Popular Bible Verses from 1 Timoteos 1

Share

Kari nii bale ba snhiyun, niqan ba ririh na ngalun ta kana: “Kiristo Yesu we meyah dmoi baga seediq niqan qnquwan noda ka yahan na bobo dxeral.” Kiya we yaku ka pusu ba qnnaqah ckceka seediq niqan qnquwan noda.

Kiya de, mangal ku gnhuwe de, so mptuura pusu ba qnquwan meniq yaku ka mttuku knrmenan na, mege so ppyugun seediq mpsnheyi Kiristo Yesu aangal daha uka psteqan knuudus bobo na.

Kiya de dngusan pnosa kari nii we gmaalu. Gnaalu nii we pneeyah bgurah lhebun, malu lnglungan ma ini pnnangi snhiyan.

Tai so spruun, knledax maha nuUtux Baro qbsuran paru qnlhangan betaq ani knuwan, ini ksburo, ini qtai ma, wano Heya ba ka Utux betaq ani knuwan. Ameng!

Ado gaya nii we uxe seediq msderux noda ka spheyu na, asi ka dseediq uka gaya ma ini thei, uka bale snhiyan ma meepah naqah noda, ini krtaso ma smkuxul oda bobo dxeral, phuqil tama bubu ma phuqil seediq. Kmmhemuc mngaangal msuupu ma smkuxul rseno, tmraki maruy seediq ma mberiq rmengo, thkeso psdehu, uxe uri we pheyu mphetur tnugsaan mrtaso.