Habakuk Takɨdɔt
Takɨdɔt
Maktub lo Habakuk ɔj dɔ kaglo kɨ ngang'n tee dɔ ngan Israelgt. Deg kɨ Babilont adɨn kõɓe lod ɗa bijir ho ngang ho. Ad ɗe tetɨnɗɔɔ kõɓe kɨ Juda, na tujɨn ɓebo kɨ Jerusalem kɨ kuj ndub Luwah kɨ ɓal kɨ 587 kete nõ kooj Jeju Krist. Habakuk i ngekelta kɨ ta Luwaht lon kaglo nãi nderbe kad deg kɨ Babilont ɗe tujɨn ne log.
Kam ɗob ninat kɨdasa ho kɨkõjoo j'a kɨ ta'n Habakuk majɨn na kɨ Luwah.
Habakuk ndɨje Luwah kɨtɔɗi Luwah ndɨ gon mbo lon majal kɨɗa lo deg tɔin dɔ lo a? Ndɨjea tag 'nten: Kaglo asɨ bãi hã maj kad de kon kokɨroat kamtã a nel mbin oon dɔ ta na a ad nyaɗa kɨ lo ngetɔgt a goto a? (Hab 1:2). Kaglo asɨ bãi hã deg kɨ ngéɗanya kɨgoot al a õn ne ɓe dɔ degt kɨ nyaɗa kɨgoɗobat al a? (Hab 2:6). Kɨtɔɗi nyag 'nten ɗan ne nya a? (Hab 1:3,13,14).
Luwah tura an: Deg kɨ Babilont a ɗen kɨ nyaɗa kɨmajal tɔi nyaɗa kɨ go lo ngetɔgt'n deg ndɨ ɗan tajigla (Hab 1:6-11). Ad ngekelta kɨ ta Luwaht Habakuk tel ndɨje tag Luwah an: Kɨla lom mĩ ngekelta kɨ ta Luwaht i kad m'ɗe kɨ nyag'n ndɨ ton ro deg nõit, na kad m'ngoo ta kɨ tur kokɨroit i Luwah (Hab 2:1). Luwah tur Habakuk an: Deg'n in ndahn kamd jeje dɔmt mĩ Luwah ye a ndɨn kɨ dɔd dõ. Nya mad a ɗad al bat. Hab 2:4, na deg'n ndɨ ɗan majal ye, tuj la ngahd ho ye. (Hab 2:7,10-11,16-17,19).
Ɗob nina kɨ 3 i tit pa Paag be. I pa kɨ kɔsɨ dɔ kɨlaɗag kɨbobo lo Luwah ho ndɨ el ta dɔ kĩt'n Luwah i nat kɨ deg lon kɨ kaglig tube nõ. Kam nyagt tube'n ndɨ ɗan nya ye, Luwah la tetɗɔɔ ye, i tɔgg kɨ majal hã a tetɗɔɔ al.
Maktub lo Habakuk elj ta lo ngekelta kɨta Luwah'n i Habakuk nõ. Ad i de kɨ ndɨ mbet so go degt kɨ majal, ho mbet nyaɗa kɨ gootal. Kɨ kaglog tube Habakuk ndɨ ndɨje ta Luwah dɔ nyagt'n ndɨ oo ad i nyag kɨ gootal nõ. (Hab 1:1—2:1) Nõ ngãi kɨta kɨlaɗadg kɨ gootal, kɨ nyaɗa kɨ go ngetɔgt'n ndɨ ɗe kɨ tuj dɔ degt. (Hab 2:6-20) Na ta'n Luwah ela ye Habakuk kad ndang ye a el deg kad oon dɔ maj (Hab 2:2-4). Kɨtɔ ger kad ɗɔɔ 'nten ye i ɗɔɔ lo Bɨraɓe, na Luwah tee dɔ nyakokamndilt ada oo kad Luwah i nat kɨ deg lon kam nyagt tube, aw mbah al, ndɨ lo ndɨnt kɨ kaglod tube (Hab 3:1-19).
Maktubt 'nten j'a kɨ ngah tag kɨ ndɨjen deg kɨ girrdeg ndɨ ndɨjen rod kaglot'n nya kɨ ngang teen dɔdt ad oon nyan asɨ ɗan al nõ jeje. I maktub kɨ ad tɔg kɨ kam kɨ misɨmisɨ deg ngãibe lon nya kɨto teen dɔd.
Currently Selected:
Habakuk Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.