1 Yohane 2
2
Ga Meniq Ckceka ta ka Kiristo
1Lqlaqi mu, nii ku matis so nii yamu we so namu uxe mooda qnquwan noda. Nasi mnoda mangal qnquwan noda de, Tama hiya we niqan 1 ka ga ckceka tama ma ita, kiya ka Yesu Kiristo msderux noda. 2Snapuh psruwa qnquwan noda ta ka heya. Uxe wano qnquwan noda ta, ririh qnquwan noda seediq kana bobo dxeral uri.
3Nasi ta muyu kari pnosa Utux Baro de, maha ta mkela bale heya ka ita. 4Nasi rmengo: “Klaun mu ka heya” mesa ka seediq we, ini puyu kari pnosa na de kiya ka gisu rmengo kari mberiq. Kari bale ba we uka ga meniq heya di. 5Kana muyu kari na we, lhebun gmaalu Utux Baro we ida bale ba ga mttuku meniq lhebun na. So kiya de klaun ta ga ta meniq heya hiya. 6Kana rmnengo ga ku meniq heya hiya ka yaku we, asi ka muyu ndaan na moda uri.
Bgurah Kari Pnosa
7Kana sgaalu mu, uxe bgurah kari pnosa nii ka spatis mu yamu, cmucac kari pnosa nagal namu pnlaale ka spatis mu. Cmucac kari pnosa nii we kiya ka bnhangan namu. 8Maanu so kiya we, bgurah kari pnosa ka spatis mu yamu. Nii we bale ba meniq Kiristo, bale ba ka meniq yamu uri. Ado wada dmudu uka ka mnkuung, bale ba ledax ka gisu lmedax da.
9Nasi rmengo, gisu ku meniq ckceka ledax ka seediq we, tmraqil mtswai na de, saya de gisu mkkesa knkuung nana ka heya. 10Gmaalu mtswai na we, kiya ka ga meniq ckceka knledax, uxe pktakur pqnuuqu seediq ka heya. 11Wano tmraqil mtswai we, kiya ka ga meniq ckceka mnkuung, ga mkkesa mnkuung uri, ini daha klai mmaha inu. Ado kuung ka wada pkbudu doriq na.
12Lqlaqi biciq, matis ku patis yamu,
ado ririh ngayan Kiristo wada srwaun ka qnquwan noda namu.
13Ddrudan, matis ku patis yamu,
ado ga namu klaun 1 pneyah pnrdingan.
Rsriso, matis ku patis yamu,
ado namu wada mbeyax seediq qnnaqah ka yamu da.
14Lqlaqi, mnatis ku patis yamu,
ado klaun namu ka Tama Baro.
Ddrudan, mnatis ku patis yamu,
ado ga namu mkela 1 pneyah pnrdingan.
Rriso, mnatis ku patis yamu,
ado mbeyax namu,
kari Utux Baro de ga meniq lhebun namu klaali,
mbeyax namu seediq naqah uri.
15Iya glaani ka bobo dxeral ma qyqeya bobo dxeral. Nasi gmau bobo dxeral ka seediq, uka meniq heya ka lhebun gmaalu Tama di. 16Ado kana qyqeya bobo dxeral we, mntena kkraguh heyi, kkraguh doriq. Psparu kndesan saya we, uxe pneyah Utux Baro kana, pneyah bobo dxeral kana. 17Mpkuuka kana ka knlangan ma kkraguh bobo dxeral. Wano seediq muyu lnglungan Utux Baro we kiya ka meeniq ani knuwan.
Pkmpais Kiristo
18Lqlaqi, saya we ali qnhdean da. Mnbahang namu meeyah ka pkmpais Kiristo. Saya de ga meyah ka duma pkmpais Kiristo da. So nii de, klai ta bale, saya de kiya ka ali qnhdean da. 19Dheya we wada mlatac peeyah ckceka ta, kiya we ida uxe duita. Nasi dduita ka dheya we, naka msuupu mtheyaq ita. Wada mlatac ka dheya de pptuura ida uxe dduita ka kana daha. 20Wada namu mangal huwa abura pneyah Mrtaso. Kiya uri we klaun namu kana. 21Matis ku patis yamu, uxe ka ini namu klai ka kari bale ba, ado mkela namu ma klaun namu kana ka mberiq we uxe pneeyah kari bale ba kana. 22Ima ka ga rmengo kari mberiq ho? Uxe kiya ka ini kela Yesu ka Kiristo peni? Seediq ini kela Tama ma Laqi we, kiya ka pkmpais Kiristo. 23Kana ini kela Laqi we uka heya ka Tama. Ptuura Laqi na we, ga niqan Tama ka heya uri da.
24Quri so yamu we, peeniq bale lhebun namu ka bnhangan namu peeyah pnrdingan ciida. Nasi namu psaun lhebun namu ka bnhangan namu pnrdingan de, meeniq namu Laqi na hiya, meeniq namu Tama hiya uri. 25Pnstangan Kiristo we kiya ka knuudus uka psteqan.
26Matis ku kari yamu so nii we, kiya ka quri kari rnengo dseediq kmpsridil yamu. 27Quri so yamu we, nangal namu gnhuwe abura pneeyah Kiristo we maha meeniq lhebun namu ani knuwan. Uxe seediq ka mptgesa yamu, ida niqan nanak ka gnhuwe abura ka mptgesa yamu. Gnhuwe abura nii we, uxe mberiq, mpuyu namu tnugesa gnhuwe abura nii meeniq namu heya hiya.
Lqlaqi Utux Baro
28Lqlaqi mu, eniq Kiristo hiya ka yamu. So kiya de, nasi ptraun ka heya de, maha ta uka kniicu. Meyah heya ciida de, uxe ta pqsiqa berah na ciida. 29Nasi namu klaun, msderux noda ka heya. Kiya de kana meepah msderux noda ka seediq we, pneeyah heya kana da.
Currently Selected:
1 Yohane 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
