1 Qbsuran Paru 7
7
Sapah Selomoh Qbsuran Paru
1Smalu sapah qbsuran paru ka Selomoh, wada 13 knkawas de qhdeun na smmalu kana da. 2Snmalu na ka “Sapah nrao Lebanon” we 100 sese qndisan, 50 sese knuglahang ma, 30 sese ka tnugkadan na. 4 beku ka pnteetu eruc qulic bale we gaga pdaan eruc cniyuk bale ka baro na. 3Knkingal beku 15 eruc, msuupu de 45 eruc baro na ka toma dnamux we smlean na qulic bale. 43 beku ka blbeling baang ma baang qnabil we, mnsn3 peiyax mtnetun ma gaga mllengu kana. 5Hnyegan eruc beling ma neluk beling we ida mntena 4 muxi kana ma msn3 ka beling we gaga mllengu kana.
6Dungal ka heya we smmalu 1 toma cenga eruc. 50 sese qndisan bbaro knbragan na ka baang ma, 30 sese knuglahang na. Pniqan na sbesuk tmayan ma eruc ka berah na uri.
7Dungal we smmalu tluungan qbsuran, kiya ka ruwan psgeegan kesun dooyun na psgeegan. Smlean na qrtinuh qulic bale kana ka toma na.
8Bukuy truma psgeegan nii we niqan nganguc ma gaga hiya ka tqiyan Selomoh. Mntena ba truma nii ka snlmean na. Dungal ka Selomoh we ssmalu na ida mntena so nii truma ka laqi mqedil Paroh qbsuran paru kiya de mqedil na.
9Kana sapah pnheyu nii ge, snmalu btunux mkere ma peeyah pusu betaq baro, truma ma bukuy, nganguc paru ma nganguc truma we pntnaan smeung ma so nii kana. 10Pusu sapah we psaan na 10 sese bbaro qndisan ma uxe we 8 sese bbaro qndisan mkere ba paru btunux. 11Baro na nii de psaan na mkere ba btunux pntena smeung ma qulic bale. 12Mtqiri nganguc paru uri we ida mntena nganguc tgtruma sapah thmkuwan Utux Tmninun ma sbesuk rhengun. Qlangan na 3 tntunan btunux qnquran ma sptnetun na 1 eruc qulic bale ka baro na.
Qpahun Xiram
13Selomoh qbsuran paru we smkagul seediq peeyah Cor pplawa na Xiram. 14Bubu na we seediq pnswayan rudan Naptaliy ma mqrinuc. Tama na we seediq Cor ma niqan bale knkela, gnkela ma, smdiyal lmngelung smmalu qyqeya peeyah limuk. Meyah Selomoh qbsuran paru ka Xiram ma daan na kana ka ani maanu pnsaalu qpahun.
Daha Hnyegan Eruc Limuk
(2 No 3:15-17)
15Smmalu 2 eruc limuk ka Xiram. Knkingal hnyegan we 18 sese tnugkadan ma, 12 sese tnugkadan ka mtqiri na. 16Smmalu daha mumul limuk ma ptmaun na puting ba eruc. Knkingal knbragan na ka 2 mumul nii we 5 sese tnugkadan. 17Smalu 7 kadi kraga knadi bnekuy ma, ptqriyan na lmabu mumul puting 1 eruc. Kesun na hiya lmabu 7 kadi ka 1 mumul eruc uri. 18So nii snmalu eruc ka heya de ptqriyan na meku 2 beku qutirodux ka kadi kraga knadi bnekuy gaga lmabu mumul puting eruc. Kesun na heya ka 1 mumul uri. 19Mumul puting eruc sbesuk tmayan we ssmalu na hnyegan phepah boxi ma 4 sese tnugkadan. 20Mtqiri mumul ka pkelu gaga ma psbunuh bobo kraga knadi bnekuy we psbkegun na 2 beku ka 2'00 qutirodux. Pntenaun na so nii ka tg2 eruc uri. 212 Eruc nii we spteetu na berah sbesuk tmayan sapah thmkuwan. Spteetu na quri toma ka 1 ma Yaking kesun na tmngayan. 1 dungal we spteetu na quri daya ma Boaj kesun na. 22Psaun na puting eruc ka hnyegan phepah boxi. So nii, qhdeun na smalu ka eruc.
Smseman Snmalu Limuk
(2 No 4:2-5)
23Kiya de smmalu mtumun ribo limuk ka heya. Qndisan gnskean na we 10 sese knbbaro, knbragan na we 5 sese tnugkadan ma mtqiri we 30 sese bbaro seengan negul. 24Toma ssiyo na we ptqriyan daha meku so hnyegan cangi. Hnyegan cangi nii we snpuwan smseman pnsqsiya smalu peeyah limuk ma 2 sese qndisan we pniqan na 10. 25Ribo nii we gaga mheyu 12 dapa snmalu. 3 dapa we mqquri daya, 3 we mqquri pryaxan hido, 3 we mqquri toma, 3 we mqquri nklaan hido. Kana ngungu dapa we mqquri truma. 26Kndlexan ribo nii we 1 karuk baga ma ssiyo na we mntena so quwaq pngerah mahan, spntena na hnyegan phepah boxi smalu. Psaan nii we mtduwa hrigan qsiya 20'00 bati seengan.
Tluungan xiluy Limuk
27Smmalu 10 tluungan xiluy limuk ka heya. Knkingal ka qndisan na we 4 sese, knuglahang we 4 sese ma tnugkadan we 3 sese. 28Snlmean tluungan xiluy limuk nii we so nii: Gaga cqcelan rgero ka qrtinuh gagi. 29Ptasan hnyegan rkelic rudu ma dapa ma kirubing ka qrtinuh gagi. Gaga tgbaro, tgtruma hnyegan rkelic rudu ma dapa ka rgero we gnqeran hnyegan phepah. 30Knkingal tluungan xiluy limuk tgkadan ka 4 gukuc ma bubu hukuc we snmalu limuk. 4 muxi na ka rulu tgkadan nii we pniqan gakac mplekuh ribo trmaan. Gaga gqeran hnyegan phepah ka gakac nii. 31Ribo trmaan we mtumun ka quwaq na ma gaga pniqun bobo rulu gukuc. Quwaq ribo trmaan we peeyah gakac 1 sese hmrinas quri baro. Msderux moda ceka kntruma na we 1 ma dmeka qango sese. Gaga gqeran matis ka quwaq na uri. 4 muxi na ka qrtinuh gagi ma uxe mtumun. 32Toma qrtinuh gagi we 4 ka gukuc ma gaga seedal rulu tgkadan ka bobo gukuc. Knkingal tndungagan gukuc we 1 ma dmeka sese qango. 33Gukuc rulu we mntena gukuc rulu mccebu ka snlmean. Bobo gukuc, ribo, teerang ma mumul we pnsqsiya pure xiluy kana. 344 papak kraga we gaga psdalun 4 mxmuxi rulu. 35Bobo ba rulu gukuc we niqan dmeka sese tnugkadan ka ribo gaga hmukuc ma gaga psdalan kraga ma qrtinuh gagi. 36Bobo kraga ma qrtinuh gagi we gqeran matis kirubing, rkelic rudu, sbiki paru ma mtqiri na we gqeran matis phepah. 3710 tluungan xiluy limuk tgkadan nii we pnsqiyan na pure ka xiluy ma pntnaun na smmalu ka hnyegan ma qndisan na.
38Smalu 10 ribo trmaan snmalu xiluy limuk ka heya. Peeyah ssiyo betaq ssiyo msderux ckceka ka knkingal ribo trmaan we 4 sese knbragan ma mtduwa hrigan 40 bati qsiya. Ptmaun na knkingal ribo trmaan ka 10 tluungan xiluy limuk. 39Pniqun na tgtruma sapah thmkuwan ka 5 tluungan xiluy limuk tgkadan ma pniqun na tgdaya sapah thmkuwan ka 5. Pniqun na quri cenga tgtruma ma nklaan hido ka ribo.
Kana Qyqeya Sapah Thmkuwan
(2 No 4:11-5:1)
40Dungal ka Xiram we smmalu rusuq psaan qbulic ma karuk ma yuqu sara. Kiya de wada na qhdeun qmeepah ka dnurun Selomoh qbsuran paru ooda sapah thmkuwan Utux Tmninun. Snmalu na ka qyqeya we so nii. 412 hnyegan eruc limuk, 2 mumul gaga puting eruc, 2 kadi kraga gaga lmabu, 2 mumul puting eruc. 424'00 so qutirodux snmalu limuk gaga pniqun 2 kadi krage, nii we gaga md2 bnkegan 2 kadi kraga ma ga splabu 2 mumul puting eruc. 4310 tluungan xiluy limuk ttmaan, 10 ribo trmaan. 44Smseman limuk ma, 12 dapa gaga toma na. 45Knyapan psaan qbulic, qkaruk, yuqu sara. Kana qyqeya snmalu bbege na Selomoh ka Xiram ddooyun smapuh sapah thmkuwan Utux Tmninun we snmalu limuk ma ndaan psdheriq lmepax. 46Qbsuran paru ge, kana qyqeya xiluy nii we pnsqsiya na psmalu gaga niqan dengul dxeral ayu Yarden cenga Sukot ma Cartan. 47Selomoh ge, bkegun na kana ka qyqeya ddooyun smapuh de ado sgcuqi egu ma ini na snqlingi smeung ka knchdilan limuk.
48Smmalu ani maanu qyqeya king pniqun na sapah thmkuwan Utux Tmninun ka Selomoh: Spuhan snmalu king, psaan pang snmalu king. 49Pcmagan snmalu king pniqun pusu mrtaso truma. Quri narac ka 5 ma quri iril ka 5 ma, phepah, sara pcmagan, dahur puniq snmalu king kana. 50Sara snmalu king, dahur begu, yuqu, guhi, sara thuwan, plawe king neluk pusu mrtaso truma ma mrtaso truma.
Mhedu Smmalu Sapah Thmkuwan
51Selomoh ge, wada na qhdeun mooda kana ka qpahun sapah thmkuwan nuUtux Tmninun de, bnege Dawid tama na Utux Tmninun ka ging, king, knkingal klegan qyqeya we, prtaso na smeku repun pusu dnoi sapah thmkuwan Utux Tmninun kana.
Currently Selected:
1 Qbsuran Paru 7: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
