1 Nooda 14
14
Meeniq Alang Yerusalem ka Dawid
(2 Sam 5:11-16)
1Xuram qbsuran paru Cor we smkagul snkgulan madis qhuni malu skenux mosa Dawid hiya. Dungal we smkagul mpqeepah btunux ma qhuni mosa smmalu sapah qbsuran paru Dawid. 2Dawid ge, mkela pskere pheyu heya mqbsuran paru Israel ka Utux Tmninun. Dungal we ririh seediq na Israel, mpkbeyax qlhangan na ka Utux Tmninun.
3Dawid we mangal hbaro ba mqedil ma dmoi hbaro ba laqi rseno ma mqedil meniq Yerusalem hiya. 4Mntuting Yerusalem ka laqi na we Samua, Sobab, Natan, Selomoh, 5Yibxar, Elisua, Elpelet, 6Nogah, Nepeg, Yapia, 7Elisama ma Beelyada, ma Elipelet.
Ini Baka ka Peliset
(2 Sam 5:17-25)
8Seediq Peliset we mbahang wada cyuqan abura mqbsuran paru Israel ka Dawid de, kiya de meyah tgbaro migin phuqil Dawid ka kana seediq Peliset. Mbahang ka Dawid de, mosa smterung mpccebu dheya ka heya. 9Meyah mccebu ayu Ripayim ka seediq Peliset. 10Smiling Utux Baro ka Dawid: “Ini huwa mosa ku mccebu seediq Peliset ho? Bbege su baga mu ka dheya ho?” Cmiyuk heya ka Utux Tmninun: “Ini huwa mosa su, bege mu baga su ka dheya.” 11Mosa Baal Peracim ka seediq Peliset. Dawid we ini na baka hiya ka dheya. Rmengo ka Dawid: “Utux Baro we spoda na baga mu wada pkrehak pais, mntena meruq hnetur qsiya.” Kiya de Baal Peracim kesun daha tmngayan ka hiya. 12Seediq Peliset we sqada daha hiya ka tikung ma, Dawid we smkagul seediq psqama tikung.
13Dungal we meyah mremux ayu Ripayim ka seediq Peliset. 14Dawid we smiling dungal Utux Baro. Rmengo heya ka Utux Baro: “Iya sdurak peeyah bukuy daha, asi namu ka moda rmaro elu qetul smwaye dheya ma, speeyah sipo nrao qhuni cmebu dheya. 15Mbahang su hrenang papak ckceka waso qhuni de, asi osa mccebu ka isu. Ado tena wada ka Utux Baro, gaga tgberah su mccebu supi seediq Peliset.” 16Kiya de Dawid we muyu kari tnugesa Utux Baro, mosa mccebu supi seediq Peliset. Speeyah na Gibon betaq Gejer. 17Kiya de wada mkgarang dqlhangan ka ngayan Dawid, Utux Tmninun we pkcugun na heya ka kana qlhangan.
Currently Selected:
1 Nooda 14: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
