Pa lo Salomõ 8
8
Ngon kɨmand ndɨ gah dɔ ngetart lon
1Ah, ĩla in ngonkom kɨdɨngã
in il mba kõm,
ĩla m'ndɔdi ko tɨga a ne,
m'a m'hɔi kɨromt
na de kɨ a kidɨm goto.
2M'a m'ɔrri ta ɗob,
m'and sei kuju lo kõm,
a i ndoom nyag, na m'a m'adi
kasɨ nduu kɨ burɨna kɨ nya kɨkootmbĩ
kɨ man kand kag grenadie lom.
3Ad jigela i girr dɔmt
na kɨ jikõa kuyɨm kɨront.
(Dekɨdɨngã)
4Ngan kɨdẽg kɨ Jerusalem,
m'kɔsɨ kɨ rotĩm, ot sɔkɨn,
ot ndoolɨn ngetar lom
mbã kama ndig kamtã.
Ngan kɨdẽ kɨ Jerusalem ndɨjen ta
(Ngékɔsɨpag)
5Nõ ndɨ bai kam dɨlalot,
ndɨna ron kad ngetart lon a?
Tar aw kɨ tɔg ngãi
M'ndooli girr kag pomt,
lot'n non kõi oojt
lot'n non tɔ la tokooj to kõit ye.
6Ad mĩ kamit tit kase kɔsɨdɔ nya be
tit kase dɔ jiit kɨta tar ngang asɨna kɨ koi,
m'ɗa jang tit kɨ lo kɨ Koo,
õ tit horr kɨtɨngabil,
i ndõ horr kɨ õ giling giling.
7Man kɨngãi kaa asɨ tɔl tar al,
mankõ kaa asɨ kut dɔa al tɔ.
Neni de ndig kad nyamajg lon
tube kɨta tar kaa, kid la a ngah ye.
(Ngankõ kɨdɨngãg)
Ta lo ngomand kɨ noojag
8J'aw kɨ kõnanj kɨdu in mbaa tee al ɓaitɔ.
Ɗi j'a kɨ ɗa kɨta kõnanj
ndɔ in dekɨdɨngã ndɨjen ta loa a?
9Ĩla i ndogbɔrr a ne, j'a kɨ ɗa
kujngomdɔɓe kɨ nar arjã dɔt,
ĩla i tabit a ne, j'a kɨ ɗaa kɨ kag sedɨr.
(Ngomand)
10Mĩ ndogbɔrr na mbam i tit
kujngomdɔɓe kɨro ngetart lom ta,
mĩ ngeɗe kɨ lapia.
(Dekɨdɨngã)
11Salomõ aw kɨ ndɔɔnduu Baal
Dekɨɗen kudt ada nar arjã
dub kɨɗa kɨta kanda.
12Ndɔɔnduu lom i lom, mĩ kɨɓe,
A Salomõ, nar arjã kɨ dub kɨɗa i loi
na nar ɓujoo i lo ngengom ndɔɔnduu.
Ngetar kun ngomand
13Ĩ ngendɨ kam ndɔɔt
madkɨɗamg ndɨ nelɨn mbid kɨdɔ ndɨnt.
M'kɔi adɨm m'nel mbim m'oon dɔ ta.
(Ngomand)
14Ah, ngetar lom, i ɗa kɨdõt
kad i titna kɨ wal ndɔi ke bal kal be
dɔ mbalbogt lo nyag kɨkootmbĩ.
Currently Selected:
Pa lo Salomõ 8: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
