1 Nooda 17
17
Kari Natan Rrengo na Dawid
(2 Sam 7:1-17)
1Meniq sapah qbsuran ka Dawid ciida, rmengo Natan mpgeela kari: “Qtai! Nii ku meniq sapah snlmean qulic bale sapah qbsuran ka yaku ma, kulu pnsdhegan Utux Tmninun we gaga ckceka kobu kiya.” 2Rmengo Dawid ka Natan: “Seung nanak lnglungan su moda kndaun su. Ado gaga theyaq sunan ka Utux Baro.”
3Keeman ciida meyah Natan ka kari Utux Baro, rmengo: 4“Sai rmengo ka Dawid tntlqiyan mu: ‘Rmnengo so nii ka Utux Tmninun: Iya ba salu mrtaso sapah thmkuwan nniqun mu ka isu. 5Peeyah dmnudul ku seediq Israel meyah tgbaro betaq saya we, uxe ku mneniq sapah thmkuwan. Peeyah ku mrtaso kobu nii betaq mrtaso kobu gaga, peeyah ku kobu nii betaq ku kobu gaga. 6Kana tnhiyan mu mkkesa dseediq Israel, ini ku ba rengo ani kingal qbsuran mdudul Israel, kiya ka pndakar mu mosa dmudul seediq mu: Ma namu ini salu sapah thmkuwan snmalu qulic bale kenan ka yamu ho?’ 7Saya, kesa rmengo ka Dawid tnqliyan mu: ‘So nii ka kari Utux Tmninun Mdoi Kana Supi, pnlawa misu pneeyah tibu miric. So su uxe mtabu miric dungal. Pheyu ku sunan mqbsuran paru Israel seediq mu. 8Ani su mnosa ani inu, ida ku mptheyaq sunan ka yaku. Mpseqic ku kana pais su. Biqun su mu paru ngayan, mntena so ngayan dseediq niqan paru ngayan. 9Mpgao ku 1 dxeral nniqun seediq mu Israel. Pkdakil ku dheya ma, pniqun mu dxeral daha nanak uxe daha yahun prrudu. Dlqlaqi seediq naqah we, uxe meyah rmudu dheya. 10Ini pntena pnosa mu kari mpsgao ali qmnlahang seediq mu Israel ka qbsuran mdudul. Piixun mu kana ka pais su, dungal we mbege ku sntangan sunan, Utux Tmninun we mpheyu sapah su. 11Dehuk ka knkawas su maha su msuupu pusu rdrudan su ciida de, maha mlutuc sunan ka lqlaqi mslutuc su ma lqlaqi su. Mplekoh ku qnlhangan na. 12Heya ka mpsmalu sapah thmkuwan mu. Yaku ka mpskere tluungan na mqbsuran paru betaq ani knuwan. 13Yaku we mptama na ma, heya we mplaqi mu. Uxe mplatac heya ka gnaalu mu, mntena so mnlatac tgberah su. 14Mpskere ku heya meniq sapah mu ma qlhangan mu. Tluungan qbsuran paru na we ida mpgdehu riyung betaq ani knuwan.’” 15Kiya de muyu kana kari nii ma kana tuutux nii ka Natan ma, srengo na Dawid.
Qaras Dnurun Dawid
(2 Sam 7:18-29)
16Kiya de mremux truma ka Dawid qbsuran paru. Mosa tleung berah Utux Tmninun ma rmengo: “Utux Baro Tmninun! Ima ka yaku, mmaanu ka sapah mu, betaq su so nii dmudul kenan ho? 17Utux Baro! Tgbiciq riyung meeniq doriq su ka nii ma, betaq su rmengo maha hmuwa bobo na ka sapah tnqliyan su. Utux Baro Tmninun! Qnlhangan su kenan we mntena ba qmlahang su spruun ba seediq. 18So nii pnrana su mege knledax ka tnqliyan su we, maanu ka rrengo Dawid sunan dungal ho? Ida su klaun, tnqliyan su ka yaku. 19Utux Tmninun! Ririh tnqliyan su ma, mpuyu so lnglungan su, ririh su mptuura kana oda paru nii, mooda su kana paru oda nii. 20Utux Tmninun! Bnhangan miyan peeyah birac we, uka ka mntena sunan, wano ba isu, uka ka kesun Utux Baro. 21Ima ka mtduwa pntena Israel seediq su ka qlhangan bobo dxeral nii ho? Utux Baro, isu bale ka mnosa dmoi baga 1 qlhangan, ngalan su seediq su ma, ptuura su ngayan paru su lmniwaq su dqlhangan peeyah berah seediq dnoi su baga peeyah Micrayim. 22Ngalan su seediq su ani betaq knuwan ka seediq Israel su. Isu, Utux Tmninun we Utux Baro daha ka isu. 23Saya, Utux Tmninun! Psdhegi betaq ani knuwan ka kari sntangan su tnqliyan su ma sapah tnqliyan su. Braho su puyu so rnengo su moda. 24Tai so mpsdehu, pspruun paru ka ngayan su ma, mprengo ka seediq: ‘Utux Tmninun Mdoi Kana Supi, Utux Baro nuIsrael! Utux Baro su Israel ka isu.’ Kiya de, mpskere riyung meniq berah su ka tnsapah Dawid tnqliyan su. 25Utux Baro mu! Ado pntuura su tnqliyan su ma, kmsalu tnsapah na, kiya ka mnpahung ku dmurun berah su ka yaku. 26Saya, Utux Tmninun! Wano isu ka Utux Baro! Sntangan su mege tnqliyan su ka mbleyaq nii. 27Saya, mqaras su mege mbleyaq tnsapah tnqliyan su, kiya ka tduwa meniq berah su betaq ani knuwan. Utux Tmninun! Ado bnege su snbleqan ma, mbege su sbleqan dungal betaq ani knuwan.”
Currently Selected:
1 Nooda 17: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
