1 Nooda 27
27
Ngayan Dqbsuran Supi
1Bnkean pknkingal pnspuwan qmeepah ka pusu rdrudan Israel, qbsuran mdudul 10'00, mdudul 1'00 ma, qbsuran supi we 2 mang 40'00 heyi. Dheya we knkingal knkawas png1 idas mssriyux qmeepah dmayo qbsuran paru ka knkingal pnspuwan.
2Mdudul 1 idas we Yasabam laqi Jabdiel. Niqan 2 mang 40'00 heyi ka dheya. 3Lqlaqi mslutuc Perec ka heya, mpqlahang 1 idas kana supi ma dqbsuran mdudul. 4Mdudul tg2 idas we Doday seediq Axoxi, mdayo heya we Miqlot. Niqan 2 mang 40'00 heyi ka dheya. 5Mdudul tg3 idas we Benayahu laqi Yehoyada msapuh. Niqan 2 mang 40'00 heyi ka dheya. 6Benayahu nii we qbsuran mdudul 30 heyi mnpahung ba supi. Ckceka daha we niqan ka Amijabad laqi na. 7Mdudul tg4 idas we Asahel mtswai Yoab. Jebadyah laqi na ka rmirih heya. Niqan 2 mang 40'00 heyi ka dheya. 8Mdudul tg5 idas we Samhut lqlaqi seediq Yijrax. Niqan 2 mang 40'00 heyi ka dheya. 9Mdudul tg6 idas we Ira laqi Iqes seediq Teqoa. Niqan 2 mang 40'00 heyi ka dheya. 10Mdudul tg7 idas we Xelec seediq Belon pnswayan rudan Eprayim. Niqan 2 mang 40'00 heyi ka dheya. 11Mdudul tg8 idas we Sibkay seediq Xusat pnswayan rudan Jerax. Knkingal pnspuwan ka qlhangan na we 2 mang 40'00 heyi. 12Mdudul tg9 idas we Abiejer seediq Anatot pnswayan rudan Binyamin. Niqan 2 mang 40'00 heyi ka dheya. 13Mdudul tg10 idas we Mahray seediq Natopat pnswayan rudan Jerax. Niqan 2 mang 40'00 heyi ka dheya. 14Mdudul tg11 idas we Benayah seediq Piraton pnswayan rudan Eprayim. Niqan 2 mang 40'00 heyi ka dheya. 15Mdudul tg12 idas we Xelday seediq Natopat pnswayan rudan Otniel. Niqan 2 mang 40'00 heyi ka dheya.
Qbsuran Mdayo Mpqlahang Pnswayan Rudan Israel
16Mpqlahang dpnswayan rudan Israel we so nii: Mpqlahang seediq Reuben we Eliejer laqi Jikriy. Mpqlahang seediq Simeon we Sepatyahu laqi Maakah. 17Mpqlahang Lewiy we Xasabyah laqi Qemuel. Mpqlahang lqlaqi laqi Aharon we Cadoq. 18Mpqlahang Yehudah we Elihu tgqbsuran mtswai Dawid. Mpqlahang Yisaskar we Amriy laqi Mikael. 19Mpqlahang Jebulun we Yismayahu laqi Obadyahu. Mpqlahang Naptaliy we Yerimot laqi Ajriel. 20Mpqlahang Eprayim we Hosea laqi Ajajyahu. Mpqlahang dmeka pnswayan rudan Menaseh we Yoel laqi Pedayahu. 21Mpqlahang dmeka pnswayan rudan Menaseh gaga dxeral nklaan Gilad we Yiduo, laqi Jekaryahu. Mpqlahang Binyamin we Yaasiel laqi Abner. 22Mpqlahang Dan we Ajarel laqi Yeroxam. Kana bobo nii we kiya ka dmdudul knkingal pnswayan rudan Israel. 23Ini spegi Dawid ka dseediq Israel ini hrinas 20 knkawas. Ado sntangan Utux Tmninun we, mprana seediq Israel maha mntena pngerah knhbragan. 24Prading smepu ka Yoab laqi Ceruyah, ini qhedu smepu na. Ririh noda nii, meyah Israel ka paru seang. Kiya ka ini btasi “Patis Ndaan Dawid Dqbsuran Paru” ka snepu nii.
Dqbsuran Mdayo Mpqlahang Qyqeya Qbsuran Paru
25Mpqlahang repun sapah qbsuran paru we Ajmawet laqi Adiel. Mpqlahang repun bukuy alang, dparu lualang, lualang biciq ma, qbrangan we Yehonatan laqi Ujiyahu. 26Mpqlahang seediq mpqeepah qnpahan we Ejriy laqi Kelub. 27Mpqlahang qnpahan lipas we Simiy seediq Ramat. Mpqlahang psnagan we Jabdiy seediq Sipmiy. 28Mpqlahang curung ma tdiyuc gaga Sipira we Baal Xanan seediq Gederiy. Mpqlahang repun abura curung we Yoas. 29Mpqlahang rahul dapa ga breenux Salum we Sisray seediq Saron. Mpqlahang rahul dapa ga ayu we Sapa laqi Adlay. 30Mpqlahang rahul dapa bukung we Obil seediq Yismael. Mpqlahang rahul dapa roba we Yexdeyahu seediq Meronot. Mpqlahang rahul miric we Hagasi seediq Hagar. 31Ngayan qbsuran mpqlahang dnoi sapah qbsuran paru Dawid ka nii.
Sslingan Dawid
32Yehonatan mtswai tama Dawid we ma seediq sslingan. Seediq nii we niqan ba knkela ma, mptpatis uri. Yexiel laqi Xakmoniy we mptgesa lqlaqi qbsuran paru. 33Mdayo sslingun qbsuran paru ka Axitopel. Xusay seediq Arki we mdayo lmngelung oda qbsuran paru. 34Bobo Axitopel de, Yehoyada laqi Benayahu ma, Ebyatar ka rmirih heya. Yoab we pusu qbsuran supi qbsuran paru.
Currently Selected:
1 Nooda 27: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
