2 Nooda 9
9
Mosa Qmita Selomoh ka Qbsuran Paru Mqedil Qlhangan Seba
(1 Qbs 10:1-13)
1Mbahang malu ngayan Selomoh ka qbsuran paru mqedil qlhangan Seba we, kiya ka meyah Yerusalem. Kmsiling msriqu kklaan Selomoh ka heya. Kiya de maadis hbaro ba mpsnegul heya, qpuruh dapa bukung mapa ricuh malu skenux, egu ba king ma btunux qrari. Mosa Selomoh hiya ma, msiling Selomoh gaga na lmngelung ckceka lhebun. 2Wada cyukan Selomoh kana ka sniling na ma uka ani 1 sniling ka wada na ini klai cmiyuk. 3Qbsuran paru mqedil qlhangan Seba we, wada na qtaan ka knkela ma sapah qbsuran paru snmalu Selomoh. 4Qmita uqun bobo uqan, dqbsuran mdayo gaga tleung, tnqliyan gaga mheyu ma lukus daha, qbsuran mqeepah mbege sino ma lukus daha ma, tnugkadan qahan truma sapah thmkuwan Utux Tmninun ka heya de, asi sklui ini rengo ani maanu ka heya.
5Rmengo qbsuran paru ka heya: “Bale ba ka bnhangan mu kari, quri noda su ma, knkela su meniq ku qlhangan mu hiya! 6Ini ku snhii ka kari kiya, betaq ku qmnita bale doriq de snhii ku. Qtai! Rnengo na kenan ka seediq we, ini ba pnkala dmeka knkela su ma, mgkala ba bnhangan mu. 7Seediq su we mbleyaq ba! Ddtnqliyan su gaga mheyu berah su klaali, mbahang kari knkela su ka tnqliyan su we mbleyaq! 8Tndhuun ka Utux Tmninun, Utux Baro su! Sgaalu su na ma, ptluungun su na tluungan qbsuran paru na. Ririh Utux Tmninun, Utux Baro su mqbsuran paru. Ado gmaalu Israel ka Utux Baro su. Kmpskere heya betaq ani knuwan. Kiya ka phyegan su na mqbsuran paru daha, so su mooda msderux noda.” 9Kiya de qbsuran paru mqedil qlhangan Seba we, sbege na Selomoh ka 1'20 tarantu king, egu bale ka ricuh malu skenux ma btunux qrari. Uka so nii kneegu bnege daha Selomoh ka malu sknexan.
10Tnqliyan Xuram ma Selomoh we hmaqul king peeyah Opir uri, dungal we hmaqul banar ma btunux qrari. 11Selomoh qbsuran paru ge, ssmalu na snapo tnugkadan kksaan truma sapah thmkuwan Utux Tmninun ma, sapah qbsuran paru ka banar nii. Dungal we slmeun na tubu dseediq mpuuyas. Uxe qmnita so nii ka dxeral Yehudah.
12Selomoh qbsuran paru ge, cmiyuk mqaras mege bnege qbsuran paru mqedil qlhangan Seba. Kana kmpsaun na we, wada na sbege heya kana. Kiya de mbrinah ma mosa qlhangan daha ka heya ma dtnqliyan na.
Qnbleyaq Selomoh
(1 Qbs 10:14-29, 4:26)
13Knkingal knkawas nangal Selomoh ka king we hmrinas 6'66 tarantu chndilan. 14Dungal we niqan ka nangal daha pneeyah seediq smbaruy ma, bnaruy pila. Duma na king ma ging uri we, bnege dqbsuran paru Arab ma, dqbsuran paru knkingal lualang we sbege daha Selomoh. 15Selomoh qbsuran paru nii we stuting na smalu 2'00 qqeerung heyi paru ka king. Knkingal qqeerung we stuting na 6'00 skere king. 16Dungal we stuting na smalu 3'00 qqeerung heyi biciq. Knkingal qqeerung biciq we stuting na 3'00 skere king. Qbsuran paru we psaun na toma Sapah Nrao Lebanon. 17Dungal ka Selomoh we smmalu tluungan qbsuran paru waqic dapa bukung ma plbuwan na bale ba king. 18Berah tluungun qbsuran paru nii we niqan 6 tnugkadan qahan, gaga mlutuc tluungun bbaro snmalu ma gaga lbuun bale ba king ka cpilan. Bbaang tlengun we pniqan na sdharan hiqur ma, mheyu ssiyo na ka 2 rkelic rudu. 196 tnugkadan qahan we gaga phyegan 12 rkelic rudu, gaga mheyu narac ma iril. Uka so nii snlmean ka ani inu qlhangan. 20Pngerah mahan Selomoh qbsuran paru we snmalu king kana ma, qyqeya dooyun Sapah nrao Lebanon uri we snmalu bale ba king kana. Knxalan Selomoh ciida ka ging we ini daha sprui. 21Ado daasu qbsuran paru ma dtnqliyan Xuram we msuupu mosa Tarsis ka dheya. 3 knkawas texal meyah peeyah Tarsis ka daasu we maadis king, ging, waqic dapa bukung, runge ma rodux paru palic.
22Qnbleyaq ma knkela Selomoh qbsuran paru we mgkala dqbsuran paru ani inu qlhangan. 23Kana dqbsuran paru bobo dxeral we mkmeyah qmita Selomoh ma, pqbahang knkela pnosa Utux Baro gaga lhebun na. 24Txtaxa daha meyah we madis qyqeya, kiya ka snmalu ging, king, lukus, qyqeya mccebu, ricuh malu sknexan, dapa dmay ma dapa roba. Knkingal knkawas we ida niqan so nii bnege daha kana. 25Selomoh we niqan 40'00 ka behing psaun na rulu mccebu ma dapa dmay, dungal we 1 mang 20'00 heyi ka supi paapa dapa dmay, pniqun na lualang psaun rulu. Kiya ka gaga meniq Yerusalem qbsuran paru hiya. 26Selomoh we qmlahang dqbsuran paru peeyah yayung Paru betaq dxeral seediq Peliset ma, betaq kana ayus qlhangan dxeral Micrayim. 27Meeniq Yerusalem hiya ka qbsuran paru we, mntena btunux kneegu ka ging ma, mgkala tdiyuc Sipira kneegu ka qulic bale. 28Selomoh we peeyah Micrayim ma dqlhangan icil psteme dapa dmay.
Mgedang ka Selomoh
(1 Qbs 11:41-43)
29Duma noda Selomoh, peeyah prading betaq qnhdean we, uxe gaga spatis patis Natan mpgeela kari, ‘Patis Kari Mpgeela’ Axiyah seediq Siylon ma, ‘Patis Lneing Kari’ Yedo mqita pnskraya gaga rmengo quri Yarabeam qbsuran paru laqi Nebat peni? 30Selomoh we 40 knkawas qnlhangan na kana Israel meniq Yerusalem. 31Msuupu mtaqi pusu rudan na ka Selomoh. Skuun daha alang Dawid tama na, Rexabam ka lmutuc heya mqbsuran paru.
Currently Selected:
2 Nooda 9: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
