Nahum 2
2
Ngéɗɔɔg lan na gugɨn dɔ Ninib
1Deg kɨ Juda oon de mad ndɨ ɗe dɔ mbalbogt
I ngeɗe kɨ hoita kɨmaj,
I ngelamber kam kɨsokɨber
Ah Juda, i ngomgo ɗa nahg loi,
i tɔlkon kunkɔ'n un ad Luwah,
kɨta ngeɗamajal'n non a ɗe taa dɔningt loi gog al;
2Ngetujlo a ɓai kad ndoori ĩ ɓebo Ninib
i ngom tabit, ɓebo loi
i ngom ta ɗobg loi,
i dɔboi ho, ire kami ndang.
Na i hɔ tɔgi bá
3Kɨtɔ Bɨraɓe a ad kɔsɨgon ngaka Jakob,
a ad kɔsɨgon Israel gog.
Kɨta ngétirr nya tirɨn nyag lod pur
na nujɨn dĩ nduug lod.
Ngéɓoog ɗe butɨn lo,
ɗe tujɨn dɔj kag nduu lod
4Der ɗɔɔg lo gõɗɔɔg ĩn kɨ kɨre
Koosɨ ngéɗɔɔg lo madngétaag,
lan kubg kɨ kɨrre wor wor
Pusɨɗɔɔg ɗan kɨ njɔra njɔra kɨta ɗɔɔ,
ndulon ngãi ngãi lo dɔɔt,
ninga lod ndulon tit ndõ horrndulo ndõ horr be,
5Pusɨɗɔɔg ãin ngɔd kad'n lan ɗɔɔ
Ãin ngɔd dɔ ɗobt kɨbo kɨ natlog
A õd tit horr ngel be,
ãin ngɔd Kanag tit ndii kɨ tel yolong.
6Taa ne, ngar kɨ Ninibt kun bɨraɗɔɔg lon
na ndian kɨ ɓool kamdt.
Madngétag awɨn Kanag kad ndogbɔrrt
ɗan gidt kɨta ngom rod,
7Tentenbe ta ɗob kɨ kaw kɨ bahg tee,
ad kuj kõɓe lo ngar so ji madngétagt.
8Madngétag teen dɔ yot kɨdẽ, awɨn sia ɓert.
Dekɨdẽg tɔn ɗusɨɗusɨ tit derrngɔtg be
gan kad'd.
9Maɗi Ninib i tit mankaar be
na tajigla ndɨ ãi kɨ kɔ.
Kon anan: I duban, i duban.
Na de mad kɨ mbel kɨ gog goto.
10Tirɨn nar arjã pur,
tirɨn nar ɔr kɨ kar nyang,
nyamajg kɨ Ninib ĩn ngãi.
Nyangahg kɨ dang dang tube kɨ dum da kɔra.
Nõ tuj kɨdɔ Ninibt
11Tirɨn nya kɨ kar nyang, nya gotot,
tel gootɓe, kamd gang man,
gojd ndan na rod ndad yatata,
takumd ɓa kɨmallam nda.
12Holɓe tubog i ɗah a?
Lon ngan tubog a san nya tit,
lon bɔw tubo kɨ kõ tubo a ndiant
nat kɨ ngandg na de mad kɨ ndad ɓoolt ĩn ɗah?
13Tubo tɔrr dã huthut asɨ kɨta nganɨn
na hɔ kɔɔ dã ad kõ tubog lon,
ɗoosɨ holɓen kɨ nyahɔ
dã kɨ hɔ lo kɔlt.
14Bɨraɓe Ngekoosɨg elɨm an: Oo Ninib m'ndoori,
na m'a m'lahorr pusɨɗɔɔg loi kad telɨn sahorr,
kiyaɗɔɔ a tɔl ngan tubog loi.
M'a m'ɔrr nyatetɗɔɔ loi dɔningt kɔ,
a oon dɔ ndɨ ngombangkɨlag loi gog al.
Currently Selected:
Nahum 2: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
