2 Qbsuran Paru 20
20
Malu Mnnarux na Paru ka Xijqiyahu
(Isa 38:1-8, 21-22. 2 No 32:24-26)
1Ali ciida, Xijqiyahu we mnarux paru so mphuqil. Meyah mita heya ka Isaya mpgeela kari laqi Amos ma rmengo heya: “Rmengo so nii ka Utux Tmninun: ‘Htii nhari kari ka tnsapah su, ado mphuqil su ma uxe su mpkuudus.’” 2Kiya de mqquri qnabil dqeras na ka Xijqiyahu ma, dmurun Utux Tmninun: 3“Utux Tmninun! Braho su lnglungi ba hmuwa mesa ka lhebun mu meniq berah su. Ini ku qberiq moda, qmeepah ku oda malu meniq doriq su uri.” Kiya de asi tddiras lmingis ka Xijqiyahu. 4Mlatac nganguc ka Isaya ma, ini dehuk ckceka nganguc na we, dehuk heya ka kari Utux Tmninun. Rmengo: 5“Brinah ma, sai rmengo ka Xijqiyahu qbsuran paru seediq mu: Rmengo so nii ka Utux Tmninun, Utux Baro Dawid pusu rudan su: ‘Wada ku mbahang dnurun su, wada ku qmita rusuq doriq su. Tai! Pklmeun su mu. Mk3 ali de mosa su sapah thmkuwan Utux Tmninun. 6Prnaun misu 15 knkawas ka knuudus su. Isu ma alang nii we, pkdusun mu peeyah baga qbsuran paru Asur. Ririh quri kenan ma Dawid tnqliyan mu, mpqlahang ku alang nii.’” 7Rmengo ka Isaya: “Osa mangal dnngean pang nunuh.” Kiya de mosa mangal ka seediq ma, pqpahun na bobo luqah. Kiya de wada malu ka qbsuran paru.
8Rmengo Isaya ka Xijqiyahu: “Pklmeun ku na ka Utux Tmninun ma, mk3 ali de psaun ku na sapah thmkuwan na we, maanu ka pnskraya na ho?” 9Cmiyuk ka Isaya: “Ida mooda kari rnengo na ka Utux Tmninun. Pnskraya bbege na sunan ka Utux Tmninun we so nii: Mosa berah 10 qango ka saso hido, uxe we mpbrinah bukuy 10 qango ka kuxul su ho?” 10Rmengo ka Xijqiyahu: “Msleexan ka 10 qango mosa berah. Pbrinah bukuy 10 qango da!” 11Dmurun Utux Tmninun ka Isaya mpgeela kari de, Utux Tmninun we, pbrnahun na 10 qango bukuy ka saso tlaman hido Axaj.
Snkgulan Pneyah Babirun
(Isa 39:1-8)
12Ciida, Merodak Bala laqi Baladan qbsuran paru Babirun we, mbahang gaga mnarux ka Xijqiyahu de paadis patis ma mege lnabu heya. 13Mnbahang kari snkgulan ka Xijqiyahu de, spqita na heya ka kana king, ging, ricuh malu sknexan, tgmalu ba abura, qyqeya mccebu ma kana qyqeya gaga repun. Uka ani 1 ini na pqtai heya ka gaga sapah qbsuran paru ma gaga qlhangan na. 14Kiya de mosa Xijqiyahu qbsuran paru hiya ka Isaya mpgeela kari, rmengo heya: “Rmnengo manu ka dseediq nii? Pneeyah inu meyah mita isu ka dheya ho?” Rmengo ka Xijqiyahu: “Pneyah Babirun theya bale qlhangan.” 15Rmengo ka Isaya: “Wada qmita maanu ckceka sapah su ka dheya?” Cmiyuk ka Xijqiyahu: “Kana mneniq sapah mu we, wada daha qtaan kana di. Kana pusu dnoi mu sapah we uka ani kingal ka ini mu pqtai dheya.”
16Rmengo Xijqiyahu ka Isaya: “Qbahang ka kari Utux Tmninun: 17Rmnengo ka Utux Tmninun: ‘Qtai! Dehuk ka ali da, kana nniqan sapah su, kiya ka kana mneniq pneeyah rdrudan su betaq saya we, maha glekun madis Babirun hiya kana, uxe mpsngari ani kingal. 18Pneyah sunan ka duma laqi su hiti we, qrapun daha madis sapah qbsuran paru Babirun ma, gbgaxun daha.’” 19Rmengo Isaya ka Xijqiyahu: “Malu ba ka kari rnengo su Utux Tmninun.” Ado lmngelung ka heya: “Muudus ku han we, ida maha mmsbleyaq ma uxe mhuwa peni?”
Mgedang ka Xijqiyahu
(2 No 32:32-33)
20Duma noda Xijqiyahu ma, malu noda na snmalu ssliyan qsiya ma, pstroqun betaq alang paru we, uxe gaga spatis ‘Patis ndaan Dqbsuran Paru Yehudah’ hiya peni? 21Msuupu mtaqi pusu rdrudan na ka Xijqiyahu de, Menaseh laqi na ka lmutuc heya mqbsuran paru.
Currently Selected:
2 Qbsuran Paru 20: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
