1 Timoteos 1
1
Smbeyax Kari
1Mnoda Utux Baro mdoi baga ma, pnooda kari Kiristo Yesu sntangan ta, snkgulan Kiristo Yesu Poro, 2Matis ku patis Timoteos ado snhii Bukung ma bale ba laqi mu. Tai so gnhuwe, gnaalu, msbale lhebun pneeyah Utux Baro Tama ta ma Kiristo Yesu Bukung ta maha meniq isu!
Mdakar Mberiq Tnugsaan
3Mnosa ku Makedon ciida we, eeniq Epesos kesun misu rmengo. So su maha mdakar duma seediq ga tmgesa kingal nanak tnugsaan. 4Iya qbahang uka dungus pnltudan rdrudan ma bbaro ba ka ngayan ddrudan. So ooda nii we wano pstutuy tglayan, uxe mdayo sneengan Utux Baro. Sneengan Utux Baro nii we asi ka mnoda snhiyan kika hani klaun. 5Kiya de dngusan pnosa kari nii we gmaalu. Gnaalu nii we pneeyah bgurah lhebun, malu lnglungan ma ini pnnangi snhiyan. 6Duma seediq we wada mridil ma mquri kari uka dungus. 7Kmptgesa gaya ma ini daha klai maanu ka ga daha srengo. Ini daha klai maanu ka ga daha skbeyax pgkela.
8Ida klaun ta nak, nasi mkela dmoi gaya we, malu ka gaya nii. 9Ado gaya nii we uxe seediq msderux noda ka spheyu na, asi ka dseediq uka gaya ma ini thei, uka bale snhiyan ma meepah naqah noda, ini krtaso ma smkuxul oda bobo dxeral, phuqil tama bubu ma phuqil seediq. 10Kmmhemuc mngaangal msuupu ma smkuxul rseno, tmraki maruy seediq ma mberiq rmengo, thkeso psdehu, uxe uri we pheyu mphetur tnugsaan mrtaso. 11Kiya ka rnengo malu kari nii we pnooda mu Utux Baro tndhuun ma knledax sbege na yaku.
Mqaras Gnaalu Utux Baro
12Mqaras ku Kiristo Yesu Bukung ta mege beyax yaku. Ado snhiyun na ka yaku ma, smkagul yaku meepah Heya. 13Cuuxal we smngayan ku, smneeliq ku, tmsiiyax ku seediq Utux Baro. Ani so kiya we wada ku mangal gnhuwe, ado ndaan mu ini ku snhii ma ini ku kela ciida han. 14Kiya de msngari ka gnhuwe Bukung ta, pniqan ku na snhiyan ma gnaalu meniq Kiristo Yesu. 15Kari nii bale ba snhiyun, niqan ba ririh na ngalun ta kana: “Kiristo Yesu we meyah dmoi baga seediq niqan qnquwan noda ka yahan na bobo dxeral.” Kiya we yaku ka pusu ba qnnaqah ckceka seediq niqan qnquwan noda. 16Kiya de, mangal ku gnhuwe de, so mptuura pusu ba qnquwan meniq yaku ka mttuku knrmenan na, mege so ppyugun seediq mpsnheyi Kiristo Yesu aangal daha uka psteqan knuudus bobo na. 17Tai so spruun, knledax maha nuUtux Baro qbsuran paru qnlhangan betaq ani knuwan, ini ksburo, ini qtai ma, wano Heya ba ka Utux betaq ani knuwan. Ameng!
18Timoteos, laqi mu, pstama mu sunan ka pnosa kari nii we pnuyu mu kari pnugeela tmiyu sunan. So su spooda pnugeela kari nii maha su meepah knmalu bale pncbuwan. 19Pniqi snhiyan ma uka qnquwan lhebun. Duma seediq we wada qmada lhebun daha, betaq mtakur snhiyan daha. 20Ckceka daha hiya we Smenaios ma Aleksandria. Wada mu sbege Satang ka dheya, so maha smluhe uxe ssngayan Utux Baro.
Currently Selected:
1 Timoteos 1: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
