2 Qbsuran Paru 16
16
Axaj Qbsuran Paru Yehudah
(2 No 28:1-27)
1Tg17 knkawas qnlhangan na Israel ka Peqax qbsuran paru laqi Remalyahu we, mqbsuran paru Yehudah ka Axaj laqi Yotam. 220 knkawas na mqbsuran paru ka Axaj ma, 16 knkawas qbsranun na Yerusalem hiya. Ini pndungus Utux Tmninun ma, ini puyu pusu rudan na Dawid pusu rudan na meepah malu ka heya. 3Muyu noda dqbsuran paru Israel ma, muyu qnqihan noda dseediq icil lniwaq Utux Tmninun peeyah berah Israel, pdaun na puniq smapuh ka lqlaqi na. 4Dungal we smapuh tnbugan ma psqama skenux sapah tikung, bungu dgiyaq biciq ma, toma qhuni hiya.
5Ciida, meyah mccebu Yerusalem ma, tmlibu Axaj ka Recin qbsuran paru Aram ma Peqax qbsuran paru Israel laqi Remalyahu we, ini daha dheki mangal. 6Ciida, Recin qbsuran paru Aram we, pnbrihun na mangal ka Eylat de, lwaqun na peeyah Eylat ka seediq Yehudah. Seediq Edom meeyah Eylat ma, meeniq hiya betaq ali saya. 7Smkagul seediq mosa Tiglat Pileser qbsuran paru Asur ka Axaj ma, rmengo: “Tnqliyan saku ma laqi saku ka yaku. Gisu meyah mccebu kenan ka qbsuran paru Aram mqbsuran paru Israel. Braho su yahi miyan dmayo mlatac peeyah baga daha.” 8Axaj ge, ngalun na ka king ma king gaga sapah thmkuwan Utux Tmninun ma sapah qbsuran paru ma, ngalun na lnabu sbege na qbsuran paru Asur. 9Mbahang dnurun na ka qbsuran paru Asur. Yahan na mccebu ka Darmeseq ma, wada na ngalun ka alang ma phqili na ka Recin ma, qrapi na ka seediq desi na Qir.
10Axaj qbsuran paru we, mosa Darmeseq smterung Tiglat Pileser qbsuran paru Asur ka heya. Qmnita 1 spuhan meeniq Darmeseq hiya. Kiya de Axaj qbsuran paru we, pdesan na Uriyah msapuh hiya ka knparu ma hnyegan ma, snmalu na. 11Uriyah msapuh we, muyu kana pnaadis Axaj qbsuran paru peeyah Darmeseq. Smalu 1 spuhan tgberah betaq dehuk pneyah Samareia ka Axaj qbsuran paru. 12Dehuk pneeyah Darmeseq ka qbsuran paru we, qtaan na ka spuhan. Mosa spuhan ka qbsuran paru ma, mege snapuh bobo na hiya. 13Mege snapuh psqama, snapuh mege pnhgalang ma snapuh sino. Dara snapuh ptbale we reesun na bobo spuhan. 14Axaj we, mosa hmeruy limuk spuhan berah Utux Tmninun peeyah berah sapah thmkuwan, kiya ka gaga cenga bgurah spuhan ma sapah thmkuwan Utux Tmninun, desun na peeniq tgdaya bgurah spuhan. 15Rmengo Uriyah msapuh ka Axaj qbsuran paru: “Psqmai bobo spuhan nii kana ka snapuh psqmaan, snapuh mege pnhgalang gbiyan, snapuh psqama, snapuh mege pnhgalang nqbsuran paru ma, snapuh psqama, snapuh mege pnhgalang ma, snapuh sino seediq. Dara snapuh psqama tnbugan ma duma tnbugan we rusi bobo spuhan nii kana. Quri so limuk spuhan we, ddooyun mu smdaran.” 16Uriyah msapuh we mooda ida so pnosa kari Axaj qbsuran paru kana.
17Axaj ge, ptgnakun na ka rulu ptlungan ma qrtinuh gagi. Sladu na peeyah bukuy 12 dapa snmalu limuk ka ribo ma, pniqun na bobo btunux snapo. 18Ririh qbsuran paru Asur, hrigun na peeyah sapah thmkuwan Utux Tmninun ka sbesuk ddaan ali sngayan ma, rhengun ttmayan qbsuran paru. 19Duma noda Axaj we, uxe gaga spatis ‘Patis ndaan Dqbsuran Paru Yehudah’ hiya peni? 20Msuupu mtaqi pusu rdrudan na ka Axaj ma, saan daha smeku pusu rdrudan na alang Dawid hiya. Xijqiyahu laqi na ka lmutuc heya mqbsuran paru.
Currently Selected:
2 Qbsuran Paru 16: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
