1 Nooda 26
26
Mpqlahang Sapah Thmkuwan
1So nii ka pnssegan qpahun mpqlahang qmlahang sapah thmkuwan: Seediq Qorax lqlaqi laqi Ebyasap ma, laqi Qore we Meselemyahu. 2Tgqbsuran laqi Meselemyahu we Jekaryahu, bukuy we Yediael, tg3 laqi we Jebadyahu, tg4 laqi we Yatniel, 3tg5 seediq we Eylam, tg6 laqi we Yehoxanan, tg7 laqi we Elyehoenay. 4Tgqbsuran laqi Obed Edom we Semayah, bukuy we Yehojabad, tg3 laqi we Yoax, tg4 laqi we Sakar, tg5 laqi we Netanel, 5tg6 laqi we Amiel, tg7 laqi we Yisaskar ma, tg8 laqi we Peultay. Ado snbleyaq Obed Edom ka Utux Baro. 6Laqi Obed Edom ka Semayah we tnlaqi duma laqi, dmpahung supi ma qmlahang sapah tama na kana. 7Laqi Semayah we Otniy, Repael, Obed, Elisabad. Mtswai Elisabad we Elihu ma Semakyahu, niqan knkela ka dheya. 8Lqlaqi laqi Obed Edom kana ka nii. Niqan ba knkela daha moda oda ka dheya ma lqlaqi daha ma, mtswai daha. 62 heyi ka tnsapah Obed Edom. 9Niqan knkela ka laqi Meselemyahu ma mtswai na we 18 heyi. 10Xosah lqlaqi laqi Merariy we niqan duma laqi rseno: Gaga ngalun pusu we Simriy, bale ba we uxe tgqbsuran laqi ka heya. Tama na ka pnheyu heya. 11Bukuy na we Xilqiyahu, tg3 laqi we Tebalyahu ma, tg4 laqi we Jekaryah. 13 heyi ka laqi Xosah ma mtswai na.
12Pnsseegan dmqeepah mpqlahang rhengun ka nii. Niqan mdudul daha ma, msuupu mtswai daha meepah truma sapah thmkuwan Utux Tmninun hiya. 13Uka ima ka paru ma biciq, asi ka spooda lutuc tnsapah moda blebil qreti qmlahang rhengun. 14Mnangal rhengun nklaan hido we Selemyahu. Laqi na Jekaryahu we mkela ba lmngelung qqpahun ka wada mangal rhengun quri tgdaya. 15Qmlahang rhengun tgtruma ka Obed Edom, dlaqi na de mangal quri qmlahang repun. 16Supim ma Xosah we mangal rhengun sttuyan quri pryaxan hido ma, msdaling rhengun Saleket, mquri elu alang ma, mssipo mttqita ka mpqlahang. 17Niqan 6 heyi seediq Lewiy ka qmlahang rhengun quri nklaan hido, 4 heyi klaali we rhengun quri tgdaya, 4 heyi klaali we qmlahang rhengun tgtruma. 2 heyi klaali mssriyux qmlahang repun. 18Quri so sbesuk elu we, 4 heyi ka qmlahang ssiyo sbesuk elu pryaxan hido, 2 heyi ka qmlahang sbesuk. 19So nii ka nsugan qpahun mpqlahang rhengun lqlaqi laqi Qorax ma Merariy.
Duma Qqpahun
20Axiyah seediq Lewiy ka mpqlahang repun Utux Baro ma repun psaun qyqeya mrtaso. 21Lqlaqi laqi Ladan, gaga ngalun pusu rdrudan seediq Gerson we tnsapah Ladan we Yexieli.
22Jetam laqi Yexieli ma Yoel mtswai na we mpqlahang repun sapah thmkuwan Utux Tmninun. 23Niqan qpahun daha ka seediq Amram, Yichar, Xebron ma, Ajiel uri. 24Sebuel lqlaqi laqi Moseh, laqi Gersom ka mpqlahang repun. 25Dungal we mtswai na: Eliejer, laqi Eliejer we Rexabyah, laqi Rexabyah we Yesayahu, laqi Yesayahu we Yoram, laqi Yoram we Jikriy, laqi Jikriy we Selomit. 26Selomot ma mtswai na ka mpqlahang kana qyqeya repun, kiya ka qyqeya pnrtaso psaanak Dawid qbsuran paru, dpnswayan rdrudan, qbsuran mdudul supi 10'00 heyi ma 1'00 heyi ma qbsuran supi. 27Prtaso daha psaanak ka kana qyqeya gnlekan daha mccebu we, sdoi daha ssmalu sapah thmkuwan Utux Tmninun. 28Kana qyqeya pnrtaso pnsaanak Samuel seediq utux, Soro laqi Qis, Abner laqi Ner ma, Yoab laqi Ceruyah we, qlhangun Selomit ma mtswai na ka kana qyqeya pnrtaso pnsaanak nii.
Duma Qqpahun Seediq Lewiy
29Ckceka seediq lqlaqi Yichar we Kananyahu ma lqlaqi na ma qbsuran mdudul ma, qbsuran psgao mpqlahang kana oda quri nganguc Israel. 30Kana seediq Xebron ka Xasabyahu ma mtswai na we 17'00 heyi. Dseediq niqan knkela kana, qmlahang seediq Israel meniq pryaxan hido yayung Yarden ma, qmeepah kana oda Utux Tmninun ma oda qbsuran paru. 31Yeriyah we ngalan pnswayan rudan seediq Xebron. Tg40 knkawas qbsranun na ciida ka Dawid qbsuran paru we, mnoda migin knkingal pnswayan rudan ma tnsapah ciida, meniq Gilad ma Yajer hiya smdiyal dmpahung supi. 32Niqan 27'00 heyi ka dmtswai Yeriyah peeyah pnswayan pusu rudan ma niqan ba knkela. Dawid qbsuran paru we snkagul dheya qmlahang kana oda Utux Baro ma oda qbsuran paru meniq seediq Reuben, Gad ma, dmeka Menaseh.
Currently Selected:
1 Nooda 26: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
