1 Nooda 15
15
Psramal Maangal Kulu Pnsdhegan
1Dawid smalu sapah qbsuran paru alang Dawid hiya. Dungal we psramal pniqan na kulu pnsdhegan we pkobu 1 kobu hiya. 2Rmengo ciida ka Dawid: “Wano ba seediq Lewiy, uka ka mheal kulu pnsdhegan Utux Baro. Ado dheya we gneegan Utux Tmninun mpheal kulu pnsdhegan Utux Baro ma, seediq mpqeepah heya ani betaq knuwan.” 3Kiya de Dawid we pssliun na Yerusalem ka kana seediq Israel, kiya de eeyah daha posa kulu pnsdhegan Utux Tmninun pnsrmalan na hiya. 4Dungal we Dawid we psseli lqlaqi laqi Aharon ma seediq Lewiy. 5Lqlaqi laqi Qahat we niqan Uriel mdudul ma mtswai na 1'20 heyi. 6Lqlaqi laqi Merariy we, niqan Asayah mdudul ma mtswai na 2'20 heyi. 7Lqlaqi laqi Gersom we, niqan Yoel mdudul ma mtswai na 1'30 heyi. 8Lqlaqi laqi Elicapan we, niqan Semayah mdudul ma mtswai na 2'00 heyi. 9Lqlaqi laqi Xebron we, niqan Eliel mdudul ma mtswai na 80 heyi. 10Lqlaqi laqi Ujiel we, niqan Aminadab mdudul ma 1'12 heyi. 11Dawid we mlawa Cadoq ma Ebyatar msapuh ma Uriel, Asayah, Yoel, Semayah, Eliel ma Aminadab seediq Lewiy. 12Rmengo dheya: “Yamu we pnswayan pusu rudan Lewiy. Kiya de prtaso psaanak ka yamu ma mtswai namu, tai so mtduwa mheal kulu pnsdhegan Utux Tmninun, Utux Baro nuIsrael betaq dehuk pnsrmalan mu hini. 13Ado ini namu osa mheal kulu pnsdhegan nii ka tgberah ma, ini ta puyu gaya thmuku smiling Utux Tmninun, Utux Baro ta. Kiya ka betaq meyah cmebu ita ka heya.” 14Maanu so kiya, prtaso psaanak ka msapuh ma seediq Lewiy, sai mheal betaq hini ka kulu pnsdhegan Utux Tmninun, Utux Baro nuIsrael. 15Seediq Lewiy we spaapa daha phelan, mntena nuyu daha kari Utux Tmninun rnengo na Moseh.
16Dawid we posa kari dqbsuran mdudul seediq Lewiy, sskagul mtswai daha mdoi tubu heyu, phrenang bngbang kebun, mqqaras tgdiras muuyas. 17Kiya de Seediq Lewiy we smkagul Xeman laqi Yoel, mtswai na Asap laqi Berekyahu, mtswai na Eytan laqi Qusayahu lqlaqi laqi Merariy. 18Dungal we smnegul heya ka dmtswai na, Jekaryah, Ben Yajiel, Semiramot, Yexiel, Uniy, Eliyab, Benayahu, Maaseyahu, Matityahu, Elipelehu, Miqneyahu ma, mpqlahang rhengun ka Obed Edom ma Yeiel. 19Mpuuyas ka Xeman, Asap ma, Eytan, mptubu tlebu hrenang tubu heyu. 20Jekaryah, Ajiel, Semiramot, Yexiel, Uniy, Eliyab, Maaseyahu, Benayahu, we mptubu ma, peeyah hrenang mqedil. 21Matityahu, Elipelehu, Miqneyahu, Obed Edom, Yeiel ma, Ajajyahu we mdoi ptubu mdudul ma, mpsmalu tg8 hrenang. 22Kananyahu seediq Lewiy we pusu mdudul pnspuwan dmpuuyas ma, mtgesa seediq muuyas, ado mkela bale oda nii ka heya. 23Mpqlahang kulu pnsdhegan ka tnsapah Berekyah ma Elqanah. 24Mpiiyuk berah kulu pnsdhegan Utux Baro ka Sebanyahu, Yosapat, Netanel, Amasay, Jekaryahu, Benayahu ma Eliejer dmsapuh. Obed Edom ma Yexiyah we, mpqlahang kulu pnsdhegan kiya.
Desun Daha Yerusalem ka kulu pnsdhegan
(2 Sam 6:12-22)
25Kiya de mosa kana ka Dawid, drudan Israel ma, dqbsuran mdudul 10'00 heyi. Mqaras riyung mheal kulu pnsdhegan Utux Tmninun peeyah sapah Obed Edom. 26Pbleyaq seediq Lewiy mheal kulu pnsdhegan ka Utux Tmninun. Kiya de smapuh mege 7 dapa balas ma 7 baus miric ka dheya. 27Dawid, kana seediq Lewiy mnheal kulu pnsdhegan, Kenanyah pusu mdudul mpuuyas ma dseediq mpuuyas we, mlukus rila tninun nuqah kana. Kiya we Dawid we mlukus ipudi snmalu malu nuqah ka heya. 28Kiya de, seediq Israel we tddiras mqaras, miyuk urung, miyuk iyuk, phrenang bngbang kebun, tmubu tubu heyu ma, tubu ka dheya ma, smnegul kulu pnsdhegan Utux Tmninun mremux Yerusalem ka dheya.
29Mremux alang Dawid ciida ka kulu pnsdhegan Utux Tmninun we, qmita peeyah beling sapah ka Mikal weewa Soro ge, qtaan na gisu tqqaras ba kmeeki ka Dawid qbsuran paru de, smbiciq qmita heya ka lhebun na.
Currently Selected:
1 Nooda 15: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
