Pa lo Salomõ 5
5
Ngetar turta ngomand
(Dekɨdɨngã)
1M'aw kam ndɔɔt lom,
Kõnanɨm, ngon kɨdẽ lom n'hɔ dɔa,
M'kaw myrr lom
kɨ nyag lom kɨkootmbĩ.
M'sa mbãr tej lom nat kɨ yiba,
m'ãi kasɨnduu lom kɨ mba lom.
(Ngomand)
To rod ngãi kɨta ndɨn nat lo kɨɗa al
Namg, i san ho, ãin ho,
2Ɓi na ngarkam ɓi al,
M'oo dɔ ngetar lom ndɨ ga tabit an.
(Dekɨdɨngã)
I tee adɨm, kõnanɨm, ngetar lom,
derrngɔt lom, ngekasɨnatap lom,
kɨta tal ut dɔm, man tal kɨndɔ
ɗoosɨ bisɨdɔm,
ndii nde ɗengɗeng.
(Ngomand)
3M'ɔrr kub romt woi,
titbãi, m'a m'la romt gog a?
M'tugo njam woi,
titbãi m'a mad yɨro hɔa gog a?
4Ngetar lom la jin kam bulot kɨ tabit't
ad kamm leg butbut kɨtatɔa.
5M'ɓai dõ kad m'tee tabit mad ngetar lom
jim ndɨ ndeh yib myrr ɗengɗeng,
myrr ndɨ ndeh ngan jimt kɨdɔ hand kut tabit't.
6M'tee tabit mad ngetar lom
na ngetar lom ɓai kete, aw.
Lon elta ye kamm gang ngalang,
m'saha na m'ngaa al,
m'kuna na turɨm al.
7Ngéngomlog ĩgɨn ndian kam
ɓebot ngahmɨn, ndamɨn kɨ dò.
Ngéngomd ndogbɔrr ɔrrɨn kub kutdɔm.
8Ngan kɨdẽg kɨ Jerusalem, m'kɔsɨ kɨ rotĩm.
Ĩla i ngahn ngetar lom a ne,
I elɨna anan: M'tar ngetar lom kɨ tar kɨ tɔi takɔl.
Ngan kɨdẽ kɨ Jerusalem ndɨjen ta.
(Ngékɔsɨpag)
9De'n i tara ngãi ye,
ɗi oo roat majtɔi ndeg deg tube a?
Ĩ dekɨdẽ kɨ i mand i tɔi ndeg dekɨdẽg tube.
De'n i tara ngãi ye,
ɗi oo roat majtɔi ndeg deg tube a?
Kad i ndɨjenj nya kɨ titbe a?
Elj ad j'oo.
Ngon kɨmand elta dɔ ngetart lon
(Ngomand)
10Ngetar lom i basa, roa kɨre,
i kɨmajtɔi ku degt kɨdub kɨlah.
11Dɔa i tit nar ɔr kɨjajoi be,
bisɨdɔa maj ngãi, il titbel kagã.
12Kuma tit derrngɔt kɨ ndɨ ta mant kɨɓa,
tugon kɨ mba, ɗaa ad maj.
13Ɓola i tit lo in ɗan kɨta dub Hutkamg tit
ndar taa tit hutkam kɨ ndeh yib
myrr ɗengɗeng.
14Jia i tit kag nar ɔr kɨ tɨlan med
kɔsɨg tit
roa unj tit ngang ked kɨ utɨn dɔa
kɨ med sapir.
15Njaa i tit mbal marbɨr kɨnda
ĩgɨn mbool dã dɔ girr nar ort kɨjajoi.
Koa kɨkum i tit Libã
maj ngãi tit kag sedɨrg be.
16Takela i kɨ sɔl lom lom,
deg tube ndigɨna.
Titbe la ngetar lom,
titbe tɔ la madkɨɗam ye,
ah, ngan kɨdẽg kɨ Jerusalem.
Currently Selected:
Pa lo Salomõ 5: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
