1 Nooda 22
22
1Rmengo ka Dawid: “Sapah thmkuwan Utux Baro Tmninun ka nii ma, spuhan mbege snapuh psqama seediq Israel ka nii.”
Psramal Ssmalu Sapah Thmkuwan
2Dawid we posa kari quri seediq tnooda dxeral Israel, dungal we smkagul mqeepah btunux mpsmalu sapah thmkuwan Utux Baro. 3Dawid we psramal egu bale xiluy, kmmksmalu camu neluk ma daquc, dungal we psramal egu ba xiluy limuk, ini sqlingi smepu. 4Dungal we egu bale ka qhuni bale, ado seediq Cidon ma Cor we maadis egu qhuni bale sbege daha Dawid. 5Rmengo ka Dawid: “Laqi bale ka Selomoh laqi mu nana, mksmalu sapah thmkuwan Utux Tmninun we, asi ka mdakil paru knpruwan na. Knledax ngayan na we asi ka gmarang kana bobo dxeral. Kiya ka asi ku ka psramal ssmalu sapah thmkuwan.” So nii Dawid we psramal egu bale qyqeya berah ini huqil ciida.
6Dawid we mlawa laqi na Selomoh hmiti kari ssmalu na sapah thmkuwan Utux Tmninun, Utux Baro nuIsrael. 7Rmengo Selomoh ka Dawid: “Laqi mu! Bale ba lnglungan mu ge, mksmalu ku bale sapah thmkuwan pnooda ngayan Utux Tmninun, Utux Baro mu. 8Kiya de, meyah kenan ka kari Utux Tmninun: ‘Pnqluli su egu ba dara ma egu riyung ka ndaan su mccebu ka isu. Iya pooda ngayan mu smmalu su sapah thmkuwan. Ado pnsdara su hbaro ba seediq meniq berah mu ka isu. 9Qtai! Mptnlaqi su 1 rseno, ma seediq mptbleyaq ka heya. Sblequn mu ka heya ma, uxe mu ppyahun prrudu ssiyo na ka pais. Selomoh kesun ka ngayan na, ali nniqan na we psblequn mu ka Israel. 10Ririh ngayan mu heya ka maha smmalu sapah thmkuwan. Heya we mplaqi mu, yaku we mptama ku na. Pgsdhegun mu ka tluungan na mqbsranan paru ma qlhangan na, mpqlahang Israel betaq ani knuwan ka heya.’ 11Laqi mu! Tai so mtheyaq sunan ma mpsleelu bale noda su ka Utux Tmninun, mpsmalu su sapah thmkuwan Utux Tmninun, Utux Baro su. Mntena so rnengo na sunan. 12Tai so mbege knkela sunan ka Utux Tmninun, kiya ka mpuyu su tnugesa na qmlahang Israel ma, mpuyu gaya Utux Tmninun, Utux Baro su. 13Ciida, nasi su muyu kari pndakar ma gaya bneku Utux Tmninun pnoda na Moseh rnengo na Israel de, kika maha msleelu bale ka noda su. Pniqi pahung ma kbeyax, iya kiicu ma iya pkrkerang. 14Qtai! Ririh ssmalu mu sapah thmkuwan Utux Tmninun, mbqerus ku psramal 10 mang tarantu king, 1'00 mang ging ma, egu ini qlengi smepu ka xiluy limuk ma xiluy. Dungal we pnsramal ku qhuni, btunux we, tdwaan su prana na. 15Mpniqan su hbaro seediq mkela qmeepah, mpsmalu btunux, mpsmalu qhuni ma, kana lmlamu sslmeun, 16egu ssmalu daha king, ging, limuk ma, xiluy. Prdingi qmeepah ka isu di, tai so mpsuupu sunan ka Utux Tmninun.”
17Posa kari mdayo Selomoh laqi na dqbsuran mdudul Israel ka Dawid: 18“Uxe gaga msuupu yamu ka Utux Tmninun, Utux Baro namu peni? Uxe gaga mege psbleyaq ssiyo namu ka heya peni? Ado wada na sbege baga mu ka kana seediq dxeral nii ma, dxeral nii de thei berah Utux Tmninun ma seediq na. 19Saya, pyahani kana lhebun ma lnglungan namu migin Utux Tmninun, Utux Baro namu. Tutui ma prdingi smalu ka sapah thmkuwan Utux Baro Tmninun. Tai so hqulun ta truma sapah thmkuwan snmalu ngayan Utux Tmninun ka kulu Utux Tmninun ma qyqeya mrtaso nuUtux Baro.”
Currently Selected:
1 Nooda 22: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
