1 Nooda 16
16
1Spaapa daha psteme ckceka kobu pnsrmalan Dawid ka kulu pnsdhegan Utux Baro. Bobo na de smapuh snapuh psqama ma snapuh ptbale. 2Mnhedu smapuh snapuh psqama ma snapuh ptbale ka Dawid de, pooda ngayan Utux Tmninun smbleyaq seediq. 3Dungal we sugan na pang, 1 knretan heyi ma, pang lipas ka txtaxa seediq Israel, ani rseno ma mqedil.
4Smkagul duma seediq Lewiy mqqepah, muuyas, tndahu ma, thmuku Utux Tmninun, Utux Baro nuIsrael: 5Asap we qbsuran mdudul, duma we Jekaryah, Yajer, Semiramot, Yexiel, Matityah, Eliyab, Benayahu, Obed Edom ma Yeiel. Dheya we mtubu tubu heyu. Asap we mtatuk bngbang kbun. 6Benayahu ma Yaxajiel 2 heyi msapuh we ida so yupan iyuk pyupun na berah kulu pnsdhegan. 7Ali ciida we pnlayan ba smkagul Dawid ka Asap ma mtswai na tmdahu muuyas Utux Tmninun.
Uyas Tmdahu
(Uyas 105:1-15, 96:1-13, 106:1, 47-48)
8Qrasi Utux Tmninun ka yamu, durun ngayan na,
qneepah na we rrngaani kana qlhangan!
9Psquri heya muyas, tndahu muyas heya,
rrngaani ka kana so sklwiun qneepah na!
10Tndhui ka mrtaso ngayan na!
Tai so mqaras lhebun daha ka seediq migin Utux Tmninun!
11Igin ka Utux Tmninun ma beyax na,
igin dqeras na klaali.
12-13Lqlaqi mslutuc Israel tnqliyan na,
lqlaqi laqi Yakobu gneegan na!
Ndwai ba posa lhebun ka sklwiun ba qneepah ma noda na,
dungal we kari pnsgao peeyah quwaq na.
14Heya we Utux Tmninun, Utux Baro ta,
niqan snugeegan na ka kana bobo dxeral.
15Lnglungi ka pnsdhegan na betaq ani knuwan.
Lmngelung kari pnosa na betaq 10'00 knxalan.
16Kiya ka sndhegan na Abraham,
sndhegan na Yijxaq.
17Ngalun na gaya smdehu Yakobu ka pnsdhegan nii,
ngalun na pnsdhegan Israel ani betaq knuwan.
18Rmengo ka heya: “Bege mu sunan ka dxeral Kenaan,
ngali pusu dnoi namu.”
19Ciida, ini khbaro ka seediq namu,
qpuruh biciq mooda kmbarux hiya.
20Dheya we tnooda peeyah dxeral hini betaq dxeral hiya,
peeyah qlhangan nii betaq qlhangan hiya.
21Ini na srwai ptraqil seediq ka dheya,
ririh dheya betaq mseang qbsuran paru:
22“Iya pqnqihi ka hnrigan abura mu,
iya plqihi ka dmpgeela kari mu uri.”
23Kana bobo dxeral, tndhui muuyas Utux Tmninun!
Rrngaani klaali ka dnoi na baga!
24Grngaani kana qlhangan ka knledax na!
Grngaani kana seediq ka knpruwan qneepah na!
25Ado pusu ba paru ka Utux Tmninun, ani rabang stndahu.
Mgkala duutux ka heya, naka rnahun smparu miicu.
26Ado duutux kana qlhangan we skbrhuwan kana.
Wano ba Utux Tmninun ka smnalu krkarac.
27Niqan knledax ma knpruwan berah na,
niqan beyax ma qnaras meniq nniqan na.
28Kana dseediq bobo dxeral! Knledax, beyax we biqi Utux Tmninun,
nuUtux Tmninun kana!
29Knledax ngngalun ngayan Utux Tmninun we pqrii heya,
dsani snapuh posa berah na.
Osa thmuku Utux Tmninun mrtaso ma knledax.
30Prkerang berah na ka kana dxeral!
Pgdehu mheyu ka kana dxeral ma ini klgelu.
31Tai so mqaras ka karac baro, tai so mqaras ka dxeral!
Tai so mprengo ka seediq meniq dqlhangan:
“Mqbsuran paru ka Utux Tmninun!”
32Tai so stenge muudus ka rcilung ma ckceka hiya!
Tai so mqqaras kana ka qnpahan ma ckceka na hiya!
33Ciida, mpqaras berah Utux Tmninun ka qhuni gaga nrao,
ado meeyah psgao kana dxeral ka heya.
34Qrasi Utux Tmninun, ado pusu malu ka heya,
gnaalu na we ida meeniq betaq ani knuwan!
35Mprengo namu:
“Utux Baro mdoi baga miyan! Braho su doi baga miyan,
psseli miyan, doi baga miyan mlatac peeyah dqlhangan,
tai miyan so mtduwa mqaras ngayan su,
tai so tmdahu miyan beyax su.
36Tndhui ka Utux Tmninun, Utux Baro nuIsrael,
peeyah cbeyo betaq ani knuwan.”
Mprengo ka kana seediq: “Ameng!” Dungal we tmdahu Utux Tmninun.
Thmuku Meeniq Yerusalem ma Gibon
37Dawid we smkagul Asap ma mtswai na mosa kulu pnsdhegan Utux Tmninun hiya. Mqeepah berah kulu pnsdhegan ma, meepah ddaun na klaali. 38Dungal we Obed Edom ma mtswai na 68 heyi. Obed Edom laqi Yedutun ma Xosah we mpqlahang rhengun. 39Dungal we Cadoq msapuh ma mtswai na dmsapuh we, meeniq spuhan biciq dgiyaq Gibon ma, berah kobu Utux Tmninun. 40Muyu so ga spatis patis gaya bnege Utux Tmninun rnengo na seediq Israel, mege snapuh psqama Utux Tmninun klaali meniq spuhan psqama snapuh. 41Msuupu dheya ka Xeman, Yedutun, ma duma seediq gneegan ma niqan ngayan gaga patis we, mpuuyas tmdahu Utux Tmninun. Ado ida meeniq betaq ani knuwan ka gnaalu Utux Tmninun. 42Xeman ma Yedutun we msuupu dheya miyuk iyuk urung, phrenang ba bangbang kbun ma tlbegan, dungal we dmoi qyqeya tlbegan nii we tmdahu Utux Baro. Lqlaqi laqi Yedutun we qmlahang rhengun.
43Bobo mhedu de mosa sapah daha kana ka seediq, Dawid uri we mosa sapah na ma mosa smbleyaq tnsapah na.
Currently Selected:
1 Nooda 16: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
