2 Nooda 11
11
Kari Pnugeela Semayah
(1 Qbs 12:21-24)
1Dehuk Yerusalem ka Rexabam de psseli 18 mang supi gneegan peeyah sapah Yehudah ma Binyamin. Mosa mccebu Israel, so maha na pbrnahun mangal dungal ka qhlangan. 2Kiya de meyah Semayahu seediq nuUtux ka kari Utux Tmninun: 3“Sai rmengo ka Rexabam qbsuran paru laqi Selomoh ma, dseediq Israel gaga meeniq Yehudah ma Binyamin: 4‘Rmengo so nii ka Utux Tmninun: Iya osa baro! Iya osa mccebu mtswai namu. Brinah tnsapah namu nanak! Ado pneeyah kenan ka oda nii.’” Mbahang kari Utux Tmninun ka seediq ma, mbrinah ka dheya. Ini osa mccebu Yarabeam ka dheya.
Smalu Qbrangan Lualang ka Rexabam
5Meniq Yerusalem ka Rexabam ge, ssmalu na qbrangan ka duma alang Yehudah ma Binyamin. 6Heya we smalu alang Betlexem, Eytam, Teqoa, 7Bet Cur, Sokoh, Adulam, 8Gat, Maresah, Jip, 9Adorayim, Lakis, Ajeqah, 10Carah, Ayalon, ma Xebron. Lualang mbeyax Yehudah ma Binyamin ka nii. 11Pgdehu na smalu dungal ka dqbrangan lualang nii. Knkingal alang we skgulun na qbsuran supi ma, psramal na uqun, abura ma sino. 12Knkingal alang we psramal qqeerung heyi ma smbrangan uri ptgdehu na lualang. Mquri heya ka Yehudah ma Binyamin.
Mquri Yehudah ka Msapuh ma Seediq Lewiy
13Kana msapuh Israel ma seediq Lewiy we meyah mquri Rexabam peeyah ani inu. 14Seediq Lewiy we htiyan daha malix kana ka qnpahan ma dxeral daha theruy Yehudah ma Yerusalem. Ado Yarabeam ma lqlaqi na we malix dheya, ini na srwai pqeepah msapuh qmeepah Utux Tmninun ka dheya. 15Yarabeam we pheyu spuhan na nanak, qmeepah spuhan na ma dttikung na utux miric. 16Knkingal pnswayan rudan Israel, kana pskingal lhebun daha migin Utux Tmninun, Utux Baro nuIsrael we, meeyah smnegul seediq Lewiy ma, meeyah mege snapuh Utux Tmninun, Utux Baro pusu rudan daha meniq Yerusalem. 17So nii ndaan we prana beyax qlhangan Yehudah, betaq mbeyax 3 knkawas ka Rexabam laqi Selomoh. Ado 3 knkawas nii we, muyu elu Dawid ma Selomoh ka dheya.
Truma Sapah Rexabam
18Rexabam we maangal mqedil na Maxalat weewa Yerimot laqi Dawid, dungal we mangal mqedil na Abihayil laqi Eliyab laqi Yisay ka heya. 19Peeyah dheya tnlaqi duma rseno, kiya ka Yeus, Semaryah ma Jaham. 20Bobo na de, mangal mqedil na Maakah laqi Absalom. Peeyah heya tmlaqi Abiyah, Atay, Jija ma Selomit. 21Rexabam we 18 ka mqedil na, 60 ka mqedil nurun na, 28 ka laqi na rseno, ma 60 ka laqi na mqedil. Kiya we kana mqedil ma biciq mqedil na we, kuxul na bale ka Maakah laqi Absalom. 22Kiya ka Rexabam we phyegun na rmirih qbsuran paru nexal ka Abiyah laqi Maakah, ngalan na tgparu ckceka mtswai na, ado ngalun na mqbsuran paru ka heya. 23Rexabam we mkela ba qmeepah ma malu ba tunux na, pssugan na qpahun lualang mkere Yehudah ma Binyamin ka lqlaqi na. Ptkuun na bale mege ka uqun daha ma, saangal na hbaro ba mqedil uri.
Currently Selected:
2 Nooda 11: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
