2 Qbsuran Paru 10
10
Patis Pnatis Yehu
170 heyi laqi na Axab ga meniq Samareia hiya. Matis patis ka Yehu ma pdesan na Samareia, dqbsuran mdudul Yijreel, drudan ma, ddmanga laqi Axab gaga alang hiya, rmengo: 2“Gaga yamu hiya ka dlaqi qbsuran paru. Dungal we niqan namu rulu mccebu, dapa dmay, qyqeya mccebu ma, alang mbeyax qbrangan. Kiya de ngalun namu ka patis nii de, 3tduwa namu gmao 1 msderux lnglungan peeyah lqlaqi tnpusu sapah namu ma, ngali qbsuran paru so maha tleung tluungan tama na.” 4Kiya we miicu bale ka dheya ma, rmengo: “Qtai! Ini dehuk mheyu tgberah na ka 2 qbsuran paru ma, mphuwa ta mesa dehuk mheyu ka ita ho?” 5Kiya de smkagul seediq mosa Yehu hiya ka qbsuran mpqlahang sapah qbsuran paru, mpdudul alang, rdrudan ma, dseediq mtgesa lqlaqi qbsuran paru, rmengo: “Tnqliyan su ka dyami. Kana rnengo su we, ida nami daun. Uxe miyan mpheyu qbsuran paru. Manu ka malu na we, seung nanak so lnglungan su!”
Phqilun ka Lqlaqi Axab
6Paadis tg2 patis dheya ka Yehu, rmengo: “Nasi namu mpthei kenan ma, mbahang kari mu de, ali so nii kusun, desi Yijreel yaku hini ka tunux lqlaqi tnpusu sapah namu.” Ciida, gaga meniq sapah dseediq mptgesa niqan ngayan ka 70 lqlaqi qbsuran paru. 7Dehuk dheya hiya ka patis nii de, asi daha phqili ka 70 lqlaqi qbsuran paru ma, tqriun daha bruru ka tunux ma, hadun daha Yehu gaga Yijreel hiya. 8Meyah rmengo Yehu ka snkgulan: “Nii daha hadun hini ka tunux lqlaqi qbsuran paru da.” Rmengo ka Yehu: “Sdhai pqhedu gmutu rhengun alang hiya betaq mgrebu so kusun ka tunux daha.” 9Mgrebu so kusun, meyah nganguc ka Yehu ma, mheyu rmengo kana seediq: “Ida namu msderux kana ka yamu! Qtai! Tnbrinah ku tnpusu sapah mu ka yaku ma, wada mu phqilun da. Kiya de, dseediq nii we, ima ka pnhuqil dheya ho? 10Klaun ta peeyah hini, kari rmengo Utux Tmninun quri so tnsapah Axab we, wada ma bale kana, uka ka ini dai. Ado Utux Tmninun we, kari pnooda na Eliyah tnqliyan na we wada moda kana.” 11Kana mntngari tnsapah Axab meeniq Yijreel, kiya ka dqbsuran mdayo, malu dangi ma msapuh we, wada phqilun Yehu kana, uka ani kingal ka mtngari.
Wada Phqilun ka Lutuc Axajyah
12Mtutuy mosa Samareia ka Yehu. Mkluelu ciida, meniq Beyt Eqed psliyan dmtabu miric hiya we, 13smterung mtswai Axajyahu qbsuran paru Yehudah ka Yehu ma rmengo: “Ima namu ho?” Rmengo ka dheya: “Mtswai miyan Axajyah ka yami. Mosa miyan qmita lqlaqi qbsuran paru, mqedil qbsuran paru ma, lqlaqi qbsuran paru.” 14Rmengo ka Yehu: “Pkdusi qmeraq kana ka dheya!” Qrapi daha ka dheya ma, saan daha phuqil ssiyo Beyt Eqed. Kana daha we 42 heyi, ini ba mtngari ani kingal heyi.
15Mlatac peeyah hiya mquri berah, taan na gisu meyah smterung heya ka Yehonadab laqi Rekab. Psbeyax heya ma rmengo heya ka Yehu: “Lhebun su we, yaa mntena msderux lhebun mu mquri so isu ho?” Rmengo ka Yunadac: “Un.” Rmengo ka Yehu: “So kiya de peeyah ka baga su.” Kiya de hmkero baga ka heya ma, Yehu we blbilun na pnkala rulu na ka heya. 16Rmengo ka Yehu: “Suupu kenan mosa ka isu. Qtai ka kndrmetan mu Utux Tmninun.” Kiya de spuun daha ptleung bobo rulu ka heya. 17Dehuk Samareia de, Yehu we wada na phqilun kana ka mntngari seediq tnsapah Axab meniq Samareia hiya ma, betaq wada uka kana. Mntena so kari Utux Tmninun pnoda na Eliyah rmengo.
Phqilun ka Dthmuku Baal
18Psseli kana seediq ka Yehu ma rmengo dheya: “Ini dehuk drumuc na Baal ka Axab we, maha ku mdrumuc ba ka yaku. 19Saya, sai psseli yamu ka dmpgeela kari Baal ma, kana seediq thmuku heya. Dungal we dmsapuh Baal we desi yaku hini kana ma, iya bale srhuqi ani taxa heyi. Ado mbege ku paru ba snapuh Baal. Kana ini eyah hini na we, ida uxe mpkuudus.” Kmphuqil dthmuku Baal ka Yehu, kiya ka mberiq dheya. 20Rmengo ka Yehu: “Oda psseli paru psliyan quri Baal!” Kiya de moda rmengo so kari nii ka dheya. 21Smkagul seediq mosa rmengo kana Israel ka Yehu. Kiya de meyah msseli kana ka dthmuku Baal, uka ani 1 ka ini eyah. Kiya de mremux sapah tikung Baal ka dheya, ani tgberah ma bukuy we ida stngayan seediq kana. 22Rmengo mpqlahang lukus ka Yehu: “Biqi lukus ptgaya kana ka mpthmuku Baal.” Kiya de mege lukus dheya ka heya. 23Yehu ma Yehonadab laqi Rekab mremux sapah tikung Baal ma, rmengo dthmuku Baal: “Bleyaq bale migin ma qmita, asi ka uka meniq yamu hini ka dtnqliyan Utux Tmninun, asi ka wano ba dseediq thmuku Baal.” 24So nii mosa mege snapuh ma snapuh psqama ka dheya. Yehu we psramal 80 heyi seediq meeniq nganguc sapah tikung. Rmengo: “Bege mu baga namu ka dseediq nii. Ima ka wada pqduriq 1 seediq de, heya ka mpririh knuudus na!” 25Mnhedu smapuh psqama ka Yehu de, rmengo supi mpqlahang ma dqbsuran supi ka Yehu: “Teme ma sai phuqil ka dheya. Iya prtadi ani kingal!” Supi mpqlahang ma dqbsuran supi we phqilun daha ka dheya ma, sqada daha nganguc ka bqerus ma, betaq mremux truma sapah tikung Baal. 26Hqulun daha nganguc ka eruc tikung Baal gaga sapah tikung ma psqmai daha. 27Hrahun daha ka tikung eruc Baal ma, hrahun daha ka sapah tikung Baal de ngalan daha saan nganguc betaq saya.
28So kiya, Yehu we wada na phqilun kana ka Baal meeniq Israel. 29Kiya de Yehu ge, ini na laxi ka qnquwan noda Yarabeam laqi Nebat ma, mege qnquwan noda Israel, kiya ka thmuku dapa king gaga Beytel ma Dan hiya. 30Rmengo Yehu ka Utux Tmninun: “Ado wada su moda oda malu mndungus qnita doriq mu muyu su lnglungan mu mquri sapah Axab, lqlaqi laqi su we ida mplutuc isu mqbsuran paru Israel betaq msn4 msgeegul ka lqlaqi su.” 31Kiya de ini dehuk muyu gaya Utux Tmninun, Utux Baro nuIsrael ka Yehu. Heya we ini alix qnquwan noda Yarabeam mege qnquwan noda Israel.
Hnqilan Yehu
32Meeniq ali ciida, prading pkuuwic Israel ka Utux Tmninun. Xajael we mosa mccebu ayus dxeral Israel ani inu ka heya. 33Kiya ka kana dxeral gaga nklaan hido yayung Yarden kana dxeral Gilad. Peeyah Aroer msdaling ssiyo ayu Arnon, kana Gilad ma Basan. Nii we dxeral seediq Gad, Reuben ma, Menaseh kiya. 34Duma noda Yehu, kana noda na ma, malu noda na we, uxe gaga spatis ‘Patis ndaan Dqbsuran Paru Israel’ hiya peni? 35Msuupu mtaqi pusu rdrudan na ka Yehu, skuun daha Samareia. Yehoaxaj laqi na ka lmutuc Yehu mqbsuran paru. 3628 knkawas mqbsuran paru Israel Samareia hiya ka Yehu.
Currently Selected:
2 Qbsuran Paru 10: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
