Mika 4
4
Bɨraɓe a õɓe dɔ dɔningt kɨtaagbe kɨ lapia
1Kaglot kɨdɔboit
mbalbo'n kuj lo Bɨraɓe ɗa dɔt
a i kɨ nda dõ tasom mbalbogt,
a i kɨ tɔi kɨ dõ tɔi doorlog.
Girrdeg kɨ dang dang tube
a awɨn kɨdɔat tit man kɨ nũ be.
2Girrdeg koosɨg a awɨn, a elɨn an:
I ɗen, ad j'awɨn dɔmbalbot lo Bɨraɓe,
j'awɨn kuju lo Luwah lo Jakob,
kɨtakad ndooj goɗobg lon,
kad kɨ ndia dɔ ɗobgt loa.
Kɨtɔ ta nyandoo a tee ko ɓebot kɨ Siõ,
ta lo Bɨraɓe a tee ko Jerusalemt.
3A gangta ku girrdegt kɨ dang dang,
a i ngekoogo ta lo girrdeg ngãibe.
A ɔin kiyaɗɔɔg lod, a oon kɔsɨ ndɔɔgt,
ningag lod tɔ a ɗand ngorongt,
girrdeg madg a unɨn kiyaɗɔɔg ndoorɨn ne girrdeg madg al,
nẽbe kɨnõt a ndoon ɗɔɔ al.
4Na dekɨɗen a ndɨ girr dĩndut lon,
kɨ girr kag mbaiɓoodt lon,
de mad kɨ a ndad ɓoolt goto
kɨta ta Bɨraɓe Ngekoosɨg elta.
5Girrdeg kɨ dang dang ndɨ ndian
kam tɔ yogt lod kɨɗa kɨɗa tube,
na jĩ j'a kɨ ndia kam tɔ Bɨraɓe Luwaht loj
kɨndɔgndɔg mbãkɨnõt.
Bɨraɓe a ug ɔrr deg lon kam ɓe ɓert
6Bɨraɓe el an: Ndɔt'n non
m'a m'kaw mootg kɨnat,
m'a m'kaw ĩgɨn ĩn kɨ tuɓa kɔ
kɨ ĩgɨn m'da kumd ndo
7na Ĩgɨn tuson moot
m'a m'ad'd telɨn girrdeg kɨ nãin,
ĩgɨn ĩn kɨ tuɓa kɔ a ĩn girrdeg kɨngang,
na Bɨraɓe a õɓe dɔdt dɔ mbalbo Siõt,
ndɔt'n non mbãkɨnõt.
8Ĩ doorlo kɨ ɓebo Siõ i dɔt,
ĩ tit kuj ngomlo lo ɓut batg be.
A i tel õɓe gog,
a i tel õɓe tit kɨmaɗi,
ad i kõɓe lo ɓebo Jerusalem.
9Tajigla, kɨtɔɗi i ndɨ kon kɨ ndi kɨbobe a?
Ngar goto dãsɨt a?
Ngekɔjta oi a?
Nya kɨ to ɗai
tit'n tokooj ɗan dekɨdẽ be.
10Ĩ ɓebo Siõ kɨ ĩ tit ngomand be,
i ndur yoi, i tõ ɗusɨɗusɨ tit dekɨdẽ kɨ tõ kooj.
Kɨtɔ tajigla a i tee kam ɓebot kɔ,
a i hɔlondɨ kam mut,
a aw mbã ɓebo Babilont.
Nu la a ug ɔrri,
nu la Bɨraɓe a badɔi ji madngétaigt ye.
11Tajigla girrdeg kɨ dang dang ngãibe kawɨn na, na ndoorɨn
ndɨ anan: Ad Siõ tel kɨyerr,
ad kumj ooa ndã.
12Na girrdeg'n non gerɨn tagah Bɨraɓe al,
gerɨn takɔjg loa al tɔ,
kɨta Bɨraɓe kawd kɨnat tit sɨnga ko dɔ gar ndah nyakot,
13Ĩ ɓebo Siõ, i ɓai dõ, i nda sĩga nyako'n non.
M'a m'teli tit bɔw mang be, m'a mad gaj hand
kɨ kɨngoti nja ningakasɨ,
kad i rigɨjɨn girrdeg koosɨg;
a ndah nyatetɗɔɔ lod kɔtko kɨɗa kɨta Bɨraɓe,
a ad nyamajg lod Bɨraɓe ngedɔning kɨtaagbe.
14Tajigla ĩn deg kɨ Jerusalemt,
i kawɨn ngéɗɔɔg losɨ kɨnat.
Madngétag lan na gugɨn dɔ ɓe losɨ,
A ndan kɔt ngegangta lo Israel kɨ gɔlkɔp.
Currently Selected:
Mika 4: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Mika 4
4
Bɨraɓe a õɓe dɔ dɔningt kɨtaagbe kɨ lapia
1Kaglot kɨdɔboit
mbalbo'n kuj lo Bɨraɓe ɗa dɔt
a i kɨ nda dõ tasom mbalbogt,
a i kɨ tɔi kɨ dõ tɔi doorlog.
Girrdeg kɨ dang dang tube
a awɨn kɨdɔat tit man kɨ nũ be.
2Girrdeg koosɨg a awɨn, a elɨn an:
I ɗen, ad j'awɨn dɔmbalbot lo Bɨraɓe,
j'awɨn kuju lo Luwah lo Jakob,
kɨtakad ndooj goɗobg lon,
kad kɨ ndia dɔ ɗobgt loa.
Kɨtɔ ta nyandoo a tee ko ɓebot kɨ Siõ,
ta lo Bɨraɓe a tee ko Jerusalemt.
3A gangta ku girrdegt kɨ dang dang,
a i ngekoogo ta lo girrdeg ngãibe.
A ɔin kiyaɗɔɔg lod, a oon kɔsɨ ndɔɔgt,
ningag lod tɔ a ɗand ngorongt,
girrdeg madg a unɨn kiyaɗɔɔg ndoorɨn ne girrdeg madg al,
nẽbe kɨnõt a ndoon ɗɔɔ al.
4Na dekɨɗen a ndɨ girr dĩndut lon,
kɨ girr kag mbaiɓoodt lon,
de mad kɨ a ndad ɓoolt goto
kɨta ta Bɨraɓe Ngekoosɨg elta.
5Girrdeg kɨ dang dang ndɨ ndian
kam tɔ yogt lod kɨɗa kɨɗa tube,
na jĩ j'a kɨ ndia kam tɔ Bɨraɓe Luwaht loj
kɨndɔgndɔg mbãkɨnõt.
Bɨraɓe a ug ɔrr deg lon kam ɓe ɓert
6Bɨraɓe el an: Ndɔt'n non
m'a m'kaw mootg kɨnat,
m'a m'kaw ĩgɨn ĩn kɨ tuɓa kɔ
kɨ ĩgɨn m'da kumd ndo
7na Ĩgɨn tuson moot
m'a m'ad'd telɨn girrdeg kɨ nãin,
ĩgɨn ĩn kɨ tuɓa kɔ a ĩn girrdeg kɨngang,
na Bɨraɓe a õɓe dɔdt dɔ mbalbo Siõt,
ndɔt'n non mbãkɨnõt.
8Ĩ doorlo kɨ ɓebo Siõ i dɔt,
ĩ tit kuj ngomlo lo ɓut batg be.
A i tel õɓe gog,
a i tel õɓe tit kɨmaɗi,
ad i kõɓe lo ɓebo Jerusalem.
9Tajigla, kɨtɔɗi i ndɨ kon kɨ ndi kɨbobe a?
Ngar goto dãsɨt a?
Ngekɔjta oi a?
Nya kɨ to ɗai
tit'n tokooj ɗan dekɨdẽ be.
10Ĩ ɓebo Siõ kɨ ĩ tit ngomand be,
i ndur yoi, i tõ ɗusɨɗusɨ tit dekɨdẽ kɨ tõ kooj.
Kɨtɔ tajigla a i tee kam ɓebot kɔ,
a i hɔlondɨ kam mut,
a aw mbã ɓebo Babilont.
Nu la a ug ɔrri,
nu la Bɨraɓe a badɔi ji madngétaigt ye.
11Tajigla girrdeg kɨ dang dang ngãibe kawɨn na, na ndoorɨn
ndɨ anan: Ad Siõ tel kɨyerr,
ad kumj ooa ndã.
12Na girrdeg'n non gerɨn tagah Bɨraɓe al,
gerɨn takɔjg loa al tɔ,
kɨta Bɨraɓe kawd kɨnat tit sɨnga ko dɔ gar ndah nyakot,
13Ĩ ɓebo Siõ, i ɓai dõ, i nda sĩga nyako'n non.
M'a m'teli tit bɔw mang be, m'a mad gaj hand
kɨ kɨngoti nja ningakasɨ,
kad i rigɨjɨn girrdeg koosɨg;
a ndah nyatetɗɔɔ lod kɔtko kɨɗa kɨta Bɨraɓe,
a ad nyamajg lod Bɨraɓe ngedɔning kɨtaagbe.
14Tajigla ĩn deg kɨ Jerusalemt,
i kawɨn ngéɗɔɔg losɨ kɨnat.
Madngétag lan na gugɨn dɔ ɓe losɨ,
A ndan kɔt ngegangta lo Israel kɨ gɔlkɔp.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.