1 Samuel 31
31
Hnqilan Soro ma Lqlaqi Na
(1 No 10:1-12)
1Mccebu Israel ka seediq Peliset. Qduriq peeyah berah seediq Peliset ka seediq Israel. Hbaro ba seediq wada phqilun mspaux dgiyaq Gilboa hiya. 2Ini sange smdurak Soro ma laqi na ka seediq Peliset. Kiya de wada daha phqilun ka Yehonatan, Abinadab ma, Malkiy Sua. 3Mbeyax riyung mccebu ka kmnremux Soro ma, smdurak heya ka dmcebu budi. Kiya de wada buun budi ka heya ma, paru ka nngalan na luqah. 4Kiya de rmengo seediq gaga dmoi qyqeya mccebu na ka Soro: “Hgeluq ka hlmadac su ma phuqil ku. So uxe meyah metaq ma tmsiiyax kenan ka dseediq ini oda ptgaya psalak.” Kiya de ini sruwa ka gaga dmoi qyqeya mccebu. Ado miicu riyung ka heya. Kiya de mangal hlmadac ka Soro ma tbetaq nak mhuqil bobo hlmadac. 5Seediq dmoi qyqeya ka qmita Soro mhuqil de wada msuupu tbetaq hungul bobo hlmadac nanak ka heya uri da. 6So kiya de, wada mtheyaq mhuqil ali ciida kana ka Soro, 3 laqi na, dseediq mnangal qyqeya mccebu ma, kana dseediq na. 7Dseediq mneniq breenux hiya ma, dseediq Israel mneniq yayung Yarden we, qtaan daha wada qduriq ka supi Israel ma, mhuqil ka Soro ma kana laqi na de, asi alix alang qduriq kana ka dheya. Kiya de meyah meniq alang daha hiya ka seediq Peliset.
8So kusun, meyah rmehak lukus pnhqilan daha ka seediq Peliset, slayan daha nii mksaro mhuqil dgiyaq Gilboa ka Soro ma 3 laqi na. 9Sqetun daha ka tunux Soro ma, ngalan daha hiya ka qyqeya mccebu na. Smkagul seediq mosa kana ddxeral Peliset ma mosa pqbahang sapah tikung ma dseediq daha. 10Dheya ge, pniqun daha sapah tikung Astoret ka qyqeya mccebu Soro ma spteetu daha pnharac qnalang alang Bet San ka bqerus na. 11Seediq Yabes gaga Gilad we, mbahang noda seediq Peliset quri Soro, 12Mtutuy kana ka driso mkkere daha ma mkkesa 1 rabi. Sladu daha peeyah pnharac qnalang alang Bet San ka bqerus Soro ma lqlaqi na de, desun daha Yabes ma psqmai daha. 13Saan daha rmeus toma pusu qhuni lebi Yabes hiya ma mk7 ini ekan.
Currently Selected:
1 Samuel 31: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
