1 Nooda 7
7
Lqlaqi Mslutuc Yisaskar
1Lqlaqi mslutuc Yisaskar: Tola, Puah, Yasub ma Simron. 4 heyi kana. 2Lqlaqi mslutuc Tola we: Ujiy, Repayah, Yeriel, Yaxmay, Yibosan, ma Semuel. Dheya we pnswayan pusu rudan Tola kana ma, mnpahung ba supi kesun kana daha. Knxalan Dawid qbsuran paru ciida, niqan 2 mang 26'00 heyi daha. 3Lqlaqi mslutuc Ujiy we: Yijraxyah. Laqi Yijraxyah we Mikael, Obadyah, Yoel ma Yisyah. 5 heyi kana ma ngalan pusu rudan pnswayan kana. 4Dnudul daha, spooda ta lutuc tnsapah ma tnsapah tama smepu we 3 mang 60'00 heyi ka mkela mccebu. Ado hbaro ba mqedil ma laqi daha ka dheya. 5Bkegun ka pnswayan rudan toma Yisaskar we 8 mang 70'00 heyi mnpahung ba supi mkela mccebu.
Lqlaqi Mslutuc Binyamin
6Binyamin: Bela, Beker ma Yediael. 3 heyi kana. 7Laqi Bela: Ecbon, Ujiy, Udiel, Yerimot ma Iriy. 5 heyi kana. Dheya we pnswayan pusu rudan dseediq nii kana ma supi ba mnpahung uri. Kana gaga spatis lutuc tnsapah hiya we 2 mang 20'34 heyi. 8Laqi Beker: Jemirah, Yoas, Eliejer, Elyoenay, Amriy, Yeremot, Abiyah, Anatot ma Alemet. Dheya we laqi Bikir kana. 9Gaga ptasun lutuc tnsapah ma, spooda gaga ngalun pnswayan pusu rudan daha we 2 mang 20'00 heyi. 10Lqlaqi mslutuc Yediael: Bilehan. Laqi Bilehan we Yeus, Binyamin, Ehud, Kenaanah, Jeytan, Tarsis ma Axisaxar. 11Dheya we lqlaqi mslutuc Yediael kana, gaga ngalun pnswayan pusu rudan ma, dseediq mnpahung ba supi mkela mccebu we 1 mang 72'00 heyi. 12Laqi Iyr we Supim ma Xupim, laqi Ahi we Xusim.
Lqlaqi Mslutuc Naptaliy
13Lqlaqi mslutuc Naptaliy we: Yaxciel, Guniy, Yecer ma Salum. Lqlaqi laqi Bilhah kana ka dheya.
Lqlaqi Mslutuc Menaseh
14Laqi Menaseh tnlaqi mqedil na seediq Aram we Asriel. Dungal we tnlaqi Makir, kiya ka tama Gilad. 15Makir we saangal na mqedil ka Xupim ma Supim. Mtswai na mqedil we Maakah. Mtswai laqi Makir we Celapxad. Celapxad we wano ba laqi mqedil ka laqi na. 16Tnlaqi 1 laqi rseno ka Maakah mqedil Makir. Peres kesun na tmngayan. Mtswai Peres we Seres. Laqi Seres we Ulam ma Reqem. 17Laqi Ulam we Bedan. Lqlaqi laqi Gilad kana. Laqi Makir ka Gilad, laqi Menaseh ka Makir. 18Hamoleket mtswai na mqedil ka Gilad we tnlaqi Ishod, Abiejer ma Maxlah. 19Laqi Semida we Axyan, Sekem, Liqxiy ma Aniam.
Lqlaqi Mslutuc Eprayim
20Lqlaqi mslutuc Eprayim we: Sutelax, laqi na Bered, laqi na Taxat, laqi na Eladah, laqi na Taxat, 21laqi na Jabad, laqi na Sutelax. Dungal de Eprayim we tnlaqi Ejer ma Elad. 2 heyi nii we mnosa gmeeluk tnbugan seediq Gat ma, wada phqilun tndxeral seediq Gat hiya ka dheya. 22Ya knhenu ali sqnaqah na kuxul dheya ka Eprayim tama daha. Kiya we meyah pkleho kuxul heya ka mtswai na. 23Bobo msuupu taqi mqedil na ka Eprayim de, mchedil ma tnlaqi 1 laqi rseno ka mqedil na. Biriyah kesun na tmngayan, ado pkelu msterung mqraqil ka tnsapah na. 24Laqi na mqedil Eprayim we Seerah. Seerah we smnalu tgbaro Bic Hurung ma tgtruma Bet Xoron ma Ujen Seerah. 25Laqi na Eprayim we Repax ma Resep, laqi na Telax, laqi na Taxan, 26laqi na Ladan, laqi na Amihud, laqi na Elisama, 27laqi na Nun, laqi na Yehosua. 28Dxeral ma gaga niqan Eprayim we Beytel ma lualang ssiyo na hiya. Mquri nklaan hido Naaran, mquri pryaxan hido Gejer ma lualang ssiyo na hiya, Sekem ma lualang ssiyo na hiya, betaq Ayah ma lualang ssiyo na hiya. 29Dungal we smdaling ayus dxeral seediq Menaseh, Bet Sean ma lualang ssiyo na hiya, Tanak ma lualang ssiyo na hiya, Megido ma lualang ssiyo na hiya, Dor ma lualang ssiyo na hiya. Lqlaqi laqi Yosehu laqi Israel we, meniq dxeral nii kana.
Lqlaqi Mslutuc Aser
30Lqlaqi mslutuc Aser: Yimnah, Yiswah, Yiswiy ma Biriyah. Dungal we mtswai daha mqedil we Serax. 31Laqi Biriyah we Xeber ma Malkiel. Malkiel we tama Birjayit. 32Xeber we tnlaqi Yaplet, Somer, Xotam ma, mtswai daha mqedil ka Suya. 33Laqi Yaplet we Pasak, Bimhal ma Aswat. Laqi Yaplet kana ka nii. 34Laqi mtswai na Semer we Axi, Rohgah, Xubah ma Aram. 35Laqi Xelem mtswai Semer we Copax, Yinna, Seles ma Amol. 36Laqi Copax we Suax, Xarneper, Sual, Beri, Yimrah, 37Becer, Hod, Sama, Selsah, Yitran ma Beera. 38Laqi Yeter we Yepuneh, Pispah, ma Era. 39Laqi Ula we Arax, Xaniel ma Ricya. 40Kana nii we lqlaqi laqi Aser. Pnswayan pusu rudan ma supi mnpahung ma mkela ba dmudul uri. Gaga spatis lutuc tnsapah hiya de, mkela mccebu we 2 mang 60'00 heyi.
Currently Selected:
1 Nooda 7: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
