Nahum 3
3
Ninib tet nya'n duw
1Beto lo ɓebo kɨ ngekũ mosɨ deg kɔ,
kɨ ɓakot kɨ tag kɨbal kɨ nyaɗa kɨlo ngetɔgt;
nya ta tir nya pur al.
2Deg oon kah ndeh kɨ kah gã pusɨɗɔɔg
kɨ kah kɨ kɨngotnja sɨndag kɨ gã,
pusɨɗɔɔg kɨ talɨn dang dang.
3Ngékal sɨndag nyan ɓood ɗɔɔ
kiyaɗɔɔ ndulo tit ndõ horr
ningag ndulon ngãi ngãi,
ngékoig ton kɨ log'n non, kɨ tɔlɨnd
kawɨn nindg kɨ dɔnat,
de kɨ asɨ da kɔr ngékoig'non goto
telɨn gig nja ngéɗɔɔgt.
4Ninib ɗa kaya dekɨdẽ nja koosɨ koosɨ ngãibe,
mbooli kɨ ngendokum deg,
kɨkul kaya loa telɨn girrdeg ngãibe ɓert lo yog lon.
5Bɨraɓe Ngekoosɨg el an: Oo m'ndoori
m'a m'un kub loi kɨ dõ mbã m'utɨn ta takumi,
m'a M'nyai mad girrdeg oon roi kɨ to kari.
Titbe deg kɨdɔ kõ, ɓegt oon rosɔl loi.
6M'a m'un ɓirɓit kɨyerr kɨdɔit,
m'a m'teli nya kɨpãbet,
m'a mad i tel nya godɔt.
7A i titbe, tube'n a ooin a
a ãina sãi kɔ roit, a elɨn anan:
Ninib tel gootɓe. Nõ a nõ kɨtɔa a?
Ko kɨɗah m'a m'sah ngesɔlkami tita?
8Ninib i maj tɔi Nõ Amon'n hã
ndɨ dan bahgt,
man gug dɔa,
bahbo i gong loa na
man i tabit loa tɔ, a?
9Etiopi kɨ Ejipt'n tɔg loa kɨ dɔboia goto.
Put kɨ Libiag ĩn ngeɗasia.
10Ke i titbe kaa, ɔrrɨna, awɨn sia ɓert,
nganag tɔ a rigɨjɨnd
dɔ tɔ ɗobg tube,
yan yuk dɔ kɨbogt loa kɨ mbaiɓeg loa tube,
dɔɔnd kɨ jinjirg.
11Ĩ tɔ Ninib kasɨ a ɗai, a i yaroi,
na, a i sah loyaroi nõ madngétaigt.
12Kujngomlog kɨngang loi tube ĩn
kag mbaiɓood kɨ kanda mbuj
na lon yeend,
tuson ta ngesaat.
13Oo, ngéɗɔɔg loi ĩn dekɨdẽg kusɨt,
ta ɗob lo dɔning loi tee ɗan tag nõ madngétaigt.
Horr õ kag kut ta ɗobg loi.
14Ĩn deg kɨ Ninib ɔdɨn man kɨ jogt,
i ɗan go kujngomdlog losɨ ad ngangɨn,
andɨn kam bɔrt, i ɓan bɔr,
i unɨn kag kɔrr brik.
15Na lahor a õsɨ mugɨj,
kɨyarɔ a gangsɨ kɔ,
a sasɨn tit kɨbetg be,
i oojɨna ngãi tit ngan kɨbetg,
a bɨlan kɨdɔtdɔt tit kɨbetg,
16i ad ngeɗagatg loi bɨlan ngãi
tɔi kɨmẽg kɨdɔrãt,
ĩn tit kɨbetg kɨ teen bɔgd, ɓai awɨn.
17Mbaiɓeg loi titɨn kɨbetg
na bɨradɔg loi titɨn tit kɨ koosɨ kɨbetg be
hɔn lo ndɨd dɔ kámgt kaglo kult,
na lon kàd ɗa dõ kamla ɓain
ad de ger lon awɨnt al.
18Ngéngombatg loi to ɓin ad ngar kɨ Asiri,
mbaiɓeg loi ton ningt, deg loi tĩn na dɔ mbalbogt
na de kɨɗa kɨ kad kawd kɨnat goto.
19Ɗob yoot dò loi goto,
dòndag loi tɔ ĩn ngãi,
Tubeg'n oon hoi ta loi ye a ndan jid dɔ tujt,
kɨta nõ majal loi ɔda kɨndɔgndɔg al a?
Currently Selected:
Nahum 3: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
