1 Nooda 6
6
Lqlaqi Mslutuc Lewiy
1Lqlaqi mslutuc Lewiy: Gerson, Qahat ma Merariy. 2Laqi Qahat we Amram, Yichar, Xebron ma Ujiel. 3Laqi rseno ma mqedil Amram we Aharon, Moseh ma, Miryam. Laqi Aharon we Nadab, Abihu, Elajar ma Itamar. 4Tnlaqi Pinexas ka Elajar. Tnlaqi Abisua ka Pinexas. 5Tnlaqi Buqi ka Abisua. Tnlaqi Ujiy ka Buqi. 6Tnlaqi Jeraxyah ka Ujiy. Tnlaqi Merayot ka Jeraxyah. 7Tnlaqi Amaryah ka Merayot. Tnlaqi Axitub ka Amaryah. 8Tnlaqi Cadoq ka Axitub. Tnlaqi Aximaac ka Saduk. 9Tnlaqi Ajaryah ka Aximaac. Tnlaqi Yoxanan ka Ajaryah. 10Tnlaqi Ajaryah ka Yoxanan. Qmneepah msapuh meniq sapah thmkuwan Yerusalem snmalu Selomoh ciida ka Ajaryahu. 11Tnlaqi Amaryah ka Ajaryah. Tnlaqi Axitub ka Amaryah. 12Tnlaqi Saduk ka Axitub. Tnlaqi Salum ka Cadoq. 13Tnlaqi Xilqiyah ka Salum. Tnlaqi Ajaryah ka Xilqiyah. 14Tnlaqi Serayah ka Ajaryah. Tnlaqi Yehocadaq ka Serayah. 15Utux Tmninun we spooda na baga Nebukadnecar qmerac madis Yehudah ma Yerusalem ciida, wada qrapun madis uri ka Yehocadaq.
Duma Lqlaqi Mslutuc Lewiy
16Lqlaqi mslutuc Lewiy: Gersom, Qahat ma Merariy. 17Ngayan laqi Gersom we Libniy ma Simiy. 18Laqi Qahat we Amram, Yichar, Xebron ma Ujiel. 19Laqi Merariy we Maxliy ma Musi. Nii we pnsnakan peeyah pusu rdrudan tnsapah sapah Lewiy ka nii. 20Laqi nuGersom ge, laqi na ka Libniy, laqi na ka Yaxat, laqi na ka Jimah, 21laqi na Yoax, laqi na Ido, laqi na Jerax ma, laqi na Yeatray. 22Lqlaqi mslutuc Qahat ge, laqi na Aminadab, laqi na Qorax, laqi na Asir, 23laqi na Elqanah, laqi na Ebyasap, laqi na Asir, 24laqi na Taxat, laqi na Uriel, laqi na Ujiyah, laqi na Saul. 25Laqi Elqanah we Amasay, Aximot ma, 26Elqanah. Lqlaqi mslutuc Elqanah we: Laqi na ka Copay, laqi na Naxat, 27laqi na Eliyab, laqi na Yeroxam, laqi na Elqanah ma, laqi na Samuel. 28Laqi tgqbsuran Samuel we Yoel, mtswai na we Abiyah. 29Lqlaqi mslutuc Merariy we: Maxliy, laqi na ka Libniy, laqi na ka Simiy, laqi na Ujah, 30laqi na Simea, laqi na Xagiyah ma, laqi na Asayah.
Dmpuuyas Sapah Thmkuwan
31Bobo pnsaun daha Yerusalem ka kulu pnsdhegan de, Dawid qbsuran paru ge, pniqan na mpqlahang tmubu sapah thmkuwan Utux Tmninun. 32Dheya we pusu mpuuyas tgberah sapah thmkuwan ka dheya, betaq mhedu smalu sapah thmkuwan Utux Tmninun Yerusalem ka Selomoh ciida de, dheya nanak ka mqeepah oda nii. 33Lqlaqi laqi daha mqeepah nii we so nii:
Lqlaqi laqi Qahat mpuuyas na we Xeman. Xeman we laqi Yoel, Yoel we laqi Samuel, 34Samuel we laqi Elqanah, Elqanah we laqi Yeroxam, Yeroxam we laqi Eliel, Eliel we laqi Toax, 35Toax we laqi Cup, Cup we laqi Elqanah, Elqanah we laqi Maxat, Maxat we laqi Amasay, 36Amasay we laqi Elqanah, Elqanah we laqi Yoel, Yoel we laqi Ajaryahu, Ajaryahu we laqi Cepanyah, 37Cepanyah we laqi Taxat, Taxat we laqi Asir, Asir we laqi Ebyasap, Ebyasap we laqi Qorax, 38Qorax we laqi Yichar, Yichar we laqi Qahat, Qahat we laqi Lewiy ma, Lewiy we laqi Israel. 39Asap mtswai Xeman we mdudul narac dmpuuyas. Asap we laqi Berekyahu, Berekyahu we laqi Simea, 40Simea we laqi Mikael, Mikael we laqi Baaseyah, Baaseyah we laqi Malkiyah, 41Malkiyah de laqi Etniy, Etniy we laqi Jerax, Jerax we laqi Adayah, 42Adayah we laqi Eytan, Eytan we laqi Jimah, Jimah we laqi Simiy, 43Simiy we laqi Yaxat, Yaxat we laqi Gersom ma, Gersom we laqi Lewiy. 44Lqlaqi laqi Merariy mtswai daha, mdudul iril dmpuuyas na we Eytan. Eytan we laqi Qisiy, Qisiy we laqi Abdiy, Abdiy we laqi Maruk, 45Maruk we laqi Xasabyah, Xasabyah we laqi Amajyah, Amajyah we laqi Xilqiyah, 46Xilqiyah de laqi Amciy, Amciy we laqi Bani, Bani we laqi Semer, 47Semer we laqi Maxliy, Maxliy we laqi Musi, Musi we laqi Merariy ma, Merariy we laqi Lewiy. 48Seediq Lewiy ka mtswai daha we mpqeepah ani maanu sapah thmkuwan Utux Baro uri.
Lqlaqi Mslutuc Aharon
49Aharon ma lqlaqi laqi na we smapuh psqama pskenux ma smapuh psqama bobo spuhan. Dungal we dmudul pthmuku Utux Baro ckceka Mrtaso Truma ma moda psruwa qnquwan noda Israel, mntena kana rnengo Utux Baro tnugesa na Moseh tnqliyan na. 50Lqlaqi mslutuc Aharon we so nii: Laqi na ka Elajar, laqi na ka Pinexas, laqi na Abisua, 51laqi na Buqi, laqi na Ujiy, laqi na Jeraxyah, 52laqi na Merayot, laqi na Amaryah, laqi na Axitub, 53laqi na Cadoq ma, laqi na Aximaac.
Dxeral Niqan Pnswayan Rudan Lewiy
54Spuyu ta nniqan daha kobu we so nii: Lqlaqi laqi Aharon seediq Qahat ka plaale blebil qreti maangal dxeral. 55Nangal daha we Xebron dxeral Yehudah ma, bukuy qnpahan ssiyo dxeral hiya. 56Kiya de qnpahan ddxeral nii ma lualang nii we, wada ngalun Kaleb laqi Yepuneh kiya. 57Alang qdriqan nsugan lqlaqi laqi Aharon we so nii: Xebron, Libnah ma dxeral bukuy alang, Yatir, Estemoa ma dxeral bukuy alang, 58Xiylen ma dxeral bukuy alang, Debir ma dxeral bukuy alang, 59Asan ma dxeral bukuy alang, Bet Semes ma dxeral bukuy alang. 60Dungal we mangal Geba ma dxeral bukuy alang peeyah pnswayan rudan Binyamin uri ka dheya, Alemet ma dxeral bukuy alang, Anatot bukuy alang. Tnpusu sapah daha we 13 alang ka nangal daha.
61Msngari dseediq lutuc sapah Qahat we, mosa blebil qreti. Spooda daha pnsnakan tnsapah ma dmeka pnswayan pusu rdrudan, kiya ka sugan 10 alang ka dmeka pnswayan rudan Menaseh. 62Knkingal sapah dseediq Gersom we sugan 13 alang ga Yisaskar, Aser, Naptaliy ma Menaseh dxeral Basan. 63Knkingal sapah dseediq Merariy uri we pooda pnsnakan ma sugan 12 alang peeyah dxeral Reuben, Gad ma Jebulun. 64Seediq Israel we sbege daha seediq Lewiy ka lualang nii ma dxeral bukuy lualang uri. 65Seediq Israel we spooda daha blebil qreti, speeyah daha seediq Yehudah, Simeon ma, Binyamin wada daha sbege dheya ka lualang niqan ngayan baro nii.
66Duma dseediq sapah Qahat we sugan alang Eprayim, kiya ka nniqan daha. 67Ga ckceka dgiyaq Eprayim ka alang qdriqan nangal daha: Sekem ma dxeral bukuy alang, Gejer ma dxeral bukuy alang, 68Yaqmeam ma dxeral bukuy alang, Bet Xoron dxeral bukuy alang, 69Ayalon ma dxeral bukuy alang, Gat Rimon ma dxeral bukuy alang. 70Duma lqlaqi laqi Qahat de, nangal daha peeyah dmeka pnswayan rudan Menaseh we, Aner ma dxeral bukuy alang, Bilam ma dxeral bukuy alang.
71Lqlaqi laqi Gersom de, nangal daha peeyah dmeka pnswayan rudan Menaseh we, Golan alang Basan ma dxeral bukuy alang, Astarot ma dxeral bukuy alang. 72Nangal daha peeyah pnswayan rudan Yisaskar we Qedes ma dxeral bukuy alang, Dabrat ma dxeral bukuy alang, 73Ramot ma dxeral bukuy alang, Anem ma dxeral bukuy alang. 74Nagal daha peeyah Aser we, Masal ma dxeral bukuy alang, Abdon ma dxeral bukuy alang, 75Xuqoq ma dxeral bukuy alang, Rexob ma dxeral bukuy alang. 76Nangal daha peeyah Naptaliy we, Qedes dxeral Galil ma dxeral bukuy alang, Xamon ma dxeral bukuy alang, Qiryatayim ma dxeral bukuy alang. 77Duma lqlaqi laqi Merariy de, nangal daha peeyah pnswayan rudan Jebulun we, Rimon ma dxeral bukuy alang, Tabor ma dxeral bukuy alang. 78Dungal we gaga Yerixo nklaan hido yayung Yarden, nangal daha peeyah pnswayan rudan Reuben we, Becer tadus brenux ma dxeral bukuy alang, Yahcah ma dxeral bukuy alang, 79Qedemot ma dxeral bukuy alang, Meypaat ma dxeral bukuy alang. 80Dungal we mnangal peeyah pnswayan rudan Gad we, Ramot dxeral Gilad ma dxeral bukuy alang, Maxanayim ma dxeral bukuy alang, 81Xesbon ma dxeral bukuy alang, Yajer ma dxeral bukuy alang.
Currently Selected:
1 Nooda 6: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
