Pa lo Salomõ 6
6
Ngan kɨdẽ kɨ Jerusalem ndɨjen ta
(Ngékɔsɨpag)
1Ngetar loi aw ɗah a?
I dekɨdẽ kɨmand tɔi
ndeg dekɨdẽg tube.
Ngetar loi tel aw ɗah kad
j'aw kɨ saha jadi a?
(Ngomand)
2Ngetar lom aw kam ndɔɔt lon,
lo duw nyag kɨkootmbĩ
kɨtakad ɓut nyakulg loa sanya kam ndɔɔt
na kɨ n'teet Hutkamg.
3Mĩ lo ngetar lom na ngetar lom i lom ho,
ndɨ ul ɓut nyakulg lon dan Hutkamgt.
Ngetar maj tɔi ngamandg tube.
(Dekɨdɨngã)
4In kɨmaj takumt ta'na kɨ ɓebo Tirsa,
ngetar lom maj ngãi tit kɨ Jerusalem,
nya kɨkootɓool tit ɓut ngéɗɔɔ girr drapogt lod.
5I tel kumi ko dɔmt kɨta ad rom ndad
bisɨdɔi i tit bin ɓut bĩãg ngeto
kad mbalbo Galaadt.
6Ngangi nda tit kɨ but kon batg
ĩgɨn ɓain lo tugo rodt.
Oojɨn ngang joo joo, kɨmad kudt in i kuj goto.
7Ɓɔli titna kɨ nusɨ kand kag
grenadie gid kub kutdɔ loi.
8Ngarg kɨdẽ ĩn dɔkɨbojidet,
nẽi kɨɓer ĩn dɔjijoo,
ngan kɨdẽg ĩn ngãi dum da kɔrd.
9Derrngɔt lom, ngekasɨnatap lom
i kɨɗabe, I ngetar lo kon kooja,
ngamandg oona na kunɨna ngemajkurr,
ngarg kɨdẽ kɨ nẽ ɓerg oona na ɔsɨn gona.
(Ngan kɨdẽg)
10Nõ tee tit kunj lokar,
maj tit nah, unj rang tit kàd,
nya kɨkootɓool tit ɓut ngéɗɔɔg girr
drapogt lod a?
Ngon kɨdẽ aw kam ndɔɔt
11M'ɗisɨ, m'aw kam ndɔɔ kag noyerrgt
kɨtakad m'oo Hutkamg kɨ kam hollot,
kad m'oo ke dĩ nduu ɓa hut
ke kag grenadieg teen hutd a.
(Ngomand)
12Lon m'ger go al ɓaitɔ, kam tagahmt
m'aw, m'ndɨ kam pusɨt lo
mbaiɓe lo deg lom.
Currently Selected:
Pa lo Salomõ 6: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
