2 Nooda 16
16
Mccebu ka Yehudah dhaka Israel
(1 Qbs 15:17-22)
1Tg36 knkawas qnlhangan na Yehudah ka Asa qbsuran paru we, Basa qbsuran paru Israel we mosa mccebu Yehudah ma, slmeun na ka Ramah. Ini na srwai poda Asa qbsuran paru Yehudah hiya ka seediq. 2Kiya de mangal king ma ging peeyah sapah thmkuwan Utux Tmninun ma repun qbsuran paru ka Asa, sbege na Ben Hadad qbsuran paru Aram meniq Darmeseq ma, rmengo: 3“Mnoda psdehu ka tama su ma tama mu, mooda ku so nii mpsdehu ku sunan ka yaku uri. Qtai! Bege mu isu ka king ma ging. Braho su laxi ka pnsdhegan namu Basa qbsuran paru Israel, tai so mpbrinah peeyah hini ka dheya.” 4Smruwa kari Asa qbsuran paru ka Ben Hadad de, skgulan na qbsuran mdudul supi mosa mccebu lualang Israel. Dheya we ngalun daha ka Iyon, Dan, Abel Mayim ma kana repun ga alang Naptaliy. 5Mbahang nii ka Basa de asi alix smalu qbrangan Ramah ma msange ka qpahan na. 6Kiya de Asa we dmudul seediq Yehudah, mosa hmaqul btunux ma qqhuni salu daha Basa Ramah hiya ka dheya. Ngalun na ka nii ma smlean na alang Geba ma Micpah.
Xananiy Mpgeela Kari
7Ciida, mosa mita Asa qbsuran paru Yehudah ka Xananiy mpgeela kari ma rmengo heya: “Ado ini su stama Utux Tmninun, Utux Baro su, kiya ka wada qduriq peeyah baga su ka supi Aram. 8Uxe mbeyax bale ka supi seediq Kusu ma Lubi peni? Uxe egu bale ka rulu mccebu ma supi paapa dapa dmay daha peni? Nasi su smtama Utux Tmninun, bege na baga su ka dheya. 9Ado qmita kana bobo dxeral ka doriq Utux Tmninun, mplekoh dseediq mskingal lhebun quri heya. Mngataq bale noda su so nii. So nii de, maha niqan mccebu ka ddaun su.” 10Mseang mpgeela kari ka Asa, ririh oda nii mseang heya de, shetur na sapah kuung ka mpgeela kari. Peeyah ciida, Asa we trqilun na ka duma seediq.
Mgeedang ka Asa
(1 Qbs 15:23-24)
11Noda Asa peeyah prading betaq qnhdean, qtai! Gaga spatis ‘Patis ndaan Dqbsuran Paru Yehudah ma Israel’ hiya kana. 1239 knkawas qlhangan na ka Asa ciida, daan paru mnarux papak ka heya. Mnarux ciida ka Asa we, ini plawa Utux Tmninun, wano ba icil ka saun na migin. 1341 knkawas qnlhangan na Asa de, mhuqil ka heya da. Msuupu mtaqi pusu rudan na ka heya. 14Skuun daha habung btunux knriyan nanak na alang Dawid hiya. Rcuhan daha iyu muyu ma malu skenux ka bqerus na, mtahu ma tsdamac noda na kana kndesan.
Currently Selected:
2 Nooda 16: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
