserah ma, muyu noda Axab qbsuran paru Israel tmbqelic thmuku kana snmalu gaga karac. 4Heya we smalu spuhan utux icil truma sapah thmkuwan nuUtux Tmninun. Rmnengo quri sapah thmkuwan nii ka Utux Tmninun: “Phyegun mu Yerusalem ka ngayan mu.” 5Ga na slmean 2 nganguc sapah thmkuwan Utux Tmninun ka spuhan qqita na lmlamu pnskraya karac. 6Psqama laqi na, mqita pngerah, pstuutux, rmengo duutux ma tmaus tuxan. Qnnaqah noda ini pndungus doriq Utux Tmninun ma pstutui seang Utux Tmninun ka noda na. 7Dungal we Aserah snmalu na ge, pniqun na truma sapah thmkuwan. Rmnengo Dawid ma laqi na Selomoh ka Utux Tmninun: “Phyegun mu Yerusalem ma sapah thmkuwan gnao pusu pnswayan rdrudan Israel betaq ani knuwan ka ngayan mu. 8Netun bale ba muyu kana pnosa mu kari ma, kana gaya wada mu sbege Moseh tnqliyan mu ka seediq Israel de, uxe mu hrigun mplatac dxeral bnege mu pusu rdrudan daha ka papak daha.” 9Kiya de ida ini qbahang ka dheya. Menaseh we psrdilun dheya qmeepah qnnaqah oda, mgkala dqlhangan wada sqada Utux Tmninun peeyah Israel ka dheya.
10Spooda na dmpgeela kari rmengo ka Utux Tmninun: 11“Hmrinas qnnaqah kana noda seediq Amori ka noda qnnaqah Menaseh qbsuran paru Yehudah ma, pthmuku na tikung ma meepah qnquwan noda ka seediq Yehudah. 12Maanu so kiya de rmengo so nii ka Utux Tmninun, Utux Baro nuIsrael: Qtai! Pqrqilun mu ka Yerusalem ma Yehudah. Kana mnbahang we mpsgesuy kana ka birac daha. 13Snuyuk sseengan dnoi mu Samareia ma, snuyuk sseengan dnoi mu sapah Axab we, seengun mu posa bobo Yerusalem uri. Ssresun mu ka Yerusalem, pntnaun mu so pngerah sara smerus ma spaux pgemuk ka Yerusalem. 14Qada mu ka seediq mu msngari ma, bege mu baga pais. Qrapun ma glekun madis kana pais ka dheya. 15Ado peeyah ali pnyahan pusu rdrudan daha Micrayim betaq ali saya, ini bale pndungus noda daha ma, brebur ba seang mu.”
16Ini pndungus doriq Utux Tmninun ka noda Menaseh. Sbege na qnquwan noda ka Yehudah ma, betaq stngayan dara pnsdara daha seediq uka qnquwan noda ka Yerusalem, peeyah hini betaq hiya.
17Duma noda Menaseh, kana noda na ma, qnquwan noda ndaan na we, uxe gaga spatis ‘Patis ndaan Dqbsuran Paru Yehudah’ hiya peni? 18Msuupu mtaqi pusu rudan na ka Menaseh ma, saan daha smeku Uja nganguc sapah qbsuran paru na. Amon laqi na ka lmutuc heya mqbsuran paru.
Amon Qbsuran Paru Yehudah.
(2 No 33:21-25)
1922 knkawas na mqbsuran paru ka Amon ma, 2 knkawas qbsranun na Yerusalem hiya. Mesulemet ka ngayan bubu na ma, weewa Xaruc pneyah Yotbah. 20Ini pndungus doriq Utux Tmninun ka noda Amon, muyu noda Menaseh tama na. 21Qmeepah kana ndaan tama na ma, qmeepah tikung ma thmuku tikung ntama na ka heya. 22Qmada Utux Tmninun, Utux Baro npusu rudan na ma, ini puyu gaya Utux Tmninun. 23Tbrinah Amon ka dqbsuran mdayo na ma, wada daha phqilun sapah qbsuran hiya ka qbsuran paru. 24Kiya de dseediq dxeral hini we, wada daha phqilun kana ka tnbrinah Amon qbsuran paru. Dseediq dxeral hini we, pheyu Yosiyahu laqi na mlutuc heya mqbsuran paru. 25Duma noda Amon we, uxe gaga spatis ‘Patis ndaan Dqbsuran Paru Yehudah’ hiya peni? 26Saan daha smeku habung na Uja hiya ka Amon. Yosiyahu laqi na ka lmutuc mqbsuran paru.
Currently Selected:
2 Qbsuran Paru 21: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
