1 Yohane 1
1
Kari Knuudus
1Quri so kari knuudus pneyah prdingan we, kiya ka wada ta bhangan, qntaan, qmnita ta bale doriq, tnelung ta bale baga. 2Wada sptuura ka knuudus nii, wada ta qtaan duma, saya de spkela ta. Sgarang nami yamu ka knuudus mntheyaq Tama pnrdingan ma, wada ptuura yamu dungal. 3Nii nami sgarang yamu ka ntaan nami ma bnhangan nami. So namu maha pggaluk namu menan. Kiya de yami we mggaluk miyan Tama ma laqi na Yesu Kiristo. 4Matis miyan so nii yamu we, so maha stngayan ka qnaras nami.
Ledax ka Utux Baro
5Ledax ka Utux Baro, uka knkuung ka heya. Kari nii we bnhangan nami peeyah Bukung, kiya ka kari grangan nami yamu. 6Nasi ta rmengo, niqan ta mggaluk Utux Baro de, ida ga mkkesa mnkuung de, kiya ka gisu mberiq rmengo, ini oda kari bale ba. 7Nasi ta mkkesa ckceka knledax, mntena meniq ckceka knledax ka Utux Baro de, ida ta niqan pggaluk. Dara laqi na Yesu de mpsino kana qnquwan noda ta.
8Nasi ta rmengo, uka ta qnquwan noda ka ita de, gisu ta mberiq ita nanak. Kari bale de ga uka meniq ita di. 9Nasi ta ptuura qnquwan noda ta de, mtduwa stmaan ma msderux noda ka Utux Baro we mpsruwa kana qnquwan noda ta, mpsino kana ini ksderux noda ta. 10Nasi ta rmengo, uka ndaan mu qnuuqu de, gisu ta ngalan ga mberiq ka Utux Baro, kari na de ga uka meniq ita di.
Currently Selected:
1 Yohane 1: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
