Popular Bible Verses from 1 Korinto 13

Share

Gnaalu kesun we knremun bale ma mhuwe lhebun. Gnaalu kesun we ini qnriqu. Gnaalu we ini tndahu ma ini psparu. Ini qeepah ooda snsiqa, ini igin rrihan na nanak. Ini mmhemuc mseang, ini sepu qnnaqah seediq.

Ani maanu we mtraguh ba lhebun na, ani maanu we snhii, ani maanu we niqan sntangan, ani maanu we knremun.

Ini skuxul niqan qnquwan noda. Wano bale ba ka qrasun na.

Maanu so kiya de ida meeniq ani betaq knuwan ka 3 nii. Kiya de snhiyan, sntangan ma gnaalu. Ckceka rmabang na ba paru we gnaalu.

Gnaalu we ini kpehing ani betaq knuwan. Kari gnarang mpgeela kari we mpkuuka. Rmengo kari utux we mpsetuq, knkela we maha mpkuuka uri.

Ani ku rmengo klegan kari seediq ma kari snkgulan baro uri ge, nasi uka ka gnaalu mu we mntena ku blenga limuk ma hrenang ngaba.

Kiya de ani ku niqan beyax ggarang kari, ani ku mkela kana lneing kari, kana knkela ma ani so hmeruy dgiyaq ka snhiyan mu ge, nasi uka ka gnaalu mu we uka ka ririh muuri.

Ani mu sbege seediq qrinuc ka kana qyqeya mu, ani mu sbege psqmaun ka heyi mu ge, nasi uka ka gnaalu mu we uka mu rrihan.

Mlaqi ku ciida han we so laqi ka kari mu. So laqi ka lhebun mu ma so laqi ka lnglungan mu. Mdakil ku de we wada mu laxan ka qnlaqi mu di.