1 Korinto 6
6
Iya Pbege Qnquwan Noda
1Ckceka namu we nasi niqan pbbege qnquwan noda, ma namu ini kiicu mosa namu mege qnquwan noda berah seediq ini ksderux, ini namu desi berah seediq mrtaso snhii ho? 2Mpsgao bobo dxeral ka dsnheyi we ini namu klai peni? Nasi namu mpsgao ka bobo dxeral, ye namu ini pndungus psgao ani biciq ba noda nii ho? 3Mpsgao ta snkgulan peeyah baro we ini namu klai peni? Mntena so noda ta quri bobo dxeral nii uri! 4Maanu so kiya de nasi niqan asi ka daun ta psgao ndaan we pdaun nii we seediq ini sprui ckceka pssliyan ka meyah psgao we ye srwaun namu peni? 5Rmengo ku so nii we maha ku ppqsiqa yamu. Yaa bale ba uka ani 1 ka ga niqan knkela na mtduwa psgao noda mtswai ho? 6Kiya de mosa mege qnquwan noda na ma srengo na berah seediq ini snhii ka mtswai na.
7Mbbege namu qnquwan txtaxa seediq we ririh namu wada niqan paru ba qnquwan. Hmuwa, ma namu ini dehuk mangal so nii ho? Ma namu ini sruwai mangal qbriqun ho? 8Yamu we qnuuqu namu mege uka qnquwan seediq, mberiq seediq. Kesun namu mooda we ida ga mooda mtswai namu uri.
9Uxe maangal qnlhangan Utux Baro ka seediq ini ksderux we ini namu klai peni? Iya qberiq yamu nanak! Ani kesun mmhemuc msuupu, thmuku tikung, moda mmhemuc msuupu, ma mqedil kbrexun, msuupu rseno ka rseno, 10mpgeeguy, sqnruwan lmngelung, mpkbsukan, smngayan, mpgeeluk gmeeguy, kana so nii we uxe maangal qnlhangan Utux Baro. 11Cuuxal we mntena so nii ka duma namu han. Kiya de mnoda namu ngayan Yesu Kiristo Bukung ka saya ma mnoda namu Bgihur Utux Baro de wada namu na trmaun ma wada namu mrtaso ma ngalan uka qnquwan noda.
Tndahu Utux Baro ka Heyi
12“Kana ani maanu we tduwa mu daun kana.” Kiya de uxe kana ka niqan rrihan. “Kana ani maanu we tduwa mu daun kana” we ani maanu we uka ka mpbekuy ita. 13“Uqun we mquri nbuyas kiya. Nbuyas we mquri uqun kiya.” Kiya de Utux Baro we sliqun na ka daha nii. Heyi seediq we uxe mquri mmhemuc msuupu, mquri Bukung kiya. Bukung we mquri heyi ka heya uri. 14Utux Baro we wada na pkdusun peeyah hnqilan ka Bukung, spooda na beyax na nanak uri pkdusun tana. 15Cida Kiristo ka heyi namu we ini namu klai peni? So kiya de tduwa ta ngalun cida mqedil kbrexun ka cida Kiristo ho? Ida uxe so kiya! 16Ani ima ka msuupu mqedil kbrexun we ma 1 seediq heya da. Ado rmnengo ka Bukung: “2 heyi we mpkingal heyi.” 17Kiya de ani ima ka lmutuc Bukung de kiya ka ma 1 Bgihur daha Bukung kiya di.
18Maanu so kiya de qdriqi ka mmhemuc msuupu. Qnquwan seediq we ani maanu ida nganguc heyi kana, wano mmhemuc msuupu ka ga maangal qnquwan noda heyi namu nanak. 19Sapah Thmkuwan nBgihur Mrtaso ka heyi namu we ini namu klai peni? Bgihur Utux we pneyah Utux Baro, ga meniq ckceka namu. Yamu we uxe nnamu. 20Ado yamu we paru ba bnaruy. Maanu so kiya de tndhui Utux Baro ka heyi namu.
Currently Selected:
1 Korinto 6: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
