Pa lo Salomõ 2
2
1Mĩ hutkam narsis kɨ dɔning Sarõt,
hutkam mũ kɨ kam hollogt.
(Dekɨdɨngã)
2Tit hutkam dan kongt ye
titbe tɔ ngetar lom ku ngan kɨdẽgt ho.
(Ngomand)
3Tit kag pom dan kaggt kɨ kam kút,
titbe tɔ ngetar lom in ku basagt ye.
M'ge kɨ m'ndɨ ndilat, na kɨ kanda nel tamt.
4Aw sem kam kuj ɗa ronelt,
drapo loa in hɔ dɔmt i tar.
5I ɗan sem kɨ kand nduu kɨtut,
i mbuj rom kɨ kand kag pom,
m'tar ngetar lom kɨ tar kɨ tɔi takɔl.
6Ad jigela i girr dɔmt,
na jikõa kɨ kuim kɨront.
(Dekɨdɨngã)
7Ngan kɨdẽg kɨ Jerusalem
m'kɔsɨ kɨ rotĩm kɨtakul wal ndɔig
kɨ kalg kɨ kam mut,
ot sɔkɨn, ot ndoolɨn ngetar lom
mbã kad kama ndig kamtã.
M'oo dɔ ndɨ ngetar lom
(Ngomand)
8M'oo dɔ ndi ngetar lom,
oon, ndɨ ɗe nõ,
ud kɨdɨtalg dɔ mbalbogt,
ɓai bal dɔ doorlogt.
9Ngetar lom titɨn na kɨ wal ndɔi
ke tit kɨ bal kal,
oo, ɗa gid ndogbɔrrt loj nu,
ɗa nɔl lo kam buro bɔrrt,
ɗa ooa buro parpart.
10Ngetar lom ndɨ elta na elɨm an.
(Dekɨdɨngã)
i ɓai dõ, ngetar lom,
dan mand lom, i ɗe.
11Kɨta kaglo kul tɔi woi,
man ndii nya ta ked, aw be.
12Hutkamg ban dɔningt,
kaglo kɔsɨpa ɗe woi,
oon dɔ ndi derngɔt kam dɔningt loj.
13Kag mbaiɓood tee kɨ kandɨn,
dĩ nduug teen kɨ hutd, ootɨn mbĩ,
I ɓai dõ, in ngetar lom,
dekɨdẽ lom kɨmaj takumt, i ɗe.
14Derrngɔt lom ngendɨ kam bulo mbalgt,
bulog kɨ girr mbalt kɨwo kɨɓing.
Adɨm m'oo takumi,
adɨm m'oo dɔ ndii kɨta ndii
nel dum, takumi maj koo tɔi dɔ.
(Kõ ngon)
15I hɔn talg adjɨn,
ngan talg ngenuj ndɔɔ nduu
kɨta dĩ nduug loj hutɨn woi.
(Dekɨdẽ)
16Ngetar lom i lom, na mĩ, m'a mĩ kɨ loa ho,
ndɨ ngom ɓut nyakulg lon dan Hutkamgt.
17Mbã kad loti, na lo kɨdiw tɔi kɔ
i tel, in ngetar lom.
I titna kɨ wal ndɔi ke tit kɨ bal kal
dɔ mbalbogt ĩgɨn gangjɨn nat.
Currently Selected:
Pa lo Salomõ 2: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
