1 Qbsuran Paru 6

Smalu Mrtaso Sapah Thmkuwan ka Selomoh

1Tg4'80 knkawas bobo mnlatac Micrayim ka seediq Israel ma, 2 idas tg4 knkawas kthlangan na Israel ka Selomoh, kiya ka 2 idas ciida, prading smalu mrtaso sapah thmkuwan Utux Tmninun ka heya. 2Sapah thmkuwan Utux Tmninun ssmalu Selomoh nii we 60 sese ka qndisan na, 20 sese ka kglahang na ma, 30 sese ka tnugkadan na. 3Sbesuk tmayan berah sapah thmkuwan ka qndisan na we mntena sapah thmkuwan 20 sese ka knuglahang, 10 sese ka qnlhangan na. 4Pniqan na beling ka qnabil ma quri nganguc we sbciqun na ma quri truma we spruun na smalu. 5Ssiyo sapah thmkuwan ma quri bukuy we sndadal na qnabil nganguc smalu ka mnsn3 tntunan sapah gaga baang. 6Tgkingal tntunan we 5 sese, tg2 tntunan we 6 sese ma, tg3 tntunan we 7 sese ka tnugkadan na. So nii knkingal sapah gaga baang we splekuh na smmalu bobo qnabil nuumal ma ini na lhgaani qnabil sapah thmkuwan ka gnbaruy baang sapah.

7Btunux ddooyun daha smalu we tena daha wada qhdeun kmeruc ma qmrequr smlean btunux hiya ma kiya de pheyu ciida we ini bhangi ka hrenang tuting, puru ma, duma na hiya ka qyqeya xiluy.

8Ttmayan mgtruma ba tntunan we gaga pkelu narac sapah thmkuwan ma niqan ka hako daan betaq tg2 ma tg3 tntunan baro. 9Mnhedu smalu mrtaso sapah thmkuwan ka Selomoh. Saangal na rgero eruc qulic bale ma qrtinuh qulic bale ka sbubung na dnamux. 10Knkingal tntunan 5 sese tnugkadan na ka 3 tntunan sapah gaga baang, kiya de gaga spaangal qnabil sapah thmkuwan smalu ma bnrangan na ka gaga splutuc qnabil sapah thmkuwan we qulic bale uri.

Pnsdhegan Utux Tmninun

11Meyah Selomoh ka kari Utux Tmninun, rmengo: 12“Quri so sapah thmkuwan snmalu su, nasi su dehuk ka muyu kari pndakar mu, thei gaya bneku mu ma, daun su kana gaya pndakar mu ma, meepah su ckceka hiya de, daun mu ka sntangan mu quri Dawid tama su. 13Yaku we meeniq ku ckceka seediq Israel, uxe ku mpaalix Israel seediq mu.”

Qyqeya Truma Sapah Thmkuwan

(2 No 3:8-14)

14Kiya de mhedu smalu mrtaso sapah thmkuwan ka Selomoh. 15Qnabil tgtruma Sapah Thmkuwan ka peeyah dxeral betaq sbubung dnamux we scpilan na qrtinuh qulic bale Lebanon. Dxeral we spagan na qrtinuh tqilung. 16Dungal we tgbukuy ka 20 sese qndisan sapah we peeyah dxeral betaq truma dnamux, sqabil na qrtinuh qulic bale. Nii we kika pusu mrtaso truma. 17Tgberah mrtaso truma we 40 sese qndisan ka baang. 18Gaga smlean qrtinuh qulic bale kana ma toma ma ini qtai ka snmalu btunux. Qnabil qrtinuh qulic bale tgtruma sapah thmkuwan we pdpingan qmrequr hnyegan cangi ma phepah. 19Smmalu pusu mrtaso truma bukuy mrtaso truma ka heya we pniqan na kulu pnsdhegan Utux Tmninun. 20Qndisan pusu mrtaso truma nii ka baang na we 20 sese, knuglahang na we 20 sese, tnugkadan na we 20 sese gaga pqpahan king kana. Spuhan we snmalu qulic bale uri. 21Selomoh we pqpahan na bale ba king kana ka truma sapah thmkuwan. Berah pusu mrtaso truma we pqyaan na bnekuy pnqpahan king. 22So kiya, pqpahan na king kana ka mrtaso truma, spuhan gaga tgberah pusu mrtaso truma we sqpahan king kana uri.

Smalu 2 Kirubing

23Smmalu 2 hnyegan kirubing qhuni curung ka Selomoh ma pniqun na pusu mrtaso truma. Tnugkadan na we 10 sese. 24Kirubing nii we 5 sese ka knpruwan na ma, 5 sese ka hnyegan na. Peeyah palic hini ma betaq palic icil we 10 sese kiya. 25Tg2 Kirubing we 10 sese uri. 2 Kirubing nii we mntena ka knpruwan ma hnyegan daha. 26Tnugkadan na kirubing nii we 10 sese, so kiya ka tg2 kirubing uri. 27Pniqun na ckceka ba pusu mrtaso truma ka kirubing nii. 2 kirubing nii we asi pntena kmugah ka palic daha. Dehuk icicil qnabil ka 1 palic kirubing. Icil palic daha quri truma we gaga msterung ckceka ba pusu mrtaso truma. 28Pqpahan na king kana ka 2 kirubing nii.

Pndpingan Pusu Mrtaso Truma

29Kana qnabil mtqiri mrtaso truma ma pusu mrtaso truma we gqeran hnyegan kirubing, sbiki paru ma phepah. 30Dxeral pusu mrtaso truma, ani truma ma nganguc pqpahan na king kana.

31Selomoh ge, ssmalu na curung ka rhengun pusu mrtaso truma. Bobo rhengun we 5 pntmuxi. 322 rhengun snmalu curung nii uri we qmrequr hnyegan kirubing, sbiki paru ma phepah pqpahan king kana. Kirubing ma sbiki paru we pqpahan na king kana uri.

33Mntena so nii, ssmalu na qhuni curung ka eruc rhengun mrtaso truma. Nii we eruc 4 pntmuxi. 34Kiya de pniqan na 2 rhengun tkmeun snmalu qrtinuh tqilung. 35Kiya de gqeran na hnyegan kirubing, sbiki paru, phepah ka nii uri ma spuyu na gnqeran pqapah king kana. 36Dungal we smmalu nganguc tgtruma. Ptqriyan na qmalang 3 pntunun btunux pncilan ma sptnetun na 1 eruc qulic bale ka baro na.

37Selomoh we smpusu mrtaso sapah thmkuwan Utux Tmninun we pkelu 2 idas tg4 knkawas. 38Tg8 idas kiya de 8 idas tg11 knkawas qnlhangan de sapah thmkuwan ma kana ani bcbiciq sapah thmkuwan we wada qhdeun smalu kana. Wada 7 knkawas ka snlmean nii.

Currently Selected:

1 Qbsuran Paru 6: Stgdaya

Highlight

Copy