2 Nooda 15
15
Psbgurah Moda ka Asa
1Meyah Ajaryahu laqi Oded ka Bgihur Utux Baro. 2Meyah smterung Asa ka heya ma, rmengo heya: “Asa, seediq Yehudah ma Binyamin! Qbahang kenan: Nasi namu thei Utux Tmninun, mpsuupu yamu ka Utux Tmninun. Nasi namu migin heya we slayun namu. Nasi namu qmada heya, mqada yamu ka heya duri. 3Bsiyaq ba ali, ini snhii Utux bale ka seediq Israel, uka ka msapuh mptgesa ma, uka ka gaya uri. 4Kiya de, mqraqil ciida ka dheya we mspgeriq quri Utux Tmninun, Utux Baro nuIsrael ma, migin heya we, ida maha smdiyal ka dheya. 5Ciida, uxe mpbleyaq ka seediq mnoda hiya. Maha mrudu bale ka seediq meeniq hiya. 6Ado wada phqilun kana ma, kmremux qlhangan nii ka qlhangan gaga. Alang nii we kmremux alang gaga. Ado Utux Baro we pqrqilun na prudu ka dheya. 7Saya, yamu we pkrkere mbeyax, iya kuuwic baga namu. Maangal snadu ka qnpahan namu.”
8Mbahang kari nii ma kari pgeela Oded mpgeela kari ka Asa de, niqan ka pahung na. Kiya ka wada na qhdeun hmurah kana ka qyqeya pqrqilun meeniq ckceka kana dxeral Yehudah ma Binyamin ma, kana lualang gneeluk na gaga dgiyaq Eprayim. Dungal we sbrahun na smalu ka spuhan Utux Tmninun gaga berah sbesuk sapah thmkuwan Utux Tmninun. 9Dungal we pssliun na ka seediq Yehudah ma Binyamin ma, dseediq Eprayim, Menaseh ma, Simeon tnooda ckceka daha. Hbaro ka seediq Israel smnegul Asa. Ado wada daha qtaan, gaga msuupu heya ka Utux Tmninun, Utux Baro na. 1015 knkawas idas 3 qnbsranan na ka Asa we, msseli Yerusalem ka dheya. 11Ali ciida, peeyah ckceka qyqeya gnlekan daha mangal 7'00 dapa, 70'00 miric ssapuh daha mege Utux Tmninun. 12Psdehu kmpooda kana lhebun, kana lnglungan migin Utux Tmninun, Utux Baro npusu rudan daha ka dheya. 13Kana ini igin Utux Tmninun, Utux Baro nuIsrael we, ani rudan ma laqi, ani rseno ma mqedil we, asi ka phqilun kana. 14Kiya de mdiras paru, miyuk iyuk urung ma psdehu Utux Tmninun ka dheya. 15Mqaras bale mnoda psdehu ka kana seediq Yehudah, ado pskingal ba lhebun daha psdehu, pskingal ba lnglungan daha migin Utux Tmninun ka dheya. Kiya de slayun daha ka Utux Tmninun ma, msbleyaq ssiyo daha ka heya uri.
16Betaq wada na ngalun kana ka tluungan Maakah mqbsranan ma payi qbsuran paru ka Asa qbsuran paru, ado smnalu Aserah tikung pqnqihun ka Maakah. Asa we ptkuri na ka tikung na ma, psqmai na ssiyo ayu Qidron. 17Kiya de, ida ini laxi peeyah Israel ka spuhan gaga biciq dgiyaq. Ani so kiya, mskingal ba lhebun kndesan na ka Asa. 18Asa we psaun na sapah thmkuwan Utux Tmninun kana ka king ma ging pnrtaso pntgaanak tama na ma heya nanak. 19Tg35 knkawas qbsranan na ka Asa we, ida uka ka mccebu.
Currently Selected:
2 Nooda 15: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
