1 Korinto 13
13
1Ani ku rmengo klegan kari seediq ma kari snkgulan baro uri ge, nasi uka ka gnaalu mu we mntena ku blenga limuk ma hrenang ngaba. 2Kiya de ani ku niqan beyax ggarang kari, ani ku mkela kana lneing kari, kana knkela ma ani so hmeruy dgiyaq ka snhiyan mu ge, nasi uka ka gnaalu mu we uka ka ririh muuri. 3Ani mu sbege seediq qrinuc ka kana qyqeya mu, ani mu sbege psqmaun ka heyi mu ge, nasi uka ka gnaalu mu we uka mu rrihan.
4Gnaalu kesun we knremun bale ma mhuwe lhebun. Gnaalu kesun we ini qnriqu. Gnaalu we ini tndahu ma ini psparu. 5Ini qeepah ooda snsiqa, ini igin rrihan na nanak. Ini mmhemuc mseang, ini sepu qnnaqah seediq. 6Ini skuxul niqan qnquwan noda. Wano bale ba ka qrasun na. 7Ani maanu we mtraguh ba lhebun na, ani maanu we snhii, ani maanu we niqan sntangan, ani maanu we knremun.
8Gnaalu we ini kpehing ani betaq knuwan. Kari gnarang mpgeela kari we mpkuuka. Rmengo kari utux we mpsetuq, knkela we maha mpkuuka uri. 9Saya we ini knttuku ka klaun ta. Ini knttuku ka rnengo mpgeela kari uri. 10Tara ta meeyah ka mttuku ciida, ini pttuku na we maha mpkuuka. 11Mlaqi ku ciida han we so laqi ka kari mu. So laqi ka lhebun mu ma so laqi ka lnglungan mu. Mdakil ku de we wada mu laxan ka qnlaqi mu di. 12Ita saya we gisu ta sqita gagi ini kleexan qtaan. Dehuk ka ali de mpqqita ta da. Yaku saya ka ini knttuku ka knkela mu. Ciida de maha mu klaun kana, mntena Utux Baro mkela yaku.
13Maanu so kiya de ida meeniq ani betaq knuwan ka 3 nii. Kiya de snhiyan, sntangan ma gnaalu. Ckceka rmabang na ba paru we gnaalu.
Currently Selected:
1 Korinto 13: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
