1 Timoteos 2
2
Quri Tnugsaan Dmurun
1So kiya de, mdudul ku sunan, plaale we pgsai dmurun kana seediq, druni, sn1 dmurun ma mqaras. 2Druuni ka dqbsuran paru ma kana seediq ga tgbaro. Ooda so nii kiya ka maha ta mtduwa msderux thmuku noda ta msbale. 3Malu ka so nii, qqrasun mangal meniq berah Utux Baro ka nii. 4Mkdmoi baga seediq ka Utux Baro ma, pklaun na kari bale ba.
5Ado wano 1 ba ka Utux Baro,
wano 1 ba mpgaluk ckceka Utux Baro ma seediq,
kiya ka Kiristo Yesu mnseediq.
6Wada na sbege ka Heya nanak ma kmberih maruy kana seediq.
Dehuk ka ali ciida de wada ptuura ka ooda nii.
7Yaku skgulan ka mgarang kari, mptnugsaan, mptgesa seediq icil qlhangan meniq so snhiyan ma kari bale ba. Bale ba kari ka rnengo mu nii, ini ku qberiq.
8Tai so rseno we pheyu baga mrtaso daha dmurun ani inu. Iya kseang, iya ptgdiyal kari. 9Tai so mqedil we bleyaq pdeping mlukus, ktikuh hari ma mnlengu gaya. Iya sgcuqi smalu snuunux, posa king, tninul bhege ma mkere riyung lukus. 10Pniqi malu noda, kiya ka mnlengu kesun seediq niqan snhiyan. 11Mqedil we asi ka mgmelux smluhe ani maanu. 12Ini ku sruwa ka mqedil tmgesa. Ini ku sruwa mqedil ka qmlahang rseno. Wano gmelux ka yamu mqedil. 13Ado pnlale smnlean ka Adam ma, bobo na de kiya ka Eba. 14Ini qbriqi ka Adam. Mqedil ka wada qbriqun ma skrebu ckceka qnnaqah. 15Kiya de, mqedil we nasi dmoi snhiyan, niqan gnaalu, mrtaso ma ini sgcuqi de, maha namu dooyun baga tmlaqi namu ciida.
Currently Selected:
1 Timoteos 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
