Pa lo Salomõ 7
7
Ngan kɨdẽg elɨna ta
(Ngékɔsɨpag)
1I tel, i tel ɗe ngon kɨdẽ Sulamiat.
I tel, i tel ɗe kɨtakad kɨ nɔli kɔrikɔri j'oo.
(Dekɨdɨngã)
Kɨtɔɗi i ndig nɔlɨn ne dekɨdẽ Sulamiat
tit'n de a nɔlɨn ndom lo ɓut ngéndomg joo a?
Ngon kɨmand tee ndom nõ ngart
2Titbãi njai maj ngãi kam sanjat loi,
ah, ngon kɨdẽ lo ngar.
Girri tit kɨ medkɔsɨg,
kɨlaɗa ji ngegoosɨ ɗa nya.
3Kumi tit kop kɨ dɔa kuro
in kama nal kasɨnduu kɨ
burɨna kɨ nya kɨkootmbĩ al.
4Mbaai kɨjoo tit kɨ ngan wal kɨjoo
kɨ kõd oojd ndɔ kɨɗa be.
5Kɔi tit kujngomdɔɓe kɨ ɗan kɨ ngang ked,
kumi tit kɨ mankaar kɨ Hesbon
nderbe kɨ tabit Bat Rabim.
Koni tit kɨ kujngomdɔɓe kɨ
Libã in sumba lo kɨ Damasɨ.
6Dɔi i dõ tit mbalbo Karmel,
bisɨdɔi i tit kub kɨkɨre wor wor,
bisɨdɔi kɨ ngal hɔ ngar ɓert.
7Ĩn kɨmaj takumt, in kɨnel
dum, in ngetar lom.
8Kadroi ɗa kɨɗing tit kag tumbur,
mbaai tana kɨ bɨra kanda.
9M'el m'an: M'a m'al dɔ kag tumburt'n
ɗan m'a m'hɔ dɔjia.
Ah, kɨ mbaai tit kɨ bɨra kand nduu,
kɨ sé ko kɨ tee tait i tit kand kag pom be.
10Tai nel tit kasɨnduu kɨ nel ngãi.
(Ngomand)
in nũ kɨta ngetar lom,
ãi ndar ta degt ngéɓi.
Ngon kɨmand ndig ngetar lon
(Ngomand)
11Mĩ lo ngetar lom
na nyandɨg loa i kokɨromt.
12I ɗe, ngetar lom,
ad j'aw kam ndɔɔgt,
ad kɨ ɓi kam ngan ɓegt.
13Ad kɨ ɓai kɨsĩ ritit j'aw kam ndɔɔnduut
kɨ j'oo ke dĩ nduu ba ad hutag teen a,
kad j'oo ke kag grenadie tee kɨ hutn.
Nu la m'a m'adi tar lom ye.
14Sé mandragorg ot mbin,
kand kag kɨmajmaj tube ĩn dɔ tabitgt loj,
kikijg kɨ kɨmaɗi.
Ngétar lom, m'ngomd kɨtatɔi.
Currently Selected:
Pa lo Salomõ 7: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
