1 Nooda 18
18
Pkbeyax Mccebu Dawid ka Utux Tmninun
(2 Sam 8:1-18)
1Bobo na de, Dawid we mosa mccebu seediq Peliset, ini na baka ka dheya. Kiya ka glekun na mangal peeyah baga seediq Peliset ka Gat ma alang ssiyo na hiya.
2Dungal we mosa mccebu Moab. Kiya ka asi thei Dawid ka seediq Moab ma, mege pila heya.
3Mquri yayung Euhrates ka Hadadejer qbsuran paru Cobah ma, kmpgdehu beyax qlhangan na. Cmebu heya betaq Xamat ka Dawid. 4Dawid we wada gmeeluk 10'00 rulu mccebu na, qrapun na ka 70,00 heyi supi mpaapa dapa dmay ma, 2 mang heyi supi mkkesa. Rngiyan na ka 1'00 rulu mccebu ma, wada na sqetan urac kana ka dapa dmay. 5Mneyah dmayo Hadadejer qbsuran paru Cobah ka seediq Aram gaga Darmeseq we, 2 mang 20'00 heyi wada phqilun Dawid ka seediq Aram. 6Kiya de pkobu supi meniq Aram dxeral Darmeseq hiya ka Dawid. Kiya de thei Dawid ka seediq Aram ma, mege pila heya ka dheya. Dawid we ani mquri inu, Utux Tmninun ge, biqan na mbeyax mccebu ka Dawid. 7Dawid we glekun na mangal ka qqeerung heyi snmalu king Hadadejer, desun na Yerusalem. 8Dungal Dawid we gmeeluk egu bale limuk peeyah Tibxat ma Kun gaga Hadadejer. Bobo de, Selomoh we smlean na smseman limuk, eruc limuk ma, qyqeya limuk.
9Tou qbsuran paru Xamat we, mbahang wada ini baka Dawid ka kana supi Hadadejer qbsuran paru Cobah, 10smkagul Hadoram laqi na mosa Dawid hiya ma, mosa mege kari ma smbleyaq heya. Ado mnccebu Hadadejer ka heya we wada na ini baka ka heya. Mneegu ba mccebu Hadadejer ka Tou. Hadoram we maadis egu ba qyqeya snmalu king, ging ma, limuk. 11Dawid we prtaso na psaanak wada na sbege Utux Tmninun ka qyqeya ma, king ma ging gneeluk peeyah dqlhangan, kiya ka gneeluk pneeyah Edom, Moab, seediq Amon, Peliset, ma Amaleq.
12Abisay laqi Ceruyah we pnhuqil 1 mang 80'00 heyi seediq Edom meniq ayu Timu. 13Pkobu supi meeniq Edom ka Dawid. Kiya de thei heya ka seediq Edom. Mquri ani inu ka Dawid, Utux Tmninun ge, biqan na mbeyax mccebu ka Dawid.
14Mqbsuran paru kana Israel ka Dawid, dungal we msderux oda na quri seediq. 15Yoab laqi Ceruyah ka ngalan qbsuran supi ma, Yehosapat laqi Axilud ka ngalan mpatis ndaan. 16Cadoq laqi Axitub ma Abimeleq laqi Ebyatar we ma msapuh, Sawsa we mpatis meeniq sapah qbsuran paru. 17Benayahu laqi Yehoyada we qbsuran mpqlahang seediq Keretiy ma Peleti. Lqlaqi Dawid we, gaga ngalan qbsuran mdudul ssiyo qbsuran paru kana.
Currently Selected:
1 Nooda 18: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
