1 Nooda 20
20
Mangal Rabah ka Dawid
(2 Sam 12:26-31)
1Swaso prdingan knkawas, ali mosa mccebu ka dqbsuran, Yoab we dmudul supi mosa smeeliq dxeral seediq Amon, meyah kmremux Rabah ka heya. Dawid qbsuran paru we ga meniq Yerusalem nana. Cmebu Rabah ka Yoab ma, wada na ngalun ka Rabah. Dawid we krmuxun na mangal ka alang Rabah. 2Dawid we ngalun na ka bunuh peeyah Milkom qbsuran paru. King bobo hiya we 1 tarantu ma niqan ka btunux liqa? Kiya de psaun daha tunux Dawid ka bunuh nii. Dungal we gmeeluk egu riyung dnoi peeyah truma alang kiya ka Dawid. 3Tlusun na nganguc alang ka seediq hiya, psaun na toma keruc, ahuc urung ma puru. Wada so nii noda na quri lualang Amon uri ka Dawid. Kiya de mbrinah mosa Yerusalem ka kana supi Dawid da.
Mccebu Seediq Paru Peliset
(2 Sam 21:15-22)
4Bobo na de, mccebu Peliset meniq Gejer hiya ka seediq Israel. Sibkay seediq Xusat we wada na phqilun ka Sipay lqlaqi mslutuc Ripayim. Kiya de wada ini baka ka seediq Peliset da. 5Mosa mccebu seediq Peliset dungal ka dheya. Elxanan laqi Yair we glekun na ka Laxmiy mtswai Golyat seediq Gat. Smbrangan seediq nii we mntena dgusayan tunan ware qthuran na. 6Niqan stexal dungal we mccebu meniq Gat hiya. Niqan 1 seediq paru ba hnyegan, heya we 6 tluding baga na ma 6 ka tluding papak na, smepu de 24 kana ka tluding na. Heya we lqlaqi mslutuc seediq paru ka heya. 7Meyah tmheri seediq Israel ka heya. Yehonatan laqi Simea qbsuran mtswai Dawid ka wada smipaq heya. 8Lqlaqi mslutuc Gat seediq paru ka seediq nii ma, wada mtakur baga Dawid ma tnqliyan na ka dheya.
Currently Selected:
1 Nooda 20: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
