1 Nooda 13
13
Hdilun Peeyah Qiryat Yearim ka Kulu Pnsdhegan
(2 Sam 6:1-11)
1Mpprengo qbsuran paru supi 10'00, 1'00 ma, kana qbsuran mdudul ka Dawid. 2Rmengo kana seediq Israel ka Dawid: “Nasi malu mesa namu, pneeyah Utux Tmninun, Utux Baro ta mesa qtaan namu de, tduwa ta smkagul seediq moda qmita mtswai ta gaga meniq ani inu, dmsapuh ma seediq Lewiy gaga meniq bukuy alang. So meyah msseli ita hini kana ka dheya. 3Desun ta hini ka kulu pnsdhegan Utux Baro. Ado meniq ta knkawas Soro ciida, ini ta osa migin kulu pnsdhegan ka ita.” 4Malu mesa kana ka seediq, ado malu mesa qntaan daha ka kana seediq.
5Kiya de, Dawid we pssliun na ka seediq Israel pneeyah yayung Sihur dxeral Micrayim betaq tmayan Xamat, speeyah daha Qiryat Yearim madis hini ka kulu pnsdehu Utux Baro. 6Dawid we dmudul seediq Israel mosa Baalah, kika Qiryat Yearim ckceka dxeral Yehudah. Speeyah daha hiya madis ka kulu pnsdhegan Utux Baro Tmninun. Heya we gaga tleung bobo daha kirubing, kiya ka saangal ngayan kulu pnsdhegan nii ka ngayan na. 7Spaapa daha peeyah sapah Abinadab ka kulu pnsdhegan ma, psaun daha rulu bgurah. Uja ma Axyo ka dmudul rulu. 8Dawid ma seediq Israel we kmeeki berah Utux Baro kana. Muuyas, tmubu klegan tlbuan, tubu heyu, tubu 7 urac, bangbang kubun, iyuk ma bangbang gnukuc ka dheya.
9Dehuk ssbetan mugi Gidom ka dheya ciida, ado skripuc ka tgberah papak dapa de, asi hkero baga na dmoi kulu pnsdhegan ka Uja. 10Mseang quri Uja ka seang Utux Tmninun. Ado hmkero baga ma tmnelung kulu pnsdhegan ka heya de, wada na phqilun ka heya. Asi huqil berah Utux Tmninun ka Uja. 11Dawid we, ado wada mseang phuqil Uja ka Utux Tmninun de, Peres Uja kesun na tmngayan ka dxeral hiya betaq saya. 12Ali ciida, miicu riyung Utux Baro ka Dawid, rmengo: “Huwa mu kesun madis yaku hiya ka kulu pnsdhegan Utux Baro nii?” 13Kiya de ini daha pstmai alang Dawid dxeral daha nanak ka kulu pnsdhegan ma, pqriun daha madis sapah Obed Edom seediq Gat hiya. 14Mnsange 3 idas meniq sapah Obed Edom ka kulu pnsdhegan Utux Baro. Kiya we Smbleyaq tnsapah Obed Edom ma kana na ka Utux Tmninun.
Currently Selected:
1 Nooda 13: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
